Roma 5:5 - Nouveau Testament en Ngienboum

⁵ Pege kě těen ńzẅí’te pú’u, pɔ́ jʉ’e sẅɛ̀ɛ wɔ́, á nue Ssé kéen fó nà Zẅìge yé gie à ka nǎ né pege, ńnyɛɛ wege pá’ɔɔn tɛ’ ngie à kwoŋo wégè.

Roma 5:5 ပူးပေါင်းရင်းမြစ်များ

Megàŋ ntúm 10:45

Pʉ̀a Kristo pie pɔ́ ně ńtó ńtsege Piɛ, é laa pà Yuda. Pɔ́ gyá yɔɔn nò, á pú ńkʉ’ʉ wɔ́b tɛ’, pá’ e Ssé nǎ Zẅìge Ndʉalʉ̌a mbwo pʉ̀a pie é té pà Yuda wɔ́ pɔ́ pá’ à la náa mbwó pɔ́b yɔ́b!

Megàŋ ntúm 2:17

À la gɔɔn ngie Cʉ̀apʉ̀a gɔ̌ɔn ngie: Alyɛ’ɛ́ nzsònzèm ge lá’ ně ku’u, n ńnéŋe Zẅìge yɔ́ɔn ná nyìŋ mésoŋ ntsèm; gubé gí yé mbàŋa mbɔɔ yé pànzwě ge lá’ cʉ́’ pà Ntsẅì nkʉ̀ pɔ́ɔn. Mèŋ n ge gÿo púɔ ngwàshùm pí gyá menkʉ̀’ʉ nò, n dɔg njÿòon ńgɔɔn nò mbwo mezẅìŋe pʉ̀a pie ée tsetsɛ̀ɛ pi.

Megàŋ ntúm 2:33

E Ssé ka gÿo, á kwɔ́’ tà ńnéŋe nà gwǒŋo pwó yé ye tʉ̀. Áa fʉ̀’ɔɔn pá’ɔɔn, mbà Tá wé Ssé cʉmé Zẅìge Ndʉalʉ̌a mbwó yé, á gwɔ́ pá’ yé Ssé la ka’. Ammó gie pi jú’u ḿbiŋe ńgyá lɛ̀, áa Zẅìge Ndʉalʉ̌a ŋwɛ́ gie Yěsô nǎ né pʉ̀a pé.

Roma 1:7

Mèŋ m biŋ ńnáa yɔɔn ŋwà’ne mbwo pi métsèm pie pi ee tÿǒsoŋo *Roma. Pi pie e Ssé kwoŋo gẅi, áa yɛ̌ à la tóŋo gẅi pá’ pi ge gwɔ́ pʉ̀a pé pie à tsɔ̌’. Mèŋ ne ńtsɔ́ɔn ngie Tá wégè Ssé mbɔɔ Cʉ̀apʉ̀a Yěsô Kristo ne ńgwɔ́ né pi, ńně ńnéŋe sẅéte ntʉ́m pi.

Roma 8:28

Pege giŋé ne ńzsé ngie menò mie é gÿo pʉ̀a pie pɔ́ ne ńkwoŋo Ssé, e Ssé gÿo mɛ̌ menò gÿo pɔ́ nò mbòŋo ná pɔ́b, á wɔ́b gẅie à la tsɔ́’ɔ nà ntí gie à la tʉ́ njÿó ńkwaŋ.

Roma 9:33

Aa tóon gẅie mé la ŋwe’e nò mǒ tsɛ̀ɛ ŋwà’ne Ssé ngie: Ssé gɔ̌ɔn ngie: Mèŋ n ně ńnuŋe tà’ tóon á tÿǒsoŋo Sioŋ, Á gwɔ́ gẅie mé ge kwɔɔnte mǒ. Á máamáa tóon gẅie à ge gÿo mé gwe. Tá’ nyìŋ gẅie à ge záb ntʉ́m wé ná yé, eshʉ́ té ge lá’ kúu yé wɔ́.

1 Korento 8:3

Tá ńgwɔ́ gie nyìŋ lɔɔn ne ńkwoŋo Ssé, mbà ngàŋ aa nyìŋ gẅie e Ssé ně ńdá’ ńzsé yé.

2 Korento 1:22

ńcÿɔ́’ɔ liŋé yé ná pege, ńnéŋe Zẅìge Ndʉalʉ̌a ntʉ́m pege. Á lɔg ńgwɔ́ ndùŋ mvfò mmó nà shúm sie à ge náa mbwo pege.

2 Korento 3:18

Pege metsèm tè gíŋe ńgẅiin tsɔ̌ nkǔɔ ná shÿó wégè wɔ́, shʉ́shÿɔ́g Cʉ̀apʉ̀a ne ńtéme ná pege ḿbiŋe nzèm pá’ kyɛ̀’ gie á téme ná gyá shÿó la. Cʉ̀apʉ̀a gẅie à gwɔ́ pɔ́ Zẅìge, à ne ńgÿo pege kúbe ntí, ńgÿo pege sẅé yé, shʉ́shÿɔ́g gẅie aa ná pege, piŋ ne ńkẅi’i kẅi’i.

2 Korento 4:6

á nue e Ssé gẅie à la gɔɔn ngie: «Á poŋ ngie akyɛ̀’ kyɛ’ nzěm», yé lê twó yé kéen ńtó ńkyɛ’ɛ tsɛ̀ɛ mentʉ́m még, légÿo peg zsé pá’ shʉ́shÿɔ́g we aa pú’u, á shʉ́shÿɔ́g gẅie mé ne ńgyá ná shÿó Kristo.

Galatia 4:6

Áa nénʉ́ pi ee kwa’ púɔ Ssé. Aliŋé áa pá’ Ssé la ńnéŋe Zẅìge Míŋ we tsɛ̀ɛ mentʉ́m mégè, á Zẅìge gie á gÿo pege tóŋo Ssé le Abba. Á lɔgɔ ńgɔɔn ngie Tá wɔɔn.

Galatia 5:22

Tá’, menò mbòŋo mie Zẅìge Ndʉalʉ̌a gÿo nyìŋ gÿo é mɔɔn ńgwɔ́ légẅiin nkwòŋe, ńgwɔ́ léńnéŋe nê lekág, ńgwɔ́ léńnéŋe lésẅete, ńgwɔ́ légẅiin kwɔ́gɔ nnɛ́, ńgwɔ́ létyé lékẅéte pʉ̀a, ńgwɔ́ légẅiin pòŋo ntʉ́m, ńgwɔ́ léńnéŋe té gwɔ́ ngàŋ mepàb,

Efeso 1:13

Á gʉa ná pi gí, mbà pi ka jú’u shwóŋè gie áa ye nénʉ́, é gwɔ́ nkʉ̀ mbòŋo gẅie e Ssé ka cʉa pɔ́ mǒ tá ńgÿo pi tsẅɛ́. Pi ka jú’ pú’u, ńzáb tʉ́m gẅi ná Kristo, e Ssé cÿɔ’ɔ liŋé yé ná pi, ńdɔgɔ ńnyɛɛ ngie pi ee pʉ̀a pé. Yɛ̌ liŋé gwɔ́ Zẅìge Ndʉalʉ̌a gie à la ka’ ngie à ge náa mbwo pege.

Efeso 4:30

Tà pi gÿo Zẅìge ndʉalʉ̌a gie Ssé la lɔg ńcÿɔ’ɔ liŋé ná pi gyá ngɔ́’. À lɔ̌ɔn ńdɔgɔ ńnyɛɛ ngie pi ee pʉ̀a pé, ńgíŋe ńdɔgɔ ńnyɛɛ ngie alyɛ̌’ gé lá’ gwɔ́, à pú ńcu’u wégè, pege pú ńtsẅɛ́.

Filipo 1:20

Ammó gie mèŋ n ne ńtsɔ́ɔn tɛ’, nkwaŋá wɔ̀ɔn ńnéŋe ńtyé pɔ́ mǒ, á gwɔ́ pɔ́ ngie tà mèŋ n gÿo tsɔ́ mmó gie eshʉ́ ge fó mǒ é kúu wɔ̀ɔn. Tà ńcʉ́’ pú’u, mbà á lɔɔn ńgwɔ́ pɔ́ fʉ̀’ɔɔn, kà fʉ̀’e kɔ́ wɔ́, n nyé pɔ́ ntentʉ́ kà fó ńkwé kwé wɔ́, mbà mèŋ n ne ńzsé mboŋó ngie mé ge fó nà wɔɔn leńnéŋe, é gu’te Kristo.

1 Tesalonika 4:8

Pú’u la, nyìŋ gẅie à ju’ú yɔɔn nò ńdʉ’, à tě ńdʉ’ʉ pɔ́ nyìŋ mesoŋ wɔ́, à lʉ’ʉ pɔ́ Ssé gẅie à la náa zẅìge ndʉalʉ̌a yé mbwo pi.

2 Tesalonika 2:16

Tá wege Ssé la kwoŋo wégè, ńdɔgɔ lécÿó gʉm yégè, pege cʉ́’ pʉ̀a pé, ńkẅiŋte wégè ná ntí gie e těen ńdá’a ḿmaga wɔ́, ḿbiŋ ńgÿo pege ńnéŋe ne ńzẅí’te mmó mbòŋo gie à la ka’a mbwo pʉ̀a pé. Pú’u, peg ne ńdúɔ mbwo yé mbɔɔ mbwo Cʉ̀apʉ̀a wege Yěsô Kristo ngie:

2 Timote 1:12

Mèŋ n gyá yɔɔn ngɔ́’ fʉ̀’ɔɔn pá’ɔɔn ńtí pɔ́ pú’u. Tá’, eshʉ́ ké tè ne ńkúu wɔ̀ɔn mǒ wɔ́, á nue mèŋ n ne ńzsé nyìŋ gẅie mèŋ n zába ntʉ́m ná yé. N cwoŋo ńne ńzsé ngie e Ssé gẅiin metʉ̀ lélɔg ńku’u lékábte nò gie à la cʉ́me mbwo mèŋ, tà lá’ kúu nà lyɛ’ɛ́ lá’ nzsònzèm.

1 Jâŋ 4:19

Á gʉa ná peg, peg kwoŋo nyìŋ mesoŋ, á gwɔ́, mélà’mie e Ssé la vɔg ńkwoŋo wég.