Roma 7:18 - Nouveau Testament en Ngienboum

¹⁸ Mèŋ n ne ńzsé ngie nò mbòŋo léen tè wɔ̀ɔn jÿó, n gɔɔn wɔ̀ɔn nyìŋ mesoŋ gẅie mèŋ fege fege. N tsɔ́ɔn légÿo nò mbòŋo fʉ̀’ ntsèm tá ńké tè ku’u légÿo wɔ́.

Roma 7:18 ပူးပေါင်းရင်းမြစ်များ

Matio 15:19

Á nue menkwaŋá tepòŋ zɔɔn ńkẅɛ pɔ́ tsɛ̀ɛ ntʉ́m nyìŋ, mɛ̌ zɔ̌ tsóte nyìŋ á zẅé wetsɔ̌, á gÿo gÿɛ́, mbàŋa fa’ pànzwě, pànzwě fa’ mbàŋa, á jʉ, ńcÿɔ nò á jʉ’ gie mé ŋaga mentsaŋ wó, ńtÿɔ́g sóon twó nyìŋ.

Lukase 11:13

Pi pie pi fʉ’ nò tɛ’ zsě léná shúm mbòŋo mbwo gubé gí. Tà ngʉ̀a shÿɔ́’ɔ ná Tá gẅi gẅie aa tÿǒ lepwó? À ge náa Zẅìge Ndʉalʉ̌a mbwo pʉ̀a pie pɔ́ lǔɔ?

Ŋwà’ne Jâŋ 3:6

Nyìŋ gẅie mámbàŋa pɔ́ manzwě zyě yé, à gwɔ́ pɔ́ nyìŋ mesoŋ, nyìŋ gẅie à Zẅìge Ssé zyě yé, á gẅiin le gwɔ́ gẅie à gwɔ́ pɔ́ we Zẅìge Ssé.

Roma 13:14

Pi kaa le gwɔ́ we sẅé gẅie Yěsô Kristo Cʉ̀apʉ̀a wege náa, ḿma’. Tà pi gíŋe ńnéŋe ńkwaŋa nò ná shúm tepòŋ sie mbab nnɛ́ gi tsóte gẅi pi tsɔ́ɔn léná né yé.

Roma 7:15

N zɔɔn kwa’ tè ne ńzsé mmó gie mèŋ n gÿo wɔ́. Ammó gie mèŋ n ne ńkwoŋo, mèŋ n tè yɛ̌ gÿo, n gÿo pɔ́ mmó gie mèŋ n tè kwòŋ.

Roma 7:19

Mèŋ n tè gÿo nò mbòŋo gie mèŋ n tsɔ̌ɔn légÿo wɔ́, mèŋ n gÿo pɔ́ nò tepòŋ gie mèŋ n tè tsɔ́ɔn.

Roma 7:25

E Ssé zɔ ge tóo tsoló kẅile wɔ̀ɔn. Á cʉa ná Cʉ̀apʉ̀a wege Yěsô Kristo, agù’te gwɔ́ mbwo yé. Áa pú’u, legyè sɔ́ɔn ne shwóŋó wɔ̀ɔn ngie n kú’te *lepʉ̌ Ssé, tá mbab nnɛ́ nyìŋ mesoŋ gie mèŋ n gẅiin ne ńtsóte wɔ̀ɔn n kú’te pɔ́ *lepʉ̌ nò tepòŋ.

Roma 7:5

Á ka zɔɔn ńgwɔ́ fʉ̀’ gie mbùm yege zɔ ka nyě sá’a wégè, letsɔ̌ɔn légÿo nò gie á te poŋ pʉ́’te mbùm yege, a nue *lepʉ̌ tɔ́’, ńgíŋe ńkẅi’i ḿbʉ́’te wégè, pege fa’ pɔ́ mefà’ mie é ge tóŋ pɔ́ legwé é ńnéŋe ná pege.

Galatia 5:17

Á nue menò mie mbùm nyìŋ mesoŋ tsóte yé ngie à gÿo é té mie Zẅìge Ndʉalʉ̌a ne ńkwoŋo ngie à gÿo wɔ́. Menò mie Zẅìge Ndʉalʉ̌a ne ńkwoŋo é té mie mbùm nyìŋ mesoŋ kwoŋ wɔ́, pɔ́ mépʉ́a lɔgɔ ńdʉ’ʉ lʉ’ʉ. Áa yɛ̌ tá pi tè gẅiin légÿo mmó gie pi kwǒŋ wɔ́.

Galatia 5:24

Pʉ̀a pie ée pe Yěsô Kristo léen ńgwá’ shúm tepòŋ sie é póŋ mbùm nnɛ́ yɔb, lâ sie mbùm nnɛ́ ŋwɛ́ zɔ tsɔ̌ɔn, tá á gwɔ́ pɔ́ pá’ fʉ̀’ gie pɔ́ léen ńkim mbùm nnɛ́ ŋwɛ́ nà tÿǒ nkǐ la.

Filipo 2:13

E Ssé zɔɔn ne fa’a tsɛ̀ɛ ntʉ́m pi légwɔ́ gie pi ge kwoŋ shúm sie é poŋo yé, mbɔɔ légwɔ́ gie pi ge gíŋ gÿo sɛ̌ shúm.

Filipo 3:12

À lɔɔn ńgwɔ́ n de gɔɔn ngie mèŋ n ku’ú ná mɔɔn menò ntsèm mie mèŋ n ne ńtsɔ́ɔn lɔɔn wɔ́. N ké légɔɔn ngie n cʉ’ʉ́ nyìŋ gẅie tsɔ́ mmó té gíŋe ne ńzága nà yé wɔ́ wɔ́. N nyé mánzsè, ńtsaa ndʉ̌, ńtsɔ́ɔn légwɔ́ pá’ Kristo, mélà’mie à kéen ńzába pwó nà mèŋ ńtí pú’u.

Titus 3:3

Á laa tsɔ́ fʉ̀’ pege yégè gwɔ́ pà gÿo nò té sáŋ, ńgwɔ́ pà tʉʉ twó, ńgwɔ́ pʉ̀a pie é záb ntʉ́m wɔ́b nà nò gie á té nò wɔ́, ńgwɔ́ mekwɔɔn mbwo shúm ntsèm sie ntʉ́m wégè tsɔ́ɔn lâ sie é poŋo wégè. Pege laa pʉ̀a ńcÿɔ́g, ńgwɔ́ ngàŋa kègɔ́’, ńgÿo mé pʉa wégè tɛ’, pege gíŋe ḿbʉa yégè pʉ̀a.

1 Piɛ 4:2

Pú’u la, pi gʉa nà melyɛ’ɛ́ lá’ mie pi nyě ńgẅiin ndùmo ssé tsetsá’, ńgÿo pɔ́ mmó gie Ssé ne ńkwoŋo, tà pi gÿo mmó gie mbùm nyìŋ zɔ tsóte yé á gÿo.