Roma 5:6 - Nouveau Testament en Ngienboum

⁶ Á gwɔ́ pá’ á kaa fʉ̀’ gie pege ka zɔɔn ńnyé pɔ́ pàtè metʉ̀, Kristo tóo nà fʉ̀’ gie e Ssé lá záb, ńkwé nà twó pʉ̀a tepòŋ.

Roma 5:6 ပူးပေါင်းရင်းမြစ်များ

Roma 11:26

À leen ńké ńgwɔ́ fʉ̀’ó e Ssé gÿo pà Israel metsèm pú ńtsẅɛ́. À lɔg ńcʉ́me ná pá’ mé la ŋwe’e tsɛ̀ɛ ŋwà’ne Ssé ngie: A *Nzà’nkÿo ge lá’ fó tÿǒsoŋo Sioŋ. E sele ngẅɛ̀ Yakwɔ́b pɔ́ le gíŋe ńtʉʉ twó mbwo Ssé wɔ́.

Roma 4:25

Yé zɔ la ńnéŋe Kristo mbwo pʉ̀a pá’ à ge kwé é tí menò tepòŋ mégè. Á la piŋ ńzíme yé nà legwé éfó mǒ ńcʉ́’ ńdíe wégè pege gwɔ́ ndʉŋ ndʉŋ mvfò yé.

Roma 4:5

Tá ńké ńgʉa ná nyìŋ gẅie à kaa lɔg pɔ́ mefà’ mé wɔ́, ńzáb pɔ́ ndà’ ntʉ́m wé nà Ssé gẅie à gÿo nyìŋ tepòŋ cʉ́’ʉ nyìŋ gẅie aa ndʉŋ ndʉŋ mvfò yé, e Ssé lɔg pú’u, ńcʉ́’ ńdíe yé á gwɔ́ pɔ́ ndʉŋ ndʉŋ mvfò yé.

Roma 5:10

Pega Ssé ka zɔɔn ńgwɔ́ pɔ́ megàŋ mbù, tá Ssé lɔg pá’ Míŋ we kwé, ḿmag mbù wegá pɔ̌. Á ge piŋ gwɔ́ nà fʉ̀’ɔɔn, à gaa wɔ́ ńdɔg pá’ Míŋ we gwɔ́ pɔ́ wó, ńgÿo pege tsẅɛ́ ngɔ́’ tsẅɛ́!

Roma 5:7

Á zɔɔn ńtʉ tɛ’ tá nyìŋ mésoŋ zẅíŋe lékwé nà twó wetsɔ̌, tà mbɔɔ pá’ wɛ̌ nyìŋ lɔɔn ńgwɔ́ pɔ́ nyìŋ gẅie à kú’te *lepʉ̌. Ndyɛ̀’ ńgwɔ́ nyìŋ zẅíŋe lékwé ńtí nyìŋ gẅie à gÿo menò mbòŋo.

Roma 5:8

Tá’ pi lêen ńké ńgyá ntí gie Ssé la lɔg ńnyɛ pá’ á kwoŋo wege pú’u, aa pá’ Kristo la tó ńkwé nà twó ségè tà pege zɔɔn ńnyé ńgwɔ́ pɔ́ pʉ̀a tepòŋ.

Roma 8:32

Yé gẅie à la tè pɔ́ɔn kwà’ Míŋ we légyá ngɔ́’ wɔ́, yé gẅie à la gÿo mé zẅé yé ńtí wégè métsèm, á ge gǎ tá á le gíŋe ńcÿó pɔ́ gem yégè ńdɔg pɔ́ yé ńná setsɔ́ shúm ntsèm né pege wɔ́?

Roma 8:34

ńgwɔ́ wɔ́ ku’u légɔɔn ngie ntsaŋ jÿǒ wɔ́b? Angàŋ tè wó wɔ́, á nue Yěsô Kristo la kwé nà twó sɔ́b á té zso pú’u wɔ́ á gÿo ńzím. À ńnéŋe nà gwoŋó pwó Ssé ye tʉ̀, ńne sẅíŋte yé nà twó ségè.

Galatia 2:20

Mèŋ n zɔ tè pá’ɔɔn ńgíŋe sá’a twó mbùm yɔ́ɔn mɔ́, Kristo zɔ cʉ̌’ ńgwɔ́ soŋ nnɛ́ mèŋ ésá’a wɔ̀ɔn. N dɔɔn ńgÿo pɔ́ kɔ́ wɔ́, mbà á gwɔ́ pɔ́ ngie m bǔ ńzáb ntʉ́m wɔ̀ɔn ná Míŋ Ssé. Àa nyìŋ gẅie à la kwoŋo wɔ̀ɔn kwoŋ tà ńkwé nà twó yɔ́ɔn.

Galatia 4:4

Tá’ afʉ̀’ gie Ssé la záb la gwɔ́ tà ńku’, á túmo Míŋ we. Á gwɔ́ tó manzwé zye yé. Á ne ńnéŋe ná pá’ *lepʉ̌ Mǒsê ně ńzɛ́te.

Efeso 5:2

Pi gwaa gÿo kɔ̀ɔkɔ́ɔ gí wɔ́, ńdɔg pɔ́ nkwòŋe ndʉŋ ndʉŋ pá’ Kristo la kwoŋo wégè tà ńnáa twó yé ńdɔg ńnuŋe pwɔ́’ mvfò Ssé ńtí wégè. Epwɔ́’ ŋwɛ́ ée gẅie gyě poŋo mbwo Ssé.

Kolosia 2:13

Pi laa tsɔ́ fʉ̀’ ńgwɔ́ mbwo Ssé, ńgwɔ́ pɔ́ mepfó, ńtí menò tepòŋ mí, mbɔɔ pá’ pi la tè pʉ̀a pie mé la pú’u wɔ́b lélɔgɔ wɔ́b ńgÿo pʉ̀a Ssé wɔ́. Á ké ńgwɔ́ nà fʉ̀’ɔɔn, mbà Ssé kéen ḿbúte gẅia Kristo ńzíme nà legwé. À kéen ḿbú ńdege menò tepòŋ mégè ntsèm, ńnáa mbwo pege.

1 Tesalonika 5:9

E Ssé la zɔɔn tè tsɔ́’ɔ wégè pɔ́ légyáŋa lóŋ ná pege, pege gyá ngɔ́’ wɔ́, à la tsɔ́’ɔ wégè pɔ́ légÿo pege cʉa nzèm Cʉ̀apʉ̀a wege Yěsô Kristo ńgẅiin letsẅɛ́.

1 Timote 1:9

Pege giŋé ńne ńzsé ngie e Ssé lɔ̌ɔn těen ńtÿɔ́gɔ *lepʉ̌ ńtí pʉ̀a pie pɔ́ gÿo nò gie á tyé wɔ́, à lɔ̌ɔn ńtÿɔ́gɔ *lepʉ̌ ńtí pàfʉ̀’ menò, lâ pàtʉʉ twó, ńtí pàgwág Ssé, lâ pàgÿo menò tepòŋ, ńgíŋe ńtí mbɔɔ pʉ̀a pie pɔ́ té jú’ ncwò Ssé wɔ́, ńké tè lɔgɔ tsɔ́ mmó gie á fóo mbwo yé ńtóŋo tsɔ́ mmó wɔ́. E Ssé lɔ̌ɔn ńgíŋe ńtÿɔ́gɔ *lepʉ̌ ńtí pʉ̀a pie pɔ́ zẅéte metá pɔ́b lâ memá pɔ́b, ńtí mefÿɛ́.

Titus 2:12

Yɛ̌ ntí nkwòŋe ne ńzí’i wege légwá’a mà gẅie à tè Ssé poŋ mbɔɔ pá’ pege tè gíŋe ńgÿo shúm sie ntʉ́m wege tsóte wege ngie pege gÿo wɔ́. Pege cʉ́’ ńgwɔ́ tsɛ̀ɛ yɔɔn njÿó, ńgwɔ́ pʉ̀a pie é sáŋa nò tá ńgÿo, ńgÿo pɔ́ menò mie é tyé ndʉŋ ndʉŋ, ḿbiŋe ńjú’u pɔ́ ndà’ ncwò Ssé.

Heber 8:3

Mé zɔɔn ńzába *nùŋe pwɔ́’ we lÿò pɔ́ légwɔ́ gie à ge lɔg shúm tóo mvfò Ssé nyɛɛ yé mbɔɔ pá’ à ge nùŋe pwɔ́’ mvfò Ssé. Áa mmó gie á gÿo á ne ńzɛ́te ngie wege *nùŋe pwɔ́’ we lÿò à gíŋe ńgẅiin yé mmó gie à ge náa mbwo Ssé.

Heber 9:26

Á nue á laa pé’e ńgwɔ́ pú’u, mbà tà fó pá’ e Ssé la nyɛte njÿó, Kristo la gẅiin léńnéŋe ńgyá ngɔ́’, ńkwé ḿbiŋe ńkwé. Tá pege zsé ngie afʉ̀’ la gwɔ́ tà ńku’, á kẅɛ pɔ́ tà’ legʉ̀a, á ku’ pú’u, á lɔgɔ twó mbùm yé ńnuŋe pwɔ́’ lélɔg ḿbyága nò tepòŋ.

1 Piɛ 1:20

E Ssé la mvɔg ńtsɔ́’ɔ yé ná yɛ̌ nò, tá ńnyɛte njÿó. À kéen ńgʉa ná yɔɔn fʉ̀’ gie á lɔgɔ ńzsote, ńtÿɔ́gɔ yé mangyɛ̌ ńtí gẅí.

2 Piɛ 3:7

ńgʉa nà lefaŋ se fʉ̀’ɔɔn, mbɔɔ tsetsá’ ye fʉ̀’ɔɔn, mbà yɛ̌ Shwóŋè zɔ̌ le’e wɔ́b le’e ńdɔgɔ ńzẅí’te lyɛ̌’ gie e Ssé ge gÿo ŋág megàŋ mbù pé. Á ge lá’ gwɔ́ lyɛ̌’ó, mmɔ̌g gÿo lepwó pɔ́ tsetsá’ pú ńdége.

Jẅide 1:15

Á lélɔg ńŋág pʉ̀a metsèm, ńnéŋ ngʉ̀ngʉ̀ twó pʉ̀a tepòŋ métsèm ńtí mefà’ tepòŋ mie pɔ́ la fa’, éfó ná pá’ pɔ́ la tʉʉ twó mbwo Ssé, tà mbɔɔ ná shwóŋè ntsèm gie á pÿɔ́g pÿɔ̌g, á gie pʉ̀a tepòŋ ŋwɛ́ pie pɔ́ té mekù’ gẅiin é lǎ gɔɔn ná Ssé.

Jẅide 1:18

Pɔ́ la gɔɔn ngie, á ge lá’ gwɔ́ nà fʉ̀’ gie njÿó ge magá, epʉ̀a gẅe gẅí, ńgÿo menò tepòŋ ná ntí gie mbùm yɔb ne ńtsóte wɔ́b légÿo pú’u.

Jẅide 1:4

Mèŋ n gɔɔn pá’ɔɔn nue tsɔ́ pʉ̀a kéen ńzɔɔn shú ńkúu tsetsɛ̀ɛ pi, pɔ́ ne sele shÿó nò mbòŋo gie e Ssé yege la lɔg ńcÿó gʉm yégè, pú’u lépʉ́le ńgÿo menò shʉ́ mɔ́b. Pɔ́ lɔgɔ pú’u, ḿmoŋe Yěsô Kristo, á gwɔ́ ndà’ Ndè wege, yé gíle yé zɔ gẅiin wégè. Pɔ́ ée pʉ̀a tepòŋ, ńgwɔ́ pʉ̀a pie ntyě sǎg pá’ ŋwà’ne Ssé la lá’ ńgɔɔn ntí ngʉ̀ngʉ̀ gie e ku’u ná pɔ́b.