Roma 6:2 - Nouveau Testament en Ngienboum

² Ngǎŋ! Ńgwɔ́ pege é le pú’u, gÿo. Pá’ á zɔɔn ńgwɔ́ nà légÿo nò tepòŋ, mbà pege léen ńkwé lá, ńgwɔ́ pege gǎ tá ńgíŋe ne ńgÿo pɔ́ nò tepòŋ?

Roma 6:2 ပူးပေါင်းရင်းမြစ်များ

Lukase 20:16

À ge tó gÿo mé zẅéte pɔɔn pànyɛte melù’, à cʉ́me nká’ mbwo pe mendyɛ̀’ɛ. Alá’ jú’ pá’ Yěsô cʉmé yɔɔn nò pú’u, ńgɔɔn ngie ngǎŋ ńgwɔ́ á le pɛ́’ɛ wɔ́!

Roma 5:11

Pege těen ńdɔgɔ pɔ́ ndà’ yɛ̌ nò ńka’te wɔ́, pege giŋé ńka’te ńtí pá’ Ssé kéen ńcʉa nà nò Cʉ̀apʉ̀a wege Yěsô Kristo ńgÿo mbù gẅie é kaa tsetsɛ̀ɛ pega Ssé mag.

Roma 6:15

Pú’u, ńdɔgɔ ńgɔɔn ngie kɔ́? Mé lɔgɔ ńgɔɔn ngie pege gÿo menò tepòŋ, á nue pege cʉ’ʉ́ ńgiŋe ná mánzsè *lepʉ̌ wɔ́, ńcʉ́’ʉ ńgiŋe pɔ́ ná gẅie e Ssé cʉa mǒ ńcÿó gem yégè, ńdɔgɔ wégè ńgÿo pʉ̀a pé keen? Ngǎŋ ńgwɔ́ pege le pú’u gÿo.

Roma 7:4

Á gíŋe ńgwɔ́ pɔ́ ndʉŋ ndʉŋ pú’u, ná pi, mbà mefɛ́ pɔ́ɔn. Pi ee fʉ̀’ɔɔn ńgwɔ́ nà nò *lepʉ̌ ńgwɔ́ pɔ́ mepfó tá ńdɔgɔ nku’u pʉa Ssé, á nue pia Kristo la púte ńkwé fʉ̀’ gie à la kwé, pia *lepʉ̌ lɔg pú’u, fege légwɔ́ gie pi ge cʉ́’ gwɔ́ pɔ́ pʉ̀a tsɔ̌ nyìŋ ndyɛ̀’ɛ, é pʉ̀a Yěsô Kristo gẅie e Ssé la gÿo á zíme ná legwé. Légwɔ́ gie pege ge fa’ mefà’ mie ée me mbòŋo mbwo Ssé.

Roma 7:6

Tá á ké ńgwɔ́ fʉ̀’ɔɔn pege cʉ́’ʉ ńgiŋe ná mánzsè *lepʉ̌ tà ńtsɔ́ɔn légwɔ́ ndʉŋ ndʉŋ wɔ́, á nue pege ee ná wɛ̌ mánzsè gẅie à kɔ̌ɔn ńdɔgɔ wégè ńgÿo megàŋa tsǎŋ, ńcʉ́’ pɔ́ mepfó. Tà peg ee fʉ̀’ɔɔn ńcʉ́’ʉ fa’a mbwo Ssé pɔ́ nà ntí ye sẅé, ńdɔgɔ metʉ̀ Zẅìge Ndʉalʉ̌a éfa’a, tà peg tè gíŋe fa’a ná ntí ye fʉ̀’e mvfò, á fʉ̀’ gie peg kɔ̌ɔn ńjú’u pɔ́ ncwò *lepʉ̌ sie mé la ŋwe’e wɔ́.

Galatia 2:19

Á kaa fʉ̀’ gie mèŋ n ka nyě ne fa’a ngie e Ssé fó ná pá’ mèŋ n gɔɔn ngie mèŋ n kú’te *lepʉ̌, ńcʉ́’ ńdíe wɔ̀ɔn pɔ́ pá’ nyìŋ gẅie aa ndʉŋ ndʉŋ, mèŋ n jú’ ngie ńgwɔ́ á le gwɔ́ pú’u wɔ́, áa yɛ̌ tá mèŋ n cʉ́’ ńgwɔ́ ná nò *lepʉ̌ yɔɔn ńgwɔ́ pɔ́ mpfó, pú’u, ńzsé ngie n ge gwɔ́ mvfò Ssé é gwɔ́ ntentʉ́. E Ssé la zɔɔn ńteme wég Kristo mé púte wég yé ńkime nà tÿǒ nkǐ.

Galatia 6:14

ńgʉa ná mèŋ, mbà mmó gie á lɔɔn ńgwɔ́ n dɔg ńŋá’te, á gwɔ́ pɔ́ pá’ Cʉ̀apʉ̀a wege Yěsô Kristo la kwé nà tÿǒ nkǐ la. Pá’à la kwé nà tÿǒ nkǐ lá, eshúm yɔɔn njÿó ée lejʉ́ŋ mèŋ ńcʉ́’ pɔ́ pfó shúm, á gʉa ná mèŋ n gwɔ́ mbwo pɔ́b, mbà mèŋ n déen ńkwé.

Kolosia 2:20

Pia Kristo la pú ńkwé, á lɔgɔ pú’u, ńkẅé gẅi mbwo metʉ̀ nzěm mie é sá’a njÿó. Mélà’a kɔ́ mé gíŋe shwóŋó gẅi ngie tsɔ́ shúm ée shúm sie nzse ée mǒ tà pi zẅí’te pá’ fʉ̀’ gie pi gwɔ̌ pɔ́ pʉ̀a yɔɔn njÿó?

Kolosia 3:3

Pi zsé ngie áa nà menò njÿó, mbà pi léen ńkwé. Agẅi le gwɔ́, aa mbwo Kristo á lejʉ́ŋ Ssé, mé té ne ńgyá pá’ à gwɔ̌ wɔ́.

1 Piɛ 1:14

Pi jú’ ncwò Ssé, pá’ penkʉ́ pie é jú’u ncwò, tà pi gíŋe ńzẅíŋ menkwaŋá tepòŋ mie é kɔ́ɔn sá’a gẅi fʉ̀’ gie pi ka nyě tè zsě Kristo gíŋe sá’a gẅí.

1 Piɛ 2:24

Kwà’ yé Kristo la kaa menò tepòŋ mégè ńnéŋe soŋ nnɛ́ yé, á fʉ̀’ gie mé la kime yé nà tÿǒ nkǐ. À la gÿo pú’u, légwɔ́ gie pege ge cʉ́’ gwɔ́ mbwo nò tepòŋ, é gwɔ́ pɔ́ mepfó, é lêen ké ku’u légÿo mmó gie áa ndʉŋ ndʉŋ mvfò Ssé. Pi la zẅɛ́’ pɔ́ mefʉ̌ŋ mé tá ńzeŋe.

1 Jâŋ 3:9

Wɔ̌wɔ́ɔ gẅie à vɔg tà ńcʉ́’ʉ míŋ Ssé, à tè gíŋe ńnéŋe ńgÿo nò tepòŋ wɔ́, á nue le gwɔ́ gẅie à fóo ná Ssé aa ná yé ńgwɔ́ pá’ mbyè mmó la. À tè gíŋe ńku’u légÿo nò tepòŋ wɔ́, á nue aa míŋ Ssé.