Roma 5:11 - Nouveau Testament en Ngienboum

¹¹ Pege těen ńdɔgɔ pɔ́ ndà’ yɛ̌ nò ńka’te wɔ́, pege giŋé ńka’te ńtí pá’ Ssé kéen ńcʉa nà nò Cʉ̀apʉ̀a wege Yěsô Kristo ńgÿo mbù gẅie é kaa tsetsɛ̀ɛ pega Ssé mag.

Roma 5:11 ပူးပေါင်းရင်းမြစ်များ

Lukase 1:46

Malîɛ jú’ ńgɔɔn ngie: M bǔ ne ńnáa legú’ mbwo Cʉ̀apʉ̀a,

Ŋwà’ne Jâŋ 1:12

Tá’, etsɔ́ pʉ̀a kúe yé, ńzáb ntʉ́m ná yé, á leen ńké ńnáa wɔ́b tʉ̀ lécʉ́’ púɔ Ssé.

Roma 11:15

E Ssé la zɔɔn ńgwɔ́ tá ńtÿɔ́gɔ wɔ́b nzèm tá ńgÿo yé Ssé pâ pʉ̀a mesoŋ tsɛ̀ɛ njÿó mag mbù, à ge piŋ lá’ gwɔ́ tà gíŋe líe wɔ́b á gwɔ́ lêkɔ́? À gwɔ́ kwà’ légíŋ ńgwɔ́ wó á mbwo pʉ̀a pie é la zɔɔn ńkwé.

Roma 2:17

Á gʉa ná gù, ɔ̀ ne ńnyɛte ńgɔɔn ngie ɔ́ɔ nyìŋ Yuda, ńne ńŋá’te ngie ɔ̀ fó ná pá’ ɔ̀ kú’te *lepʉ̌ Mǒsê pú’u, ńgwɔ́ nyìŋ Ssé,

Roma 5:1

Pá’ à la cʉa nà lezǎb ntʉ́m nà Yěsô Kristo, e Ssé cʉ́’ ńdíe wégè pege gwɔ́ pɔ́ ndʉŋ ndʉŋ mvfò yé la, pega Ssé ee fʉ̀’ɔɔn ńnéŋe mboŋó, ńzẅɛ́’ɛ Cʉ̀apʉ̀a wege Yěsô Kristo.

Roma 5:10

Pega Ssé ka zɔɔn ńgwɔ́ pɔ́ megàŋ mbù, tá Ssé lɔg pá’ Míŋ we kwé, ḿmag mbù wegá pɔ̌. Á ge piŋ gwɔ́ nà fʉ̀’ɔɔn, à gaa wɔ́ ńdɔg pá’ Míŋ we gwɔ́ pɔ́ wó, ńgÿo pege tsẅɛ́ ngɔ́’ tsẅɛ́!

Roma 5:3

Á té gwɔ́ pɔ́ ndà’ pú’u wɔ́, peg giŋé ńgẅiin lékag tà mbɔɔ fʉ̀’ gie peg ne ńgyá ngɔ́’, ńně ńzsé ngie e ngɔ́’ ge gÿo peg shÿɔg.

Roma 8:23

Eshúm ŋwɛ́ zɔ̌ té ńtsẅii gílé pɔ́b wɔ́. Pege yégè pie Ssé la lɔgɔ Zẅìge yé ńgÿo pege gẅiin ntwó mmó nà shúm sie à la ka’a léná né pege, pege yégè giŋé ńgwɔ́ tsɛ̀ɛ ntʉ́m pege ńtsẅii pɔ́ pú’u, ńne ńzẅí’te lyɛ̌’ gie Ssé ge lɔgɔ wégè gÿo púɔ pé ndà’ ndà’, pege gẅiin mbùm yé sẅé, ńtsẅɛ́ ngɔ́’.

Roma 9:10

Etsɔ̌ fʉ̀’ giŋé ńgwɔ́ wó, ńgwɔ́ Rebéka pá’ pɔ́ mangʉa njʉ’ wege Esâg la zyé mefág mbàŋa yépʉ́a.

1 Korento 10:16

Pege ne ńnúu ntú’ melù’ gie pege nǎ ndǎg mbwo Ssé mǒ, pege tě ńdɔgɔ pú’u, ńtemte ná metse Kristo wáa? Mbelég gie pege pwɔ́’te ńgaba, e tě ńtemte wégè ná mbab nnɛ́ Kristo wáa?

2 Korento 8:19

Peg zɔ tě ńtúmo yé gílé peg wɔ́, mecú’tè pʉ̀a Kristo ka gǐŋ ńtsɔ́’ɔ yé ngie pega pɔ́ giŋe kwò, ńcú’te yɔɔn nkáb. Peg gÿo yɔɔn fà’a pòŋo ntʉ́m lélɔg ńgÿo Cʉ̀apʉ̀a zɔ̌ gẅiin legú’ mbɔɔ lélɔg ńnyɛ ngie peg ne ńtsɔ́ɔn lékẅéte petsɔ́ pʉ̀a.

Galatia 4:9

Á píŋ ńgʉa nà fʉ̀’ɔɔn pi ne ńzsé Ssé tà mèŋ n kɔ’ɔ́ fó gɔɔn pɔ́ ngie e Ssé ne ńzsé gẅí. Á piŋ ngǎ pi gíŋe ḿbiŋe nzèm, á tsɛ̀ɛ sɛ̌ shúm sie é té metʉ̀ gẅiin, ńké tè tsɔ́ mmó gẅiin? Pi kwoŋo légíŋe ḿbiŋ nzèm ńzẅíŋ menkwɔɔn mbwo pɔ́b keen?

Galatia 5:22

Tá’, menò mbòŋo mie Zẅìge Ndʉalʉ̌a gÿo nyìŋ gÿo é mɔɔn ńgwɔ́ légẅiin nkwòŋe, ńgwɔ́ léńnéŋe nê lekág, ńgwɔ́ léńnéŋe lésẅete, ńgwɔ́ légẅiin kwɔ́gɔ nnɛ́, ńgwɔ́ létyé lékẅéte pʉ̀a, ńgwɔ́ légẅiin pòŋo ntʉ́m, ńgwɔ́ léńnéŋe té gwɔ́ ngàŋ mepàb,

Filipo 3:1

Áa nà fʉ̀’ɔɔn, mbà mefɛ́ pɔ́ɔn, pi ne ńkága kǎg ńtí Cʉ̀apʉ̀a. À lɔɔn ńgwɔ́ n de kʉ́a léŋwe’e ŋwà’ne mbwo pi lélɔg ńkímte gẅi á mmó gie n ka zɔɔn ńgɔɔn mbwo pi wɔ́. Á ge pyɛ́bte gẅi légwe ná mejÿɔ’.

Filipo 3:3

Pege pɔɔn zɔ ee pʉ̀a pie mé la kwà’ ḿbú’u wégè. Pege zɔ̌ gwɔ́ pʉ̀a pie é gwɔ ne gu’te Ssé, ńne ńzẅí’te nò ncwò Zẅìge yé. Pege lɔgɔ pɔ́ Yěsô ńka’te, à lɔɔn ńgwɔ́ pege zɔɔn le lɔg shúm sie pʉ̀a mesoŋ gÿo ńtí mà lá’ gwɔ́b ńdɔg ńka’te wɔ́ le.

Filipo 4:4

N ge gɔɔn né pi ngie ntʉ́m gẅi ńnéŋe ńkág kág, á nue pi ee pʉ̀a Cʉ̀apʉ̀a. N gɔ̌ɔn né pi ngie, ntʉ́m gẅi ńnéŋe ńkág kág.

Kolosia 2:6

Pá’ pi ka kě ńzẅíŋ ngie Yěsô Kristo aa Cʉ̀apʉ̀a gẅi la, á ne ńzɛ́te ngie gẅi leńnéŋe gwɔ́ pá’ à ne ńkwoŋo.

1 Piɛ 1:8

Pi laa Yěsô gyá, tá’ ńké ńne ńkwoŋo yé. Pi ne ńzába ntʉ́m ná ye, tá mbɔɔ pá’ pi nyě tè gwǒon ńgyá yé. Máamáa lekág gwɔ́ ntʉ́m pi tà à lɔɔn ńgwɔ́ pi le zsé léshwóŋó nyìŋ wɔ́.