Roma 6:9 - Nouveau Testament en Ngienboum

⁹ Peg cwoŋo ne ńzsé ngie Kristo la vɔg tà ńzíme nà legwé, à tè lá’ gíŋe kwé wɔ́. Legwé tè gíŋe ńgẅiin tsɔ́ nò ná yé wɔ́.

Roma 6:9 ပူးပေါင်းရင်းမြစ်များ

Roma 5:14

Tà mbɔɔ pú’u, éfó nà fʉ̀’e Adam ńgʉa ńkúu nà fʉ̀’e Mǒsê, legwé gẅiin pʉ̀a mesoŋ gẅiin mbɔɔ pie pɔ́ la tè gÿo nò tepòŋ pá’ Adam gẅie à la fʉa *lepʉ̌ sie e Ssé la ná né yé wɔ́. À nò Adam sẅé yé nyìŋ gẅie à lɔ̌ɔn ge lá’ tá tó.

Roma 6:10

Kristo la kwé, ńkwé pɔ́ tà’ légʉa, á nà menò tepòŋ pʉ̀a. Àa fʉ̀’ɔɔn ńgwɔ́ wó pɔ́ léná mekù’ Ssé.

Roma 6:14

Anò tepòŋ zɔɔn tě ńdá’a ńgíŋe ńgẅiin gẅi wɔ́, á nue pi cʉ’ʉ́ ńgiŋe ná mánzsè *lepʉ̌ wɔ́, pi cʉ’ʉ́ ńgiŋe pɔ́ ná mánzsè gẅie e Ssé ne ńcʉa mǒ ńcÿó gem gí, pi ne gÿo mmó gie áa ndʉŋ ndʉŋ.

Roma 6:4

Pá’ á la fó nà kẅé ntse, pega pɔ̌ púte ńkwé, mé gíŋe ḿbúte wega pɔ̌ ńtúŋ, légwɔ́ gie pá’ e Ssé Tá la lɔg metʉ̀ mie é gẅiin legú’, ńgÿo Kristo zíme ná legwé la, pege yégè ge cʉ́’ gwɔ́ pɔ́ tsɛ̀ɛ le gwɔ́ we sẅé.

Heber 7:16

À tè gwaa gwɔ́ nùŋe pwɔ́’ pá’ɔɔn, á fóo ná tsɔ́ *lepʉ̌ sie mé la záb ngie pʉ̀a mesoŋ giŋe mǒ wɔ́. Á fóo pɔ́ nà metʉ̀ mie ée nà we le gwɔ́. Wɛ̌ le gwɔ́ á gwɔ́ tèmì,

Heber 7:25

Áa mmó gie á gíŋe ńgÿo á ku’u légÿo pʉ̀a pie pɔ́ ne ńdɔgɔ yé ńtsóte nnɛ́ nê lejʉ́ŋ Ssé, pɔ́ tsẅɛ́ ndà’ ndà’. Pú’u nue yé Yěsô aa ńgwɔ́ pɔ́ wó, pá’ à ge sẅíŋte Ssé nà twó yɔ́b.

Ŋwà’ne Ngyà jʉ’ 1:18

Mèŋ n gee nyìŋ gẅie à gÿo mé gwɔ́ wó. N da kwé, tá mèŋ n gee fʉ̀’ɔɔn ńgwɔ́ wó, é ké lá’a gwɔ́ pɔ́ wó. Mèŋ n gẅiin metsɔ́’ɔ kí, mie é náa wɔ̀ɔn metʉ̀ lélɔg ńjÿɔ́’ɔ jʉ’ gie mepfó ée wó, kà pɔ́ lélɔg ńtsɔ́’ éfó wó ńkẅile pʉ̀a wɔ́.