Roma 5:9 - Nouveau Testament en Ngienboum

⁹ Áa nà fʉ̀’ɔɔn, mbà metse mé kéen ńgÿo e Ssé cʉ́’ʉ ńdíe wégè pege gwɔ́ ndʉŋ ndʉŋ mvfò yé, ńgwɔ́ kɔ́ piŋ ńgÿo tà Kristo lá’ ńnyé té gÿo pege tsẅɛ ngɔ́’ gie e ge lá’ fó nà pá’ e Ssé ne ńgyáŋa lóŋ?

Roma 5:9 ပူးပေါင်းရင်းမြစ်များ

Ŋwà’ne Jâŋ 5:24

Tà mèŋ shwóŋó gẅí, kwà’ nénʉ́, nyìŋ jú’u shwóŋè yɔ́ɔn, ḿbiŋ ńzáb ntʉ́m ná Nyìŋ gẅie à la túmo wɔ̀ɔn, mbà ngàŋ gẅiin le gwɔ́ tèmì. Mé té ge gíŋe ŋaga yé wɔ́, à tsẅɛ̌ legwé ńcʉ́’ ńgẅiin pɔ́ le gwɔ́ tèmì.

Roma 1:18

E Ssé zɔɔn ńgwɔ́ tÿǒ lepwó ne ńnyɛɛ ngie à ne ńgyaŋa lóŋ, mélà’mie pʉ̀a mésoŋ é móŋo yé, ńnéŋe ńgÿo menò tepòŋ. Pɔ́ ne ńdɔgɔ ńgÿo menò tepòŋ mɔ́b ńtáte nò nénʉ́ léfa’a fà’. E Ssé ne ńnéŋe ntsaŋ twó pɔ́b,

Roma 5:1

Pá’ à la cʉa nà lezǎb ntʉ́m nà Yěsô Kristo, e Ssé cʉ́’ ńdíe wégè pege gwɔ́ pɔ́ ndʉŋ ndʉŋ mvfò yé la, pega Ssé ee fʉ̀’ɔɔn ńnéŋe mboŋó, ńzẅɛ́’ɛ Cʉ̀apʉ̀a wege Yěsô Kristo.

Roma 5:10

Pega Ssé ka zɔɔn ńgwɔ́ pɔ́ megàŋ mbù, tá Ssé lɔg pá’ Míŋ we kwé, ḿmag mbù wegá pɔ̌. Á ge piŋ gwɔ́ nà fʉ̀’ɔɔn, à gaa wɔ́ ńdɔg pá’ Míŋ we gwɔ́ pɔ́ wó, ńgÿo pege tsẅɛ́ ngɔ́’ tsẅɛ́!

Roma 8:1

Á lɔgɔ ńgwɔ́ ngie pʉ̀a pie é la nnɛ́ ná Yěsô kristo, é té ge lá’ gíŋe gwe ntsaŋ wɔ́,

Roma 8:30

Pʉ̀a pie e Ssé la tʉ́ njÿó ńtsɔ́’ɔ wɔ́b, á lêen ńgíŋe ńtóŋ pɔ́ wɔ́b, ńtóŋo wɔ́b ńgíŋe ńcʉ́’ʉ ńdíe wɔ́b pɔ́ gwɔ́ pɔ́ ndʉŋ ndʉŋ mvfò yé, á té ku’ pɔ́ ndà’ pú’u wɔ́, à la gíŋe ńnáa legú’ mbwo pɔ́b.

Efeso 2:13

Tá’, á ké ńgwɔ́ fʉ̀’ɔɔn, mbà pi pie pi kaa ngʉ̀a shʉ̀shʉ̀a, pi ka lɔg pá’ pi lǎ nnɛ́ ná Kristo. E Ssé kaa gẅi ńtÿɔ́gɔ lejʉ́ŋ ye, á nue Yěsô Kristo la pfɛte metse mé ńkwé ńtí gẅí.

Efeso 2:3

Pege metsèm ka zɔɔn ńgwɔ́ pɔ́ pá’ pɔ́b, ńne ńgÿo pɔ́ mmó gie ntʉ́m nyìŋ mesoŋ ne ńtsɔ́ɔn, éshúm sie ntʉ́m nyìŋ mesoŋ lâ nkwaŋá wé tyé mǒ, mbà mé la zyé wégè pege gwɔ́ pɔ́ pʉ̀a pie e Ssé ne ńgyáŋa lóŋ ná pɔ́b pá’ à ne ńgyáŋa lóŋ ná petsɔ́ pʉ̀a.

1 Tesalonika 1:10

Pú’u, ńcʉ́’ʉ ńzẅí’te pɔ́ ngie Míŋ we fó tÿǒ lepwó ńtó, Míŋ we ŋwɛ́ aa Yěsô, mbà Ssé la zíme yé nà legwé. Yé zɔ ne ḿbe’e wégè nà ngʉ̀ngʉ̀ gie e ne ńtóo.

Heber 9:14

Á lɔɔn ńgwɔ́ gie á laa pú’u, mbà ngʉ̀a shÿɔ́’ɔ ná pá’ metse Kristo ge gwɔ́? Á Kristo gẅie Zẅìge tèmì la gÿo, á lɔgɔ twó yé ńnuŋe pwɔ́’ gẅie *lɔ̌’ té mǒ wɔ́, á mvfò Ssé. Metse mé ge lá’ sɔg ncÿǒ mefà’ mie é náa pɔ́ legwé gẅie ée ná pege tà ntʉ́m wégè é le gíŋe ńŋaga wégè wɔ́, légwɔ́ gie pege ge fa’a mbwo Ssé gẅie aa ńgwɔ́ pɔ́ wó.

Heber 9:22

Mé lɔɔn ńdíe nà ntí ye *lepʉ̌ Mǒsê, mbà ńgwɔ́ mé gɔɔn ngie mé lɔg metse menɔ̀ɔn, ésɔgɔ *lɔ̌’ ná lelÿò shúm. Mé piŋ ńzsé ngie: Mé lɔɔn ńké tè pfɛte metse wɔ́, e Ssé ké le mefʉa pʉ̀a mesoŋ lege.

1 Jâŋ 1:7

Tá ńké ńgwɔ́ gie pege lɔɔn ne ńgiŋe ná jʉ’e fɔ̌g pá’ yé lê twó yé aa nà jʉ’ʉ fɔ̌g la, mbà pege ge pú gẅiin tà’ ncwò tsetsɛ̀ɛ pege, metse Míŋ we Yěsô leen ńké sɔgɔ wégè ná nò tepòŋ ntsèm.