Roma 4:18 - Nouveau Testament en Ngienboum

¹⁸ E Ssé la ka’a mmó mbwo Ábalam, atsɔ́ légwɔ́ gẅie à lɔ̌ɔn ńgwɔ́ á kwaŋa légẅiin à la tè wó wɔ́, tá á ke ńzáb ntʉ́m wé nà Ssé zǎb, ńnéŋe ne ńzẅí’te yɛ̌ mmó, ńgÿo ńcʉ́’ʉ tá pà mengwòŋ tà ńgyɔ́ɔn. Á lɔgɔ ńcʉ́me ná nò gie Ssé la gɔɔn né yé ngie: «Gyá pá’ ngẅɛ̀ jù ge lá’ gyɔ́ɔn pú’u».

Roma 4:18 ပူးပေါင်းရင်းမြစ်များ

Lukase 1:18

Sakarîɛ la jú’ pú’u, ńzɛ́te *cÿɔ́’ Ssé ngie: Tà mèŋ n ge gyá kɔ́ tá zsé ngie á ge lá’ gwɔ́ nò? Pá’ peg wɔ̀ɔn manzwě pú ńzẅiŋ tɛ’ lɔɔn?

Megàŋ ntúm 27:25

Meshǔ pɔ́ɔn, pi shÿɔg! Mèŋ n déen ńtém nzèm yɔɔn ńná né Ssé. Anò gie e Ssé ně ńgɔɔn mbwo mèŋ lɔɔn, á ge pumte pú’u.

Roma 4:17

Ndʉŋ ndʉŋ pá’ ŋwà’ne Ssé ne ńgɔɔn ná yé ngie: «Mèŋ n zabá gú pá’ ɔ̀ ge gwɔ́ mangʉa njʉ’ pʉ̀a melá’a melá’». Ábalam aa mvfò Ssé gẅie yé Ábalam la záb ntʉ́m ná yé, ńgwɔ́ mangʉa njʉ’ wege, é gwɔ́ Ssé gie e gÿo mepfó gíŋe ńgwɔ́ wó, ńtóŋo mmó gie á zɔɔn tè wó wɔ́, á kẅɛɛ ńtyé.

Roma 4:19

E Ssé la gwɔ́ gɔɔn yɔɔn nò né Ábalam á cʉ́’ pɔ́ méjʉ’ à gẅiin ngù’ nkÿo. Mbà mbùm ye tǎŋ tɛ’. Anzwě we Sara gíŋ ńzẅiŋ tà ńgwɔ́ gie à lɔɔn ńgwɔ́ á le gíŋe ńzyé wɔ́. Tá Ábalam ké tè kʉ́a lézáb ntʉ́m nà nò gie Ssé gɔ̌ɔn wɔ́.

Roma 5:5

Pege kě těen ńzẅí’te pú’u, pɔ́ jʉ’e sẅɛ̀ɛ wɔ́, á nue Ssé kéen fó nà Zẅìge yé gie à ka nǎ né pege, ńnyɛɛ wege pá’ɔɔn tɛ’ ngie à kwoŋo wégè.

Roma 8:24

Pege ee fʉ̀’ɔɔn, mbà pege ka tsẅɛ́, tá pege nyě tè gyǎ shúm ntsèm lê nÿɔ́g. Pege zɔɔn ńdɔg nÿɔ́g ńgyá shúm sie pege ka ne ńzẅí’te, pege é le gíŋe ńzẅí’te wɔ́, á nue é ně ńdá’ ńgwɔ́ mbwo pege. Ngwɔ́ wɔ̌ zɔɔn ńnéŋe ne ńzẅí’te mmó gie à ne ńgyá?

Heber 6:19

Legwɔ́ gẅie pege ne ńzẅí’te mmó pɔ́ mbwo Ssé gÿo ntʉ́m wégè pʉ́le ńnéŋe té vɛ. Pege ne ńkwa’a ńzsé ngie pege ge lá’ shúu sẅɛ́, é kúu jʉ’ gie e Ssé ee wó.