Roma 7:13 - Nouveau Testament en Ngienboum

¹³ Tà áa pú’u pá’ɔɔn ńdɔgɔ ńgɔɔn ngie ammó gie áa mbòŋ kéen ńtóo ná mèŋ ńcʉ́’ pɔ́ legwé keen? Ngǎŋ á té pú’u wɔ́. Anò tepòŋ zɔ̌ la gÿo n kwé, anò tepòŋ la kwa’ ńnyɛ ngie á té poŋ. Á la zẅɛ́’ɛ mmó gie áa mbòŋ ńdɔg ńgÿo mèŋ n kwé, ńdɔg pú’u, ńcʉa nà mmó gie e Ssé la tsẅi ngie mé gÿo, ńkẅɛɛ kwà’ máamáa nò tepòŋ.

Roma 7:13 ပူးပေါင်းရင်းမြစ်များ

Matio 28:8

Pànzwě gwóon fó ngʉ̀ŋe lesyè ńgʉa létsẅii yɔɔn nò mbwó *ngàŋa kwò Yěsô. Ecÿɔ’ nyé ńgwɔ́ pɔ́ ná pɔ́b, tá pɔ́ ne ńkága kǎg,

Lukase 20:16

À ge tó gÿo mé zẅéte pɔɔn pànyɛte melù’, à cʉ́me nká’ mbwo pe mendyɛ̀’ɛ. Alá’ jú’ pá’ Yěsô cʉmé yɔɔn nò pú’u, ńgɔɔn ngie ngǎŋ ńgwɔ́ á le pɛ́’ɛ wɔ́!

Roma 5:20

Tá á piŋ ńgʉa nà *lepʉ̌, mbà Ssé lɔ̌ɔn zába légwɔ̀ gie pʉ̀a ge fó mǒ é gyá nzẅìŋ gẅie pɔ́ lɔg ńgÿo nò tepòŋ pú’u. Pá’ menò tepòŋ ne ńgyɔ́ɔn lêkɔ́ wɔ́ e Ssé ne ńtsɔ́ɔn mezìŋe pʉ̀a ńcÿó gem yɔ́b tà ńtɔ́gɔ ntí.

Roma 8:3

*Lepʉ̌ Mǒsê la tè ku’u légÿo yɛ̌ mmó wɔ́, á nue nyìŋ mesoŋ la lɔg pá’ à fege fege, ńtáte. Tá Ssé la ké ńgÿo yɛ̌ mmó, ńcʉ́’ʉ légÿo, ńtúmo kwà’ Míŋ we á sele ńcʉ́’ʉ nyìŋ mésoŋ, á nyìŋ mesoŋ gẅie aa ngàŋ mefʉa légwɔ́ gie à ge kẅile nyìŋ mesoŋ tsɛ̀ɛ nò tepòŋ. E Ssé la lɔg pú’u, ńzẅé metʉ̀ nò tepòŋ gie á sá’a pʉ̀a mesoŋ.

Galatia 3:21

Pá’ áa pá’ɔɔn lɔɔn á lɔgɔ ńgwɔ́ ngie *lepʉ̌ Ssé la pyág shúm sie à la ka’ kekɔ́ wɔ́? Ngǎŋ á té pú’u, wɔ́. Á la gwé’e ńgwɔ́ gie à la ná tsɔ́ *lepʉ̌ sie ńgwɔ́ é gÿo pʉ̀a mesoŋ gwɔ́ wó, mbà à lɔɔn ńgwɔ́ nyìŋ lɔg pá’ à kú’te *lepʉ̌, ńku’u nyìŋ gẅie aa mvfò Ssé ńgwɔ́ ndʉŋ ndʉŋ.