Roma 4:11 - Nouveau Testament en Ngienboum

¹¹ Mé la gwaa pú’u Ábalam, e Ssé ne ńdíe yé á gwɔ́ pɔ́ ndʉŋ ndʉŋ mvfò yé, á nue à la ne ńzába ntʉ́m wé nà Ssé. Mé la gÿo tá ńcÿɔ’ɔ liŋé nyìŋ gẅie mé pú’u yé ná yé. Yɛ̌ liŋé lɔ́ɔn ńda’te ngie Ssé fǒ ná pá’ yé Ábalam zǎb ntʉ́m ná yé, ńdɔgɔ yé ńgÿo nyìŋ gẅie aa ndʉŋ ndʉŋ mvfò yé. Á fó pú’u Ábalam cʉ́’ʉ tá pà pʉ̀a métsèm pie pɔ́ ne ńzába ntʉ́m nà Ssé tà mbɔɔ pá’ mé kaa wɔ́b pú’u, e Ssé cʉ́’ʉ ńdíe wɔ́b pɔ́ gwɔ́ ndʉŋ ndʉŋ mvfò yé.

Roma 4:11 ပူးပေါင်းရင်းမြစ်များ

Matio 16:16

Símo Piɛ tsɔ́’ ngie: Ɔ̀ɔ *Nzà’nkÿo, Míŋ Ssé gie ee wó.

Matio 8:11

Mèŋ n ge zɔɔn gíŋe shwóŋó gẅie ngie: Pʉ̀a tà ńgyɔ́ɔn ge lá’ fó meshÿó meshÿó ndùmo tsetsá’, é tó kúu tsɛ̀ɛ ngwòŋ tÿǒ lepwó, pâ Ábalam, lê Esâg, mbɔɔ Yakwɔ́b temte ńjÿó línɔ́ɔn

Lukase 19:9

Yěsô jú’, ńgɔɔn ngie: E Ssé gÿǒ yɔɔn tsìŋe ndá pú ńtsẅɛ́ lyɛ̌’ɔɔn, mélà’mie Sakîo giŋé ńgwɔ́ yé tsɔ̌ míŋ Ábalam!

Ŋwà’ne Jâŋ 3:33

Nyìŋ gẅie à zẅíŋe nò gie à gɔɔn, lɔgɔ ńnyɛɛ ngie e Ssé ee nénʉ́ nà kɔ̀ɔkɔ́ɔ.

Ŋwà’ne Jâŋ 3:36

Nyìŋ lɔɔn ńzáb ntʉ́m we ná Míŋ Ssé, mbà ngàŋ ge gẅiin le gwɔ́ tèmì. Nyìŋ gẅie à kě kaa záb ntʉ́m wé ná Míŋ Ssé wɔ́, á le lá’ ńgẅiin kwà’ le gwɔ́ wɔ́. E Ssé ké ńnyé ńkẅi’i ńgyáŋa lóŋ ná yé gyáŋ.

Ŋwà’ne Jâŋ 6:35

Yěsô tsɔ́’ɔ mbwo pɔ́b ngie: Eshúm léjÿó sie é gÿo nyìŋ gwɔ́ wó, à gwɔ́ pɔ́ mèŋ. Nyìŋ lɔɔn ńtó ńtsɛ́ɛ wɔ̀ɔn, mbà nzyè tè lá’ gíŋe gyáŋa yé wɔ́. Nyìŋ záb ntʉ́m ná mèŋ, mbà gag yé té lá’ gíŋe shÿó wɔ́.

Ŋwà’ne Jâŋ 6:40

Ammó gie Tá wɔ̀ɔn ne ńkwoŋo à yɔɔn: Nyìŋ gyá múɔ, ńzáb ntʉ́m ná yé, angàŋ gẅiin le gwɔ́ tèmì. Mèŋ n dá’a lyɛ’ɛ́ lá’ nzsò nzèm ńzíme yé nà legwé.

Ŋwà’ne Jâŋ 6:47

Tà mèŋ shwóŋó gẅí, kwà’ nénʉ́, nyìŋ lɔɔn ńzáb ntʉ́m ná mèŋ, mbà ngàŋ ge gẅiin le gwɔ́ tèmì.

Ŋwà’ne Jâŋ 8:33

Pɔ́ tsɔ́’ɔ mbwo yé ngie: Peg ee pʉ̀a ná ngẅà Ábalam, peg laa zɔɔn ńgwɔ́ nkwɔɔn tsɔ̌ nyìŋ wɔ́. Ɔ̀ gǎ ńgɔɔn ngie nò nénʉ́ ge cu’u weg?

Roma 10:11

Á lɔgɔ ńzɔɔn ńcʉ́me nà pá’ ŋwà’ne Ssé la gɔɔn ngie: «Nyìŋ lɔɔn ńzáb ntʉ́m ná yé, mbà shʉ́ té gÿo kúu ngàŋ wɔ́»

Roma 10:4

Kristo la zɔɔn ńtó, nkẅɛ̌ ndá *lepʉ̌ lɔg ḿbumte. Pú’u, nyìŋ záb ntʉ́m ná Kristo tá e Ssé cʉ́’ ńdíe yé á gwɔ́ pɔ́ ndʉŋ ndʉŋ mvfò yé.

Roma 10:6

Tá à nò nà mánzsè gẅie aa lézáb ntʉ́m ná Kristo tá ńgwɔ́ ndʉŋ ndʉŋ mvfò Ssé aa ndyɛ̀’ɛ. Mé la ŋwe’e tsɛ̀ɛ ŋwà’ne Ssé ngie: Tè gíŋe ńgɔɔn tsɛ̀ɛ ntʉ́m gú ngie: «Awɔ́ ge kwɔ́’ɔ tÿǒ lepwó»? Wɛ̂ aa lélɔg ńgɔɔn ngie wɔ́ ge gʉa fó wó é sẅí’i Kristo wó wɔ́.

Roma 3:22

Á gwɔ́ pá’ nyìŋ lɔɔn ńzáb ntʉ́m ná Yěsô Kristo, mbà e Ssé ge cʉ́’ líe ngàŋ, à gwɔ́ mvfò yé ńgwɔ́ ndʉŋ ndʉŋ. Ee ndà’ nzsè mbwo mânyìŋ ntsèm. Pɔ́ ée mvfò Ssé ḿbú ńgwɔ́ pɔ́ tà’a mmó,

Roma 3:26

À kaa fʉ̀’ó ne shÿɔgɔ shÿɔg ńzẅí’te, tá’ áa fʉ̀’ɔɔn, á ne ńnyɛɛ ngie àa ndʉŋ ndʉŋ, ńgíŋe ńnyɛɛ ngie à líe nyìŋ gẅie à záb ntʉ́m wé ná Kristo á gwɔ́ pɔ́ ndʉŋ ndʉŋ mvfò yé.

Roma 3:30

á nue e Ssé gwɔ́ pɔ́ yémɔ’ɔ́. À líe pà Yuda pie é záb ntʉ́m ná Yěsô, pɔ́ cʉ́’ ńgwɔ́ mvfò yé ńgwɔ́ pɔ́ ndʉŋ ndʉŋ, yé zɔ́ gǐŋ ńdíe pʉ̀a pie é té pà Yuda wɔ́, tá mbà pɔ́ zǎb ntʉ́m ná Yěsô, pɔ́ cʉ́’ ńgwɔ́ mvfò yé ńgwɔ́ pɔ́ ndʉŋ ndʉŋ.

Roma 4:10

À la gÿo pú’u, ná yé á fʉ̀’e kɔ́? Á la gwaa gwɔ́, mbà mé pú’u Ábalam kà mé la nyé tè pú’u yé? Á la tè gwaa gwɔ́, mbà mé pú’u yé wɔ́.

Roma 9:30

Pege fó ná yɔɔn nò ńgyá ngie kɔ́? Pege gyá ngie tà mbɔɔ pá’ pʉ̀a pie é té pà Yuda wɔ́ la tè ne fa’a shÿó légwɔ́ pʉ̀a pie ée ndʉŋ ndʉŋ mvfò Ssé wɔ́, eshÿó la kẅɛɛ mbwo pɔ́b. Á gwɔ́ pá’ pɔ́ la záb ntʉ́m wɔ́b ná Kristo, e Ssé cʉ́’ ńdíe wɔ́b pɔ́ gwɔ́ pɔ́ ndʉŋ ndʉŋ mvfò yé,

Roma 9:33

Aa tóon gẅie mé la ŋwe’e nò mǒ tsɛ̀ɛ ŋwà’ne Ssé ngie: Ssé gɔ̌ɔn ngie: Mèŋ n ně ńnuŋe tà’ tóon á tÿǒsoŋo Sioŋ, Á gwɔ́ gẅie mé ge kwɔɔnte mǒ. Á máamáa tóon gẅie à ge gÿo mé gwe. Tá’ nyìŋ gẅie à ge záb ntʉ́m wé ná yé, eshʉ́ té ge lá’ kúu yé wɔ́.

Roma 9:6

Pɔ́ tsɛ ne ḿmoŋe Kristo, tá ńgwɔ́ n de gɔɔn ngie anò gie e Ssé la ka’a mbwo pʉ̀a Israel la tè kẅɛɛ nò wɔ́ wɔ́. Á nue á zɔɔn ńgwaa gwɔ́, pʉ̀a pie ée nà ngẅɛ̀ Israel, lelÿò tè kwà’ pʉ̀a Israel wɔ́,

2 Korento 1:22

ńcÿɔ́’ɔ liŋé yé ná pege, ńnéŋe Zẅìge Ndʉalʉ̌a ntʉ́m pege. Á lɔg ńgwɔ́ ndùŋ mvfò mmó nà shúm sie à ge náa mbwo pege.

Galatia 3:22

Tá’ ŋwà’ne Ssé nyɛ ngie wɛ̌wɛ̌ nyìŋ wɔ́ à gwɔ́ pɔ́ nkwɔɔn mbwo nò tepòŋ. Áa pá’ɔɔn le gwɔ́ gie ammó gie e Ssé la ka’ ge pumte pɔ́ ná pʉ̀a pie é cʉa ná Yěsô Kristo ńzáb ntʉ́m wɔ́b nà ye.

Galatia 3:29

Pá’ pi ee pʉ̀a Kristo la, pi lɔgɔ ńgwɔ́ ngẅɛ̀ Ábalam, ńgwɔ́ pàgẅiin gí mmó nà shúm sie e Ssé la ka’.

Galatia 3:7

Pú’u la, pi zsé ngie pʉ̀a pie pɔ́ záb ntʉ́m wɔ́b nà Ssé zɔ̌ kwà’ ngẅɛ̀ gie e Ssé la ka’a mbwo Ábalam.

Galatia 5:5

Á gʉa ná peg pie peg záb ntʉ́m ná Kristo, peg ne ńjú’u nò pɔ́ mbwo Zẅìge Ndʉalʉ̌a, á ne ńgÿo peg ne ńzẅí’te ngie e Ssé ge gÿo gÿo peg gwɔ́ pʉ̀a pie ée mvfò ye ńgwɔ́ ndʉŋ ndʉŋ.

Galatia 6:16

E Ssé nyɛ ngie ntʉ́m wé ée mbòŋ, ḿbiŋ ńnéŋe sẅétè tsɛ̀ɛ ntʉ́m pʉ̀a metsèm pie ée gÿo jú’ wɔɔn ntÿɔgɔ́ we sẅé, é tÿɔ́gɔ kwò mǒ, mbɔɔ mbwo pʉ̀a Ssé tà mag.

Efeso 1:13

Á gʉa ná pi gí, mbà pi ka jú’u shwóŋè gie áa ye nénʉ́, é gwɔ́ nkʉ̀ mbòŋo gẅie e Ssé ka cʉa pɔ́ mǒ tá ńgÿo pi tsẅɛ́. Pi ka jú’ pú’u, ńzáb tʉ́m gẅi ná Kristo, e Ssé cÿɔ’ɔ liŋé yé ná pi, ńdɔgɔ ńnyɛɛ ngie pi ee pʉ̀a pé. Yɛ̌ liŋé gwɔ́ Zẅìge Ndʉalʉ̌a gie à la ka’ ngie à ge náa mbwo pege.

Efeso 4:30

Tà pi gÿo Zẅìge ndʉalʉ̌a gie Ssé la lɔg ńcÿɔ’ɔ liŋé ná pi gyá ngɔ́’. À lɔ̌ɔn ńdɔgɔ ńnyɛɛ ngie pi ee pʉ̀a pé, ńgíŋe ńdɔgɔ ńnyɛɛ ngie alyɛ̌’ gé lá’ gwɔ́, à pú ńcu’u wégè, pege pú ńtsẅɛ́.

Filipo 3:9

légwɔ́ gie mèŋ n ge cʉ́’ gwɔ́ pɔ́ nà mbwo mé, ńgwɔ́ n de gíŋ ngie n gee tè fʉa mvfò Ssé, mélà’mie mèŋ n zsé *lepʉ̌ pà Yuda wɔ́. Mèŋ n gee mvfò yé ńgwɔ́ tè fʉa ńtí pɔ́ nò gie mèŋ n záb ntʉ́m wɔ̀ɔn ná Kristo, e Ssé zɔ gÿo ngie mèŋ n gwɔ́ nyìŋ nénʉ́ pá’ wɛ̌ nyìŋ wɔ́ gẅie à zǎb ntʉ́m wé ná Kristo.

Heber 11:7

Á la fó pɔ́ ná pá’ Noah zǎb ntʉ́m wé nà Ssé, à tè lɔgɔ mmó gie Ssé tʉ̌ njÿó ńnyɛɛ yé, ńdɔg ḿma’a kwàŋ wɔ́. À piŋ ńgwɔ́ mmó gie mé la nyé tè gyá. Áa yɛ̌ Noah kwóon *máamáa kanú’, lélɔg ńgÿo ngẅɛ̀ ye kúu tsoló ńtẅɛ́, ńdɔg pú’u, ńnyɛ ngie ntsaŋ ee twó petsɔ́ pʉ̀a, tá mbà á gʉa ná yé, á fó ná pá’ à zǎb ntʉ́m wé nà Ssé, e Ssé cʉ́’ ńdíe yé pɔ́ pá’ nyìŋ gẅie aa ndʉŋ ndʉŋ mvfò yé.

2 Piɛ 1:1

Aa mèŋ Símo Piɛ, nyìŋ gẅie à fa’a fà’ Yěsô Kristo, ńgíŋ ńgwɔ́ ngàŋ ntúm we. Mèŋ n náa yɔɔn ŋwà’ne mbwo pi pie pi la záb ntʉ́m ná Yěsô Kristo pá’ peg yég. Lezǎb ntʉ́m ná Yěsô Kristo áa mmó tʉ̀ nzẅìŋ mbwo pi mbɔɔ mbwo peg yég. Yěsô Kristo yé maŋwɛ́ zɔ la gÿo pú’u, né pege, á nue à gÿo mmó nà wɔ̌ɔwɔɔ pɔ́ ndʉŋ ndʉŋ. Aa Ssé yege, ńgwɔ́ nyìŋ gẅie á gÿo pege tsẅɛ́ɛ.

Ŋwà’ne Ngyà jʉ’ 9:4

Mé tsẅii mbwo pɔ́b ngie tà pɔ́ gÿo nò tepòŋ ná legǐ, ńgie tà pɔ́ gÿo nò tepòŋ ná tsɔ́ mmó gie á sa’á ndùmo ssé tsetsá’, tà ńne sẅéte, ńgie pɔ́ gÿo nò tepòŋ ná tsɔ́ tÿǒ, ńgie pɔ́ gÿo nò tepòŋ pɔ́ ná pʉ̀a pie à liŋé ye Ssé á té nà zǐ yɔ́b wɔ́.