Roma 4:5 - Nouveau Testament en Ngienboum

⁵ Tá ńké ńgʉa ná nyìŋ gẅie à kaa lɔg pɔ́ mefà’ mé wɔ́, ńzáb pɔ́ ndà’ ntʉ́m wé nà Ssé gẅie à gÿo nyìŋ tepòŋ cʉ́’ʉ nyìŋ gẅie aa ndʉŋ ndʉŋ mvfò yé, e Ssé lɔg pú’u, ńcʉ́’ ńdíe yé á gwɔ́ pɔ́ ndʉŋ ndʉŋ mvfò yé.

Roma 4:5 ပူးပေါင်းရင်းမြစ်များ

Malékuse 9:23

Yěsô pʉŋe yé ngie: Ɔ̀ piŋe ngie pá’ ɔ̀ lɔɔn ńku’ lêkɛ̂? Anò té cʉa nyìŋ gẅie à záb ntʉ́m nà Ssé wɔ́.

Ŋwà’ne Jâŋ 5:24

Tà mèŋ shwóŋó gẅí, kwà’ nénʉ́, nyìŋ jú’u shwóŋè yɔ́ɔn, ḿbiŋ ńzáb ntʉ́m ná Nyìŋ gẅie à la túmo wɔ̀ɔn, mbà ngàŋ gẅiin le gwɔ́ tèmì. Mé té ge gíŋe ŋaga yé wɔ́, à tsẅɛ̌ legwé ńcʉ́’ ńgẅiin pɔ́ le gwɔ́ tèmì.

Ŋwà’ne Jâŋ 6:29

Yěsô tsɔ́’ɔ mbwo pɔ́b ngie: Ammó gie e Ssé ne ńkwoŋo ngie pi gÿo, aa lezáb ntʉ́m ná nyìŋ gẅie à ka tǔm.

Roma 10:3

Á gwɔ́ nue pɔ́ té ne ńkwoŋo lézẅíŋ ntí gie e Ssé lɔg ńgÿo pʉ̀a gwɔ́ ndʉŋ ndʉŋ mvfò yé wɔ́ mbɔɔ nue pɔ́ fa’a pɔ́ wɔb mánzsè. Pɔ́ té zẅíŋe mánzsè gẅie e Ssé fó mǒ ngie epʉ̀a ée ndʉŋ ndʉŋ mvfò yé wɔ́.

Roma 3:22

Á gwɔ́ pá’ nyìŋ lɔɔn ńzáb ntʉ́m ná Yěsô Kristo, mbà e Ssé ge cʉ́’ líe ngàŋ, à gwɔ́ mvfò yé ńgwɔ́ ndʉŋ ndʉŋ. Ee ndà’ nzsè mbwo mânyìŋ ntsèm. Pɔ́ ée mvfò Ssé ḿbú ńgwɔ́ pɔ́ tà’a mmó,

Roma 4:24

Mé lɔ́ɔn sáŋa mbɔɔ wégè yégè, pie e Ssé lɔ̌ɔn ńge gÿo líe wégè, pege gwɔ́ ndʉŋ ndʉŋ mvfò yé, á wégè pie pege zába ntʉ́m ná yé Ssé gẅie à la gÿo Ndè wege Yěsô Kristo fó lá’ mepfó ńzím.

Roma 4:3

Ŋwà’ne Ssé zɔɔn ńgɔɔn ngie kɔ́? Á gɔɔn ngie: «Ábalam la záb ntʉ́m wé nà Ssé, e Ssé fó mǒ ńcʉ́’ ńdíe yé, á gwɔ́ mvfò yé ńgwɔ́ pɔ́ ndʉŋ ndʉŋ».

Roma 4:6

Á gíŋ ńgwɔ́ mmó gie fùɔ Ndavíd la gɔɔn. À la gɔɔn nò ná nyìŋ gẅie e Ssé cʉ̌’ ńdíe yé á gwɔ́ mvfò yé ńgwɔ́ pɔ́ ndʉŋ ndʉŋ, á ké tè fóo nà mefà’ ngàŋ wɔ́, wɛ̌ nyìŋ aa shÿó mbòŋo.

Filipo 3:9

légwɔ́ gie mèŋ n ge cʉ́’ gwɔ́ pɔ́ nà mbwo mé, ńgwɔ́ n de gíŋ ngie n gee tè fʉa mvfò Ssé, mélà’mie mèŋ n zsé *lepʉ̌ pà Yuda wɔ́. Mèŋ n gee mvfò yé ńgwɔ́ tè fʉa ńtí pɔ́ nò gie mèŋ n záb ntʉ́m wɔ̀ɔn ná Kristo, e Ssé zɔ gÿo ngie mèŋ n gwɔ́ nyìŋ nénʉ́ pá’ wɛ̌ nyìŋ wɔ́ gẅie à zǎb ntʉ́m wé ná Kristo.