Roma 6:3 - Nouveau Testament en Ngienboum

³ Pi legé ngie á gʉa ná pege metsèm pie mé la nu’u wégè ntse, pege lɔgɔ ńdaa nnɛ́ ná Yěsô Kristo, lénu’u wégè ntse ŋwɛ́ lɔgɔ ńda’te ngie pega pɔ̌ la púte ńkwé tà’ legwé ka?

Roma 6:3 ပူးပေါင်းရင်းမြစ်များ

Matio 28:19

Pú’u la, pi gʉa ngwòŋo ngwòŋ, ńdɔg pʉ̀a mesoŋ ńgÿo *ngàŋa kwò yɔ́ɔn, ńnu’u wɔ́b ntse ná lezíŋ Tá, mbɔɔ Múɔ, mbɔɔ Zẅìge Ndʉalʉ̌a,

Megàŋ ntúm 19:5

Pʉ̀a ŋwɛ́ jú’u yɔɔn shwóŋè, ńgÿó mé nu’u wɔ́b ntse ná lezíŋ Cʉ̀apʉ̀a Yěsô.

Megàŋ ntúm 2:38

Piɛ tsɔ́’ɔ mbwó pɔ́b ngie: Pi kúbe mà. Wɛ̌ nyìŋ wɔ́ nà pi zẅíŋ mé nu’u ye ntse nà lezíŋ Yěsô Kristo. Légwɔ́ gie e Ssé ge lege menò tepoŋ mé é naa mbwó yé. E Ssé lêen ńké ńnáa Zwìge Ndʉalʉ̌a né pi.

Megàŋ ntúm 8:16

mélà’mie a Zẅìge Ssé la nyé tè kǔ nà tsoon tà’ nyìŋ wɔb. Mé la nu’u wɔ́b tsɛ̀ɛ ntse pɔ́ ndà’ ná lezíŋ Cʉ̀apʉ̀a Yěsô.

Roma 6:16

Tà pi ké ńdege ngie nyìŋ lɔɔn ńzẅíŋ nkwɔɔn nyìŋ pá’ à ge ne jú’u ncwò ngàŋ, mbà à cʉ̌’ nkwɔɔn ngàŋ. Á lɔgɔ ńgwɔ́ ngie pi lɔɔn ne ńjú’u ncwò nò tepòŋ, mbà pi cʉ̌’ nkwɔɔn nò tepòŋ, á gÿo pi kwé, ńké ńgwɔ́ gie pi lɔɔn ne ńjú’u ncwò Ssé, mbà pi ge cʉ́’ nkwɔɔn Ssé, à gÿo pi gÿo mmó gie áa ndʉŋ ndʉŋ mvfò yé.

Roma 6:8

Pá’ pega Kristo la púte ńkwé la, á lɔgɔ ńgwɔ́ ngie pega pɔ̌ ge gÿo é púte gwɔ́ wó.

Roma 7:1

Mefɛ́ pɔ́ɔn, pi pie pi ne ńzsé mmó gie *lepʉ̌ ée yɛ̌, pi tè ne ḿmoŋe ngie *lepʉ̌ gẅiin nò ná nyìŋ pɔ́ fʉ̀’ gie angàŋ nyé ntentʉ́ wɔ́.

1 Korento 10:2

ńdɔg pú’u, ńkẅé ntse, ńcʉ́’ pʉ̀a Mǒsê.

1 Korento 12:13

Á nue e Ssé la lɔgɔ tà’ Zẅìge wémɔ’ɔ́ ḿbú ńtemte wégè metsèm légwɔ́ gie pege ge lɔg pú’u, é gwɔ́ tà’ mbùm nnɛ́, epʉ̀a lɔɔn ńgwɔ́ pɔ́ pà Yuda, kà pɔ́ pʉ̀a pie é té pà Yuda wɔ́ wɔ́, ńgwɔ́ pɔ́ menkwɔɔn kà púɔ lá’ gwɔ́, mbà Ssé la pú ńnéŋe tà’ Zẅìge wémɔ’ɔ́ á ntʉ́m pege pɔ́ metsèm.

1 Korento 15:29

Á lɔɔn ńgwɔ́ gie mé kwé mé té gíŋe ńzíme nà legwé wɔ́, mbà tsɔ́ pʉ̀a kẅé ntse á nà twó mepfó pie pɔ́ la tè ntse kẅé pé’e ńtsɔ́ɔn kɔ́? Mbà mélà’a kɔ́ pɛ̌ pʉ̀a kẅé ntse ná twó mepfó?

1 Korento 3:16

Pi tè ne ńzsé ngie pi ee pɛ́’ɛ̀ ńgwɔ́ *jʉ’ʉ Ssé, à Zẅìge Ssé tsẅé tsoló wɔ́ ka?

1 Korento 5:6

Á té poŋ pi ŋá’te lé yɛ̌ ntí nò tsetsɛ̀ɛ pi wɔ́. Pi tè ne ńzsé ngie méjʉ’ʉ *mvòŋ gÿo à feléwa ntsab pú ńkwɔ́’ wɔ́ ka?

1 Korento 6:19

Tsyee pi tè ne ńzsé ngie mbùm gi aa jʉ’e Zẅìge Ndʉalʉ̌a wɔ́ ka? Yɛ̌ Zẅìge á tsẅé tsoló, mbà Ssé la ná né pi. Pi zɔ tè gẅiin twó mbùm gí wɔ́.

1 Korento 6:9

Pi tè ne ńzsé ngie pʉ̀a pie pɔ́ gẅiin mà tepòŋ pɔ́ téen ńdá’a ńgẅiin yɔ́b jʉ’ tsɛ̀ɛ nò *lefùɔ Ssé wɔ́ ka? N gɔɔn pʉ̀a pá’ pie pɔ́ pumte wɔ̌wɔ́ɔ pâ pɔ̌ nuŋe nuŋe, mbɔɔ pʉ̀a pie é gu’te shúm ngie ee messé, mbɔɔ mbàŋa lâ pànzwě pie pɔ́ gÿo gÿɛ́, mbɔɔ pàgÿo menò sẅile sẅile, mbɔɔ mbàŋa gie é sele ńgÿo nò mámbàŋa pɔ́ manzwě tsetsɛ̀ɛ pɔ́b kà pànzwě wɔ́, mbɔɔ metsǒŋ, là pàkwoŋ nkáb tɛ’, lâ mepʉ̀a melù’, lâ pàshwóŋó tepòŋ nà mezíŋ pʉ̀a, lâ pàgwoon ńkẅé, ndyɛ̌’ pi fʉte mbùm gi nà mɔɔn menò ka, pɛ̌ pʉ̀a pɔ́ téen ńdá’a ńkúu nà nò *lefùɔ Ssé wɔ́.

1 Korento 9:13

Pi tè ne ńzsé ngie jʉ’e Ssé zɔ̌ jÿɔ́g pʉ̀a pie pɔ́ fa’a tsoló wɔ́ ka? MÀbiŋ tè ne ńzsé ngie pʉ̀a pie pɔ́ nuŋe pwɔ́’ jʉ’ gie mé nuŋe pwɔ́’ wó jʉ’e Ssé, pɔ́ gẅiin yɔ́b mmó nà shúm pwɔ́’ sie mé lɔ̌g ńtóo mvfò Ssé wɔ́ ka?

1 Korento 9:24

Pi ne ńzsé gí ngie á gʉa jʉ’ gie mé kÿo ndʉ̌ wó, pàkÿo ndʉ̌ kÿo pɔ́ metsèm, tá tà’ nyìŋ wémɔ’ɔ́ ná pɔ́b zɔ̌ kaa mmó gie mé ně ńzáb. Wɔ̌wɔ́ɔ ná pi gwɔ́ à kÿo nà ntí gie à ge kaa mmó gie mé ně ńzáb.

2 Korento 13:5

Pi lê twó gí pi líe mbùm gí ńgyá. Kà pi ne ńgiŋe ndʉŋ ndʉŋ ná nò Kristo gie pi la zẅíŋ wɔ́. Pi nyɛte ńtsa’. Pi tè ne ńgyá ngie Kristo aa tsɛ̀ɛ ntʉ́m pi wɔ́ ka? Á gwé’e pé’è á té pú’u wɔ́, mbà á lɔgɔ ńgwɔ́ ngie pi tè pʉ̀a Kristo wɔ́.

Galatia 3:27

Pi metsèm, pie pi la kẅé ntse á gwɔ́ léla nnɛ́ ná Kristo, mà Kristo kéen ńjÿó gẅí.

Ŋwà’ne Jâg 4:4

Pii pàlaŋ nzèm pʉ́a. Pi tè ne ńzsé ngie nyìŋ gẅie aa shǔ shúm njÿó, cʉ̌’ ńgwɔ́ pɔ́ ngàŋ mbù Ssé wɔ́ ka? Nyìŋ gẅie à kwoŋ shúm njÿó cʉ̌’ ńgwɔ́ pɔ́ ngàŋ mbù Ssé.

1 Piɛ 3:21

Wɛ̌ ntse é laa liŋé kẅe ntse gie á gÿo pi tsẅɛ́ɛ fʉ̀’ɔɔn lɔɔn. Mé téen ńdɔgɔ sɔgɔ pɔ́ ncÿǒ nà mbùm nnɛ́ wɔ́. Á gwɔ́ pɔ́ lélɔg ńdúɔ mbwo Ssé ngie à sɔg mentʉ́m mégè, é le gíŋe ńŋaga wégè wɔ́. Akẅe ntse lɔgɔ pú’u, ńgÿo pi tsẅɛ́ɛ, ńzẅɛ́’ɛ pá’ Yěsô Kristo la zíme nà legwé.