Roma 5:18 - Nouveau Testament en Ngienboum

¹⁸ Pá’ pege gyǎ ngie á la fó nà nò gie tà’ nyìŋ fʉ̌a, á Adam, pʉ̀a metsèm kwéte kwéte la, á gíŋ ńgwɔ́ pɔ́ ndʉŋ ndʉŋ pá’ tà’ nyìŋ wémɔ’ɔ́, á Yěsô Kristo la gÿo mmó gie e Ssé ne ńkwoŋo, pʉ̀a tà ńgyɔ́ɔn ńnéŋe ńcʉa mǒ ńtsẅɛ́ ntsaŋ, ńgwiin le gwɔ́ tèmì.

Roma 5:18 ပူးပေါင်းရင်းမြစ်များ

Ŋwà’ne Jâŋ 1:7

Á tó ńgwɔ́ njÿò ńgyá, á léshwóŋó mmó gie à zsě ńtí kyɛ̀’ ŋwɛ́, légwɔ́ gie wɔ̌wɔ́ɔ ge záb ntʉ́m we ná kyɛ̀’ ŋwɛ́.

Ŋwà’ne Jâŋ 12:32

Á gʉa ná mèŋ, mbà mé lɔɔn ńgÿo ńkwé’e wɔ̀ɔn tà náa tÿǒ, mbà mèŋ n ge shwoŋte pʉ̀a metsèm náa lejʉ́ŋ mèŋ.

Ŋwà’ne Jâŋ 3:26

*Ngàŋa kwò Jâŋ gʉa ńgyá Jâŋ, ńgɔɔn né yé ngie Tsítsà, ɔ̀ ne ńkímte nyìŋ wá gẅie pi yé kaa ná yétsɔ̌ nzǐŋ ntse Jurdeŋ la? Á nyìŋ wá gẅie ɔ̀ ka gɔɔn nò gie ɔ̀ zsé ná yé la? À ne ńnu’u yé pʉ̀a ntse fʉ̀’ɔɔn, tà lá’ menùɔ menùɔ ne ńgee ńgyá pɔ́ yé.

Roma 3:25

E Ssé ka lɔgɔ́ yé ńnuŋe pwɔ́’ pá’ metse mé ge sɔg menò tepòŋ pʉ̀a pie pɔ́ záb ntʉ́m ná yé Kristo. Pá’ nyìŋ la gẅiin lékwé ná menò tepòŋ pʉ̀a la, á lɔgɔ ńnyɛɛ ngie e Ssé gÿo menò mé ndʉŋ ndʉŋ. Á kaa tsɔ́ fʉ̀’, pʉ̀a mesoŋ ne ńgÿo nò tepòŋ, yé Ssé gÿo pɔ́ pá’ fʉ̀’ gie à tè ne ńgyá wɔ́ la.

Roma 4:25

Yé zɔ la ńnéŋe Kristo mbwo pʉ̀a pá’ à ge kwé é tí menò tepòŋ mégè. Á la piŋ ńzíme yé nà legwé éfó mǒ ńcʉ́’ ńdíe wégè pege gwɔ́ ndʉŋ ndʉŋ mvfò yé.

Roma 5:12

Anò tepòŋ la gwaa kúu tsɛ̀ɛ njÿó, ńcʉa pɔ́ nà tà’ nyìŋ mésoŋ wémɔ’ɔ́, gẅie à la fʉa nò, lezíŋ sé gwɔ́ lê Adam. Á nò tepòŋ la lɔgɔ legwé ńtó. Legwé lêen ńké ńkúu nà ngẅɛ̀ nyìŋ mésoŋ ntsèm, á nue pʉ̀a metsèm laa pú’u, ńdɔgɔ fʉa nò.

Roma 5:15

Tá’ à lɔɔn ńgwɔ́ mé le lɔgɔ mmó gie á fó nà mefʉa Adam ḿbí fʉ̀’ nà nzẅìŋ fù’ gie e Ssé ne ńgába mbwo pʉ̀a pɔ́ sẅɛ̀ɛ sẅɛ̀ɛ wɔ́, mefʉa tà’ nyìŋ wémɔ’ɔ́ la gÿo legwé kúu nà mânyìŋ ntsèm tá’, ntí gie e Ssé la tsɔ́ɔn pʉ̀a ńcÿó gem yɔ́b pú’u, piŋ ḿbú fáŋ ńcʉa wɛ̌ légwɔ́ tɛ’. À fù’ gie á la fó nà tà’ nyìŋ gẅie aa Yěsô Kristo, e Ssé lɔg ńcÿó gem pʉ̀a tà ńgyɔ́ɔn á pú ńgẅiin nzẅìŋ tɛ’.

Roma 5:19

Ndʉŋ ndʉŋ pá’ tà’ nyìŋ mesoŋ la lʉ’ʉ lé jú’ ncwò Ssé, anùɔ lá’ fó mǒ ńcʉ́’ ngàŋ mefʉa la, tà’ nyìŋ wémɔ’ɔ́ la jú’ ncwò Ssé, á fó mǒ anùɔ lá’ lá’ ńcʉ́’ pʉ̀a pie e Ssé líe wɔ́b pɔ́ gwɔ́ ndʉŋ ndʉŋ mvfò yé.

Roma 6:14

Anò tepòŋ zɔɔn tě ńdá’a ńgíŋe ńgẅiin gẅi wɔ́, á nue pi cʉ’ʉ́ ńgiŋe ná mánzsè *lepʉ̌ wɔ́, pi cʉ’ʉ́ ńgiŋe pɔ́ ná mánzsè gẅie e Ssé ne ńcʉa mǒ ńcÿó gem gí, pi ne gÿo mmó gie áa ndʉŋ ndʉŋ.

1 Korento 15:22

Ndʉŋ ndʉŋ pá’ pʉ̀a mesoŋ metsèm lɔg pá’ pɔ́ la tswé’e ná Adam ńkwéte la, pɔ́ métsèm ge gíŋ lɔg pá’ pɔ́ tswé’e ná Kristo é zíme nà legwé.

Heber 2:9

Tá’, ammó gie pege ne ńgyá fʉ̀’ɔɔn gwɔ́ pɔ́ ngie Yěsô gẅie e Ssé la sẅé’e yé ńnáa ssé tà *mecÿɔ́’ Ssé cʉa yé méjʉ’, e Ssé lêen ńtɔ́’ɔ cÿɔ́’ɔ lefùɔ twó ye, á gie á gÿo á gẅiin legú’, ḿbiŋ ńnéŋ mekù’ mé, mélà’mie à la zẅíŋe légyá ngɔ́’ tà ńkwé. Yěsô lɔ̌ɔn ńkwé ná twó pʉ̀a mesoŋ metsèm, á fó pɔ́ ná pá’ e Ssé tsɔ́ɔn mezìŋe pʉ̀a tɛ’.

2 Piɛ 1:1

Aa mèŋ Símo Piɛ, nyìŋ gẅie à fa’a fà’ Yěsô Kristo, ńgíŋ ńgwɔ́ ngàŋ ntúm we. Mèŋ n náa yɔɔn ŋwà’ne mbwo pi pie pi la záb ntʉ́m ná Yěsô Kristo pá’ peg yég. Lezǎb ntʉ́m ná Yěsô Kristo áa mmó tʉ̀ nzẅìŋ mbwo pi mbɔɔ mbwo peg yég. Yěsô Kristo yé maŋwɛ́ zɔ la gÿo pú’u, né pege, á nue à gÿo mmó nà wɔ̌ɔwɔɔ pɔ́ ndʉŋ ndʉŋ. Aa Ssé yege, ńgwɔ́ nyìŋ gẅie á gÿo pege tsẅɛ́ɛ.

1 Jâŋ 2:20

ńgʉa ná pi, mbà Kristo ka náa Zẅìge Ndʉalʉ̌a né pi. Áa mmó gie á gÿo pi métsèm zsé nò nénʉ́.