Roma 4:9 - Nouveau Testament en Ngienboum

⁹ Tà áa pá’ɔɔn wɔɔn légwɔ́ shÿó mbòŋo, á gwɔ́ pɔ́ we pʉ̀a pie mé la pú’u wɔ́b pá’ pɔ́ ge gwɔ́ pʉ̀a Ssé kà à giŋé ńgwɔ́ mbɔɔ we pʉ̀a pie mé la tè wɔ́b pú’? Pege ee pá’ɔɔn ne ńgɔɔn ngie á la gʉa ná Ábalam, e Ssé lɔg pɔ́ pá’ à zǎb ntʉ́m ná yé Ssé, ńcʉ́’ ńdíe yé á gwɔ́ pɔ́ ndʉŋ ndʉŋ mvfò yé.

Roma 4:9 ပူးပေါင်းရင်းမြစ်များ

Lukase 2:32

Á gwɔ́ kyɛ̀’ gie á ge gÿo mé zsé ɔ́ tsɛ̀ɛ njÿó ntsèm. Pú’u, ɔ̀ lɔg ńnáa legú’ mbwo Israel, á lá’ ɔ́.

Roma 4:10

À la gÿo pú’u, ná yé á fʉ̀’e kɔ́? Á la gwaa gwɔ́, mbà mé pú’u Ábalam kà mé la nyé tè pú’u yé? Á la tè gwaa gwɔ́, mbà mé pú’u yé wɔ́.

Roma 4:3

Ŋwà’ne Ssé zɔɔn ńgɔɔn ngie kɔ́? Á gɔɔn ngie: «Ábalam la záb ntʉ́m wé nà Ssé, e Ssé fó mǒ ńcʉ́’ ńdíe yé, á gwɔ́ mvfò yé ńgwɔ́ pɔ́ ndʉŋ ndʉŋ».

Galatia 3:14

Yɔɔn nò gwɔ́ pá’ɔɔn légwɔ́ gie e Ssé ge fó nà mmó gie Yěsô Kristo, gẅie aa nà ngẅɛ̀ Ábalam gÿǒ, é pú néŋ mbʉ́lè ná pʉ̀a pie é té pà Yuda wɔ́, é cʉa ná Ábalam, mbɔɔ légwɔ́ gie pege ge lɔg pá’ pege záb ntʉ́m ná Kristo é gẅiin Zẅìge gie e Ssé la ka’a mbwo pege.

Efeso 3:8

Tà mbɔɔ pá’ mèŋ n gee tsetsɛ̀ɛ pʉ̀a Ssé métsèm ńgwɔ́ pɔ́ nzsò nzèm, à ka ké ńzẅíŋ zẅíŋ ngie mèŋ n zɔ gʉa ńtsẅi nkʉ̀ mbòŋo á mbwo pʉ̀a pie é té pà Yuda wɔ́, é la’te pì tèmàg gie áa nà nò Kristo.

Kolosia 3:11

Pá’ pi metsèm kéen ńcʉ́’ pʉ̀a pe mesẅé la, à tyɛ̀’te té gíŋe ńgwɔ́ tsetsɛ̀ɛ pi tà áa gie mé ge gíŋe gɔɔn ngie: Wɔɔn aa nyìŋ Gelekia, wɔɔn gwɔ́ nyìŋ pà Yuda wɔ́. Mé le gíŋe ńgɔɔn ngie wɔɔn aa nyìŋ gẅie mé la pú’u yé, wɔɔn gwɔ́ nyìŋ gẅie mé la tè yé pú’ wɔ́. Kà pɔ́ légíŋe ńgɔɔn ngie wɔɔn la zí’i ŋwà’ne, wɔɔn tè zí’i wɔ́. Mé ké le gíŋe ńgɔɔn ngie wɔɔn nyìŋ aa nkwɔɔn, wɔɔn tè nkwɔɔn wɔ́ wɔ́. Kristo zɔ cʉ̌’ ńgwɔ́ gí nò ntsèm, ńgwɔ́ ntʉ́m pi metsèm.