Roma 4:12 - Nouveau Testament en Ngienboum

¹² Ábalam gǐŋ ńgwɔ́ tá pà pʉ̀a pie mé la pú’u wɔ́b. N tě ńgɔɔn pʉ̀a pie mé la pú’u wɔ́b á ku’ pú’u mbwo pɔ́b wɔ́. N gɔɔn pie pɔ́ gíŋe ne ńzába ntʉ́m nà Ssé, pá’ tá wege Ábalam la záb wé yé tá mé gÿo ḿbú’u yé.

Roma 4:12 ပူးပေါင်းရင်းမြစ်များ

Matio 3:9

Pi pɔ́ɔn lélɔg pɔ́ ndà’ ncwò gẅi ńgɔɔn ngie: Peg ee ngẅɛ̀ Ábalam. Tà mèŋ n ké shwóŋó gẅí, e Ssé ku’u lésele metóon pɔ̀ɔn ńdɔg ńgÿo ngẅɛ̀ Ábalam

Roma 4:11

Mé la gwaa pú’u Ábalam, e Ssé ne ńdíe yé á gwɔ́ pɔ́ ndʉŋ ndʉŋ mvfò yé, á nue à la ne ńzába ntʉ́m wé nà Ssé. Mé la gÿo tá ńcÿɔ’ɔ liŋé nyìŋ gẅie mé pú’u yé ná yé. Yɛ̌ liŋé lɔ́ɔn ńda’te ngie Ssé fǒ ná pá’ yé Ábalam zǎb ntʉ́m ná yé, ńdɔgɔ yé ńgÿo nyìŋ gẅie aa ndʉŋ ndʉŋ mvfò yé. Á fó pú’u Ábalam cʉ́’ʉ tá pà pʉ̀a métsèm pie pɔ́ ne ńzába ntʉ́m nà Ssé tà mbɔɔ pá’ mé kaa wɔ́b pú’u, e Ssé cʉ́’ʉ ńdíe wɔ́b pɔ́ gwɔ́ ndʉŋ ndʉŋ mvfò yé.

Roma 4:13

Atsɔ́ nò gíŋ ńgwɔ́ ngie e Ssé la ka’a mbwo Ábalam, mbɔɔ mbwo ngẅɛ̀ ye ngie à ge lá’ ná ngwòŋ mbwo pɔ́b. E Ssé lɔ̌ɔn tě ńka’a pá’ɔɔn, pɔ́ mélà’mie Ábalam la ne ńgÿo mmó gie *lepʉ̌ ne ńzɛ́te wɔ́, á la fó pɔ́ ná pá’ à záb ntʉ́m nà Ssé, e Ssé cʉ́’ ńdíe yé á gwɔ́ pɔ́ ndʉŋ ndʉŋ mvfò yé.

2 Korento 12:18

N da sẅíŋte Titus ngie à gʉa tà ńgyá gẅí, ńtúmo wɔ́b wetsɔ́ fɛ́ wege gẅie pi ne ńzsé yé la. Tsye Titus la tó fʉte gẅi ńkẅé tsɔ́ mmó mbwo pi ka? À la tè giŋ pɔ́ nà mekwò mɔ́ɔn maa? Peg yé ké tè gẅiin pɔ́ tà’ nkwaŋá waa?

1 Piɛ 2:21

E Ssé la gwaa tóŋo gẅí, ńne fa’a ngie pi gÿo pɔ́ pú’u. Kristo la gyá yé ngɔ́’ ńtí gẅí, ńdɔgɔ ńnáa gẅi fʉ̀’, ngie pi giŋ pá’ yé.