Roma 5:12 - Nouveau Testament en Ngienboum

¹² Anò tepòŋ la gwaa kúu tsɛ̀ɛ njÿó, ńcʉa pɔ́ nà tà’ nyìŋ mésoŋ wémɔ’ɔ́, gẅie à la fʉa nò, lezíŋ sé gwɔ́ lê Adam. Á nò tepòŋ la lɔgɔ legwé ńtó. Legwé lêen ńké ńkúu nà ngẅɛ̀ nyìŋ mésoŋ ntsèm, á nue pʉ̀a metsèm laa pú’u, ńdɔgɔ fʉa nò.

Roma 5:12 ပူးပေါင်းရင်းမြစ်များ

Roma 3:23

á nue pɔ́b metsèm la zɔɔn ḿbú ńgÿo menò tepòŋ tà sɔ́ɔn legú’ gẅie aa lejʉ́ŋ Ssé.

Roma 5:18

Pá’ pege gyǎ ngie á la fó nà nò gie tà’ nyìŋ fʉ̌a, á Adam, pʉ̀a metsèm kwéte kwéte la, á gíŋ ńgwɔ́ pɔ́ ndʉŋ ndʉŋ pá’ tà’ nyìŋ wémɔ’ɔ́, á Yěsô Kristo la gÿo mmó gie e Ssé ne ńkwoŋo, pʉ̀a tà ńgyɔ́ɔn ńnéŋe ńcʉa mǒ ńtsẅɛ́ ntsaŋ, ńgwiin le gwɔ́ tèmì.

Roma 5:19

Ndʉŋ ndʉŋ pá’ tà’ nyìŋ mesoŋ la lʉ’ʉ lé jú’ ncwò Ssé, anùɔ lá’ fó mǒ ńcʉ́’ ngàŋ mefʉa la, tà’ nyìŋ wémɔ’ɔ́ la jú’ ncwò Ssé, á fó mǒ anùɔ lá’ lá’ ńcʉ́’ pʉ̀a pie e Ssé líe wɔ́b pɔ́ gwɔ́ ndʉŋ ndʉŋ mvfò yé.

Roma 5:21

Á cʉa pú’u, e Ssé lɔg pá’ à tsɔ́ɔn mezìŋe mɔ́b, yé zɔ̌ cʉ́’ ńgẅiin wɔ́b, ńgÿo pɔ́ cʉ́’ pʉ̀a pie ee ndʉŋ ndʉŋ mvfò yé, á lɔgɔ sẅé pá’ nò tepòŋ la gÿo legwé gẅiin pʉ̀a mesoŋ, ńzẅéte wɔ́b. E Ssé tsɔ́ɔn mezìŋe mégè ńcÿó gem yégè pú’u, pege zẅɛ́’ɛ Cʉ̀apʉ̀a Yěsô Kristo tá ńgẅiin le gwɔ́ tèmì.

Roma 6:21

Pi la jÿó kɔ́ pì ná yɛ̌ ntí mefà’? Pi ee fʉ̀’ɔɔn ńcʉ́’ ńkwaŋ mɛ̌ mefà’ éshʉ́ kúu gẅi mǒ kú, mélà’mie é gwaa mag ńná pɔ́ legwé.

Roma 6:23

a nue mmó gie nò tepòŋ lɔ́g ḿbéen fà’a nyìŋ, á gwɔ́ pɔ́ ngàŋ lekwé, tá afù’ gie e Ssé náa mbwo nyìŋ pɔ́ sẅɛɛ sẅɛɛ, á gwɔ́ pá’ ngàŋ zẅɛ̌’ pá’ á la nnɛ́ ná Cʉ̀apʉ̀a wege Yěsô Kristo, ńgẅiin le gwɔ́ tèmì.

1 Korento 15:56

Sisìŋ gie legwé lɔg ńtsɔ́gɔ nyìŋ ée menò tepòŋ, metʉ̀ menò tepòŋ fóo ná *lepʉ̌ Ssé sie é nyɛ ngie nyìŋ à gwě ntsaŋ.

Efeso 2:3

Pege metsèm ka zɔɔn ńgwɔ́ pɔ́ pá’ pɔ́b, ńne ńgÿo pɔ́ mmó gie ntʉ́m nyìŋ mesoŋ ne ńtsɔ́ɔn, éshúm sie ntʉ́m nyìŋ mesoŋ lâ nkwaŋá wé tyé mǒ, mbà mé la zyé wégè pege gwɔ́ pɔ́ pʉ̀a pie e Ssé ne ńgyáŋa lóŋ ná pɔ́b pá’ à ne ńgyáŋa lóŋ ná petsɔ́ pʉ̀a.

Ŋwà’ne Jâg 1:15

Letsɔ̌ɔn shúm ŋwɛ́ gwɔ́ tà ńgá’, ńkẅɛɛ nò tepòŋ, anò tepòŋ gá’ ńkẅɛɛ legwé.

Ŋwà’ne Jâg 3:2

Pege pǔ fʉate menò ntí ntí pɔ́ tè vʉ’ʉ nyìŋ. Nyìŋ lɔɔn ńgwɔ́ nyìŋ gẅie à laa tóo ńgɔɔn nò é fʉa wɔ́, mbà aa nyìŋ té *lɔ̌’, ńku’u légwoonte mbùm ye ntsèm.