Roma 7:14 - Nouveau Testament en Ngienboum

¹⁴ Pege zɔɔn ne ńzsé ngie *lepʉ̌ fó mbwo Ssé. Tá á ké ńgʉa ná mèŋ, nyìŋ mesoŋ, mèŋ fege fege, mbà mé la sẅiŋe wɔ̀ɔn n cʉ́’ nkwɔɔn nò tepòŋ.

Roma 7:14 ပူးပေါင်းရင်းမြစ်များ

Matio 16:23

Yěsô sele nnɛ́, ńgɔɔn né Piɛ ngie: Fó nzèm mèŋ ńtsíŋte nnɛ́ me Sátà! Ɔ̀ cʉ’ʉ́ ńtate wɔ̀ɔn taté. Ɔ̀ tě ńkwaŋa pɛ́’ɛ, á gwɔ́ pá’ Ssé ne ńkwaŋa wɔ́, wɛ̂ gwɔ́ pɔ́ nkwaŋá pʉ̀a mesoŋ.

Matio 18:25

À tè gẅiin nkáb lélɔg ńtoŋ njǔ yé wɔ́, àfùɔ tsẅi ngie mé sẅiŋe yé, ésẅiŋe nzwě we, pâ penkʉ́ pé, tà mbɔɔ kɔ́ɔkɔ́ gie à gẅiin, ńdɔg ńtoŋ njǔ ye.

Matio 5:22

Tá’ mèŋ n gɔ̌ɔn yɔ́ɔn né pi ngie: Nyìŋ lɔɔn ńgyáŋa lóŋ nà fɛ́ we, mé gẅiin lélɔgɔ yé ńgʉa mvfò ntsɔ́’te mentsaŋ. Nyìŋ gẅie à toŋó fɛ́ we lê gʉ̀gʉ̀, mé gẅiin lélɔgɔ yé gẅie à tǒŋ ńgʉa mvfò cú’tè pàsá’a lá’. Nyìŋ gẅie à toŋó fɛ́ we lê tè zsé Ssé, à ku’u nyìŋ gẅie ńgwɔ́ Ssé ma’a yé mmɔ̌g.

Matio 5:28

!Tá mèŋ n gɔɔn né pi ngie: Nyìŋ lɔɔn ńdíe manzwě ńtsɔ́ɔn á zsé ngie áa tsɛ̀ɛ ntʉ́m yé mámbàŋa, mbà à ně ńdá’ ńgÿo gÿɛ́.

Lukase 5:8

Símo Piɛ gyá yɔɔn nò gyǎ, tà ńgʉa ńnuŋe mekwò Yěsô, ńgɔɔn né yé ngie: Cʉ̀apʉ̀a, tsétsɔ’, fó lejʉ́ŋ mèŋ ńgʉa, mèŋ n gee pá’ɔɔn ńgwɔ́ nyìŋ tepòŋ mvfò Ssé.

Lukase 7:6

Yěsô jú’, ńdu ssé pâ pɔ́ gʉa, ńgʉa tà ńcʉ́’ʉ lékúu mbʉ̀a tá ndá ncù, ḿbumte petsɔ́ pʉ̀a pie tá ndá ncù tǔm. Pɔ́ gɔɔn né yé ngie: Andè, tá ndá ncù yě, tè gége mbùm jù ngie ɔ̀ ge gʉa ndá ye, ngie à tsẅilé nyìŋ gẅie à lɔɔn ńgwɔ́ ɔ̀ tɔ́g tà ńkúu ndá yé lɛ.

Roma 3:9

Tà áa pá’ɔɔn ńgwɔ́ pege gɔɔn ngie kɔ́? Ńgie áa mvfò Ssé peg pà Yuda cʉa pʉ̀a pie é té pà Yuda wɔ́ keen? Ngǎŋ á té pú’u wɔ́. Mèŋ n ně ńdá’ ńda’te pá’ nò tepòŋ léen ḿbú ńjÿó pà Yuda mbɔɔ pʉ̀a pie é té pà Yuda wɔ́.

Roma 6:6

Tà pege lege ngie: Mé la púte Kristo laa nzẅìŋe nyìŋ gẅie à laa ná pege ńkíme nà tÿǒ nkǐ, légwɔ́ gie metʉ̀ mmó gie á laa ná pege, ńtsóte wégè pege gÿo nò tepòŋ, é ge mag pege é le gíŋe ńgwɔ́ menkwɔɔn nò tepòŋ wɔ́.

Roma 7:18

Mèŋ n ne ńzsé ngie nò mbòŋo léen tè wɔ̀ɔn jÿó, n gɔɔn wɔ̀ɔn nyìŋ mesoŋ gẅie mèŋ fege fege. N tsɔ́ɔn légÿo nò mbòŋo fʉ̀’ ntsèm tá ńké tè ku’u légÿo wɔ́.

Galatia 4:3

Á gíŋ ńgwɔ́ pɔ́ ndʉŋ ndʉŋ pá’ á laa fʉ̀’ gie pege la nyé ńgwɔ́ pá’ púɔ penkʉ́ la, pege gwɔ́ menkwɔɔn ńtí legìŋ gẅie mé gíŋe mǒ tsɛ̀ɛ yɔɔn njÿó.

Efeso 3:8

Tà mbɔɔ pá’ mèŋ n gee tsetsɛ̀ɛ pʉ̀a Ssé métsèm ńgwɔ́ pɔ́ nzsò nzèm, à ka ké ńzẅíŋ zẅíŋ ngie mèŋ n zɔ gʉa ńtsẅi nkʉ̀ mbòŋo á mbwo pʉ̀a pie é té pà Yuda wɔ́, é la’te pì tèmàg gie áa nà nò Kristo.

Heber 4:12

Ashwóŋè Ssé zɔɔn ńgwɔ́ ntentʉ́ tà ńkwa’ fa’ mefà’, atwó yé sẅíte tà ńcʉa mbɔɔ ye yɛ̌ nně ncù wɔ́ gie e gẅiin mengʉ́ŋ mbʉ́a, á shú ńkúu ná nyìŋ kǔ tà ńcʉa nà jʉ’ gie azẅìge ngàŋ pɔ́ ntʉ́m wé temte wó, tà ńcʉa nà jʉ’ gie mejwoŋó mbùm ngàŋ pɔ́ mefóon mie ée tsɛ̀ɛ mekẅǐ mé ée wó. Á ŋaga nyìŋ ná mmó gie ngàŋ ne ńtsɔ́ɔn mbɔɔ ná gie à ne ńkwaŋa ntʉ́m yé.