Roma 4:2 - Nouveau Testament en Ngienboum

² À laa pé’è e Ssé wɔ́ gɔɔn ngie aa ndʉŋ ndʉŋ mvfò yé, á fó pɔ́ nà mefà’ mbòŋo mé, mbà à lɔ̌ɔn ńgwɔ́ á lɔg ńŋá’te, tá tsɔ̌ légwɔ́ gẅie ńgwɔ́ á lɔg ńŋá’te mvfò Ssé à tè wó wɔ́.

Roma 4:2 ပူးပေါင်းရင်းမြစ်များ

Roma 15:17

Mèŋ n dɔg pá’ n da nnɛ́ ná Yěsô Kristo, ńku’u lélɔgɔ fa’a Ssé gie mèŋ n ne fa’a ńka’te.

1 Korento 1:29

À cʉa pú’u, atsɔ̌ nyìŋ mesoŋ le ŋá’te mvfò Ssé wɔ́.

1 Korento 1:31

Á lɔgɔ pú’u, ńcʉ́me nà nò gie ŋwà’ne Ssé gɔɔn ngie: Nyìŋ lɔɔn ne ńkwoŋo leŋá’te, á lɔg pɔ́ mmó gie Cʉ̀apʉ̀a la gÿo tá ńdɔg ńŋá’te.

1 Korento 4:7

Akɔ́ zɔɔn ńgÿo ɔ̀ kwaŋ ngie ɔ̀ cʉ́a petsɔ́ pʉ̀a? Ɔ̀ gẅiin kɔ́ tà á té gwɔ́ pɔ́ gie e Ssé la ná né gù wɔ́? À lɔɔn ńgwɔ́ gie e Ssé la ná né gù nǎ, mbà ɔ̀ piŋe ńdɔgɔ ńŋá’te pɔ́ pá’ fʉ̀’ gie e Ssé la tè ná né gù nǎ wɔ́ mélà’a kɔ́?

1 Korento 9:16

Áa mbwo mèŋ, letsẅi nkʉ̀ mbòŋo Yěsô Kristo, á té gwɔ́ pɔ́ tsɔ́ mmó lɔg ńŋá’te wɔ́. Á gwɔ́ pɔ́ mmó gie mèŋ n ké ńgẅiin pɔ́ légÿo. N dɔɔn ńdʉ’ʉ létsẅi nkʉ̀ mbòŋo Yěsô Kristo, mbà mèŋ n kǎ ndòon.

2 Korento 11:12

Áa mmó gie n ne ńgÿo, n ge gíŋe kẅi’i gÿo pɔ́ pú’u, lɔg gʉa lê mvfò, ńzsé ngie n ge lɔg zá’ mekwò pʉ̀a pie pɔ́ ne fa’a ndilétáŋ lélɔg ńka’te ńgɔɔn ngie pega pɔ́ pǔ fa’a pɔ́ tà’ ntí.

2 Korento 11:30

Á gwé’e ne ńzɛ́te ngie mé ka’te, mbà ńgwɔ́ ńdɔg pɔ́ pá’ m bÿɛ́ pÿɛ̌ ńka’te.

2 Korento 5:12

Peg tè pá’ɔɔn tá ńgíŋe fa’a léshwóŋó gẅi pʉ̀a pie peg ee pɛ̌ wɔ́, peg náa gẅi pɔ́ shÿó pá’ ńgwɔ́ pi kwaŋte wég, anò yég poŋo gẅi poŋ. À cʉa pú’u, pi zsé létsɔ́’ɔ nò mbwo pʉ̀a pie pɔ́ ne ńdɔgɔ shúm sie é gwɔ́ pɔ́ nzème pǐ ńŋá’te, tá mbà pɔ́ kɔ’ɔ́ lɔg pɔ́ sie é gwɔ́ pɔ́ tsɛ̀ɛ ntʉ́m é ŋá’te.

Galatia 3:22

Tá’ ŋwà’ne Ssé nyɛ ngie wɛ̌wɛ̌ nyìŋ wɔ́ à gwɔ́ pɔ́ nkwɔɔn mbwo nò tepòŋ. Áa pá’ɔɔn le gwɔ́ gie ammó gie e Ssé la ka’ ge pumte pɔ́ ná pʉ̀a pie é cʉa ná Yěsô Kristo ńzáb ntʉ́m wɔ́b nà ye.

Efeso 2:9

Á gwɔ́ pú’u, ńké těen fóo nà mefà’ mie pi fǎ’ wɔ́. Pú’u la, ńgwɔ́ nyìŋ á le lɔ́g ńŋá’te wɔ́.

Filipo 3:9

légwɔ́ gie mèŋ n ge cʉ́’ gwɔ́ pɔ́ nà mbwo mé, ńgwɔ́ n de gíŋ ngie n gee tè fʉa mvfò Ssé, mélà’mie mèŋ n zsé *lepʉ̌ pà Yuda wɔ́. Mèŋ n gee mvfò yé ńgwɔ́ tè fʉa ńtí pɔ́ nò gie mèŋ n záb ntʉ́m wɔ̀ɔn ná Kristo, e Ssé zɔ gÿo ngie mèŋ n gwɔ́ nyìŋ nénʉ́ pá’ wɛ̌ nyìŋ wɔ́ gẅie à zǎb ntʉ́m wé ná Kristo.