Roma 5:10 - Nouveau Testament en Ngienboum

¹⁰ Pega Ssé ka zɔɔn ńgwɔ́ pɔ́ megàŋ mbù, tá Ssé lɔg pá’ Míŋ we kwé, ḿmag mbù wegá pɔ̌. Á ge piŋ gwɔ́ nà fʉ̀’ɔɔn, à gaa wɔ́ ńdɔg pá’ Míŋ we gwɔ́ pɔ́ wó, ńgÿo pege tsẅɛ́ ngɔ́’ tsẅɛ́!

Roma 5:10 ပူးပေါင်းရင်းမြစ်များ

Ŋwà’ne Jâŋ 14:19

Á cʉ́’ pɔ́ méjʉ’, pʉ̀a njÿó le gíŋ ńgyá wɔ̀ɔn mɔ́, tá ńgʉa ná pi, pi ne ńgyá wɔ̀ɔn gyǎ, mélà’mie n gwɔ̌ pɔ́ ntentʉ́. Pi gÿo ńgíŋe ńgwɔ́ gí ntentʉ́.

Ŋwà’ne Jâŋ 5:26

Áa pú’u mélà’mie Ssé Tá gẅie aa lesa’á le gwɔ́ tèmí, à la ná mɛ̌ metʉ̀ mbwo míŋ we.

Ŋwà’ne Jâŋ 6:40

Ammó gie Tá wɔ̀ɔn ne ńkwoŋo à yɔɔn: Nyìŋ gyá múɔ, ńzáb ntʉ́m ná yé, angàŋ gẅiin le gwɔ́ tèmì. Mèŋ n dá’a lyɛ’ɛ́ lá’ nzsò nzèm ńzíme yé nà legwé.

Ŋwà’ne Jâŋ 6:57

Tá wɔ̀ɔn zɔ ka túmo wɔ̀ɔn, aa lesa’á le gwɔ́. Mèŋ n dɔgɔ pɔ́ pú’u, ńgwɔ́ wó, áa ndʉŋ ndʉŋ pá’ nyìŋ gÿo ḿpfɛ́ mbab nnɛ́ yɔ̀ɔn, mbà a ge lɔg pɔ́ pú’u, gwɔ́ wó.

Roma 11:28

Pɔ́ ka lʉ’ nkʉ̀ mbòŋo, ńcʉ́’ ngàŋ mbù Ssé, pi zẅɛ́’. Tá’, pá’ e Ssé la lá’ ńtsɔ́’ɔ wɔ́b ńdɔg ńgÿo pʉ̀a pé la, à nyě ńkwoŋo wɔ́b kwoŋ ńtí pà mangʉa njʉ’ pɔ́b.

Roma 5:11

Pege těen ńdɔgɔ pɔ́ ndà’ yɛ̌ nò ńka’te wɔ́, pege giŋé ńka’te ńtí pá’ Ssé kéen ńcʉa nà nò Cʉ̀apʉ̀a wege Yěsô Kristo ńgÿo mbù gẅie é kaa tsetsɛ̀ɛ pega Ssé mag.

Roma 5:6

Á gwɔ́ pá’ á kaa fʉ̀’ gie pege ka zɔɔn ńnyé pɔ́ pàtè metʉ̀, Kristo tóo nà fʉ̀’ gie e Ssé lá záb, ńkwé nà twó pʉ̀a tepòŋ.

Roma 8:32

Yé gẅie à la tè pɔ́ɔn kwà’ Míŋ we légyá ngɔ́’ wɔ́, yé gẅie à la gÿo mé zẅé yé ńtí wégè métsèm, á ge gǎ tá á le gíŋe ńcÿó pɔ́ gem yégè ńdɔg pɔ́ yé ńná setsɔ́ shúm ntsèm né pege wɔ́?

Roma 8:34

ńgwɔ́ wɔ́ ku’u légɔɔn ngie ntsaŋ jÿǒ wɔ́b? Angàŋ tè wó wɔ́, á nue Yěsô Kristo la kwé nà twó sɔ́b á té zso pú’u wɔ́ á gÿo ńzím. À ńnéŋe nà gwoŋó pwó Ssé ye tʉ̀, ńne sẅíŋte yé nà twó ségè.

Roma 8:7

Petsɔ́ pʉ̀a ée ná mánzsè legwé á nue pʉ̀a pie pɔ́ ńnéŋe ńtÿɔ́g ntʉ́m wɔ́b pɔ́ nà mmó gie mbùm yɔb ne shwóŋó wɔ́b ée megàŋ mbù Ssé. Pɔ́ té kú’te *lepʉ̌ Ssé wɔ́, etsɔ́ shÿó lézɔɔn ńkú’te té wɔ́ mbwo pɔ́b wɔ́.

2 Korento 5:20

Peg lɔgɔ pá’ɔɔn ńgwɔ́ memântúm Kristo tá ńgɔɔn nò. Áa pá’ɔɔn ńdɔgɔ ńgwɔ́ ngie e Ssé yé máŋwɛ́ zɔ tóŋo pʉ̀a. Peg lɔ̌g lezíŋ Kristo, ésẅíŋte ngie pʉ̀a zẅíŋ e Ssé gÿo pâ pɔ́ gíŋ ńgwɔ́ mbòŋ.

2 Korento 5:21

Pá’ ndòon laa twó pege la, e Ssé la kaa menò tepòŋ mégè, ńzába twó Kristo, mbà à la tè tsɔ́ nò tepòŋ gẅiin. À la gÿo pú’u, pá’ pege ge lɔgɔ léla nnɛ́ ná Kristo, é gwɔ́ pʉ̀a pie ée mbwo Ssé ńgwɔ́ ndʉŋ ndʉŋ.

Efeso 2:16

Pá’ pege kéen ḿbú ńcʉ́’ʉ tà’ nùɔ la, á lɔgɔ ńgɔɔn ngie mbù gẅie é kaa tsetsɛ̀ɛ menùɔ mégè é kéen ḿmag. Wɛ̌ le gwɔ́ ka fó pɔ́ ná pá’ Kristo ka kwě nà tÿǒ nkǐ ńdɔg ńgÿo mbù gẅie é kaa tsetsɛ̀ɛ menùɔ mégè lâ Ssé é mag. Pege metsèm cʉ́’ ńgwɔ́ pɔ́ púɔ Ssé. Yɔɔn áa mmó gie á ka mag mbù gẅie é kaa tsetsɛ̀ɛ pege.

Efeso 2:3

Pege metsèm ka zɔɔn ńgwɔ́ pɔ́ pá’ pɔ́b, ńne ńgÿo pɔ́ mmó gie ntʉ́m nyìŋ mesoŋ ne ńtsɔ́ɔn, éshúm sie ntʉ́m nyìŋ mesoŋ lâ nkwaŋá wé tyé mǒ, mbà mé la zyé wégè pege gwɔ́ pɔ́ pʉ̀a pie e Ssé ne ńgyáŋa lóŋ ná pɔ́b pá’ à ne ńgyáŋa lóŋ ná petsɔ́ pʉ̀a.

Heber 2:17

Á laa pú’u, ńne ńzɛ́te ngie à gʉa nà kɔ̀ɔkɔ́ɔ ḿbú ńgwɔ́ yé pɔ́ pá’ mefɛ́ pé, à cʉa pú’u, à gwɔ́ *nùŋe pwɔ́’ we lÿò gẅie à neŋé ńtsɔ́ɔn mezìŋe pʉ̀a, ńzsé yé pɔ́ ndà’ léfa’a mbwo Ssé, légwɔ́ gie à ge gÿo e Ssé lege mefʉa pʉ̀a mesoŋ.

Heber 7:25

Áa mmó gie á gíŋe ńgÿo á ku’u légÿo pʉ̀a pie pɔ́ ne ńdɔgɔ yé ńtsóte nnɛ́ nê lejʉ́ŋ Ssé, pɔ́ tsẅɛ́ ndà’ ndà’. Pú’u nue yé Yěsô aa ńgwɔ́ pɔ́ wó, pá’ à ge sẅíŋte Ssé nà twó yɔ́b.

1 Jâŋ 2:1

Epúɔ mémá pɔ́ɔn, mèŋ n ŋwe’e mɔɔn menò légwɔ́ gie pi ge gẅiin shÿó tà pi le gÿo nò tepòŋ wɔ́. Tá ńgwɔ́ gie nyìŋ gÿo nò tepòŋ, mbà pege gẅiin wege nyìŋ lejʉ́ŋ Tá, á gwɔ́ Yěsô Kristo, yé gẅie aa ndʉŋ ndʉŋ mvfò Ssé.

1 Jâŋ 4:10

Nkwòŋe léen ńgwɔ́ pɔ́ pá’ɔɔn, pege zɔ la tè kwoŋ Ssé wɔ́, yé zɔ la kwoŋo wégè. À la kwoŋo wégè kwoŋ tà ńtúmo Míŋ we, á tó ńdɔgɔ twó yé ńnuŋe pwɔ́’ ńtí wégè, áa mmo gie á gÿo Ssé lege menò tepòŋ mégè.

Ŋwà’ne Ngyà jʉ’ 1:18

Mèŋ n gee nyìŋ gẅie à gÿo mé gwɔ́ wó. N da kwé, tá mèŋ n gee fʉ̀’ɔɔn ńgwɔ́ wó, é ké lá’a gwɔ́ pɔ́ wó. Mèŋ n gẅiin metsɔ́’ɔ kí, mie é náa wɔ̀ɔn metʉ̀ lélɔg ńjÿɔ́’ɔ jʉ’ gie mepfó ée wó, kà pɔ́ lélɔg ńtsɔ́’ éfó wó ńkẅile pʉ̀a wɔ́.