Roma 3:8 - Nouveau Testament en Ngienboum

⁸ Nyìŋ gɔɔn pá’ɔɔn, mbà ńgwɔ́ á cʉ́me ngie: Pege gÿo menò tepòŋ ńzsé ngie nò mbòŋo ge kẅɛɛ mǒ. Etsɔ́ pʉ̀a ne shwóŋte nà lezíŋ sɔ́ɔn ngie mèŋ n zɔ gɔ̌ɔn pú’u. Pɛ̌ pʉ̀a ee pʉ̀a pie e Ssé ge gÿo ŋaga wɔ́b.

Roma 3:8 ပူးပေါင်းရင်းမြစ်များ

Matio 5:11

«Pi ee pàshÿó mbòŋo ná fʉ̀’ gie mé ge ne zoonte gẅí, é ne kʉ́e gẅí, é tÿɔ́gɔ sóon ntí ntí twó pi mélà’ mɔ́ɔn».

Roma 5:20

Tá á piŋ ńgʉa nà *lepʉ̌, mbà Ssé lɔ̌ɔn zába légwɔ̀ gie pʉ̀a ge fó mǒ é gyá nzẅìŋ gẅie pɔ́ lɔg ńgÿo nò tepòŋ pú’u. Pá’ menò tepòŋ ne ńgyɔ́ɔn lêkɔ́ wɔ́ e Ssé ne ńtsɔ́ɔn mezìŋe pʉ̀a ńcÿó gem yɔ́b tà ńtɔ́gɔ ntí.

Roma 6:1

Tà à pá’ɔɔn pege gÿo lêkɔ́? Pege ké ńkẅí’i ńgÿo pɔ́ nò tepòŋ légwɔ́ gie e Ssé ge lɔgɔ lélege mefʉa wege, mé kwa’ ńgyá pá’ à ne ńcÿó gem pʉ̀a keen?

Roma 6:15

Pú’u, ńdɔgɔ ńgɔɔn ngie kɔ́? Mé lɔgɔ ńgɔɔn ngie pege gÿo menò tepòŋ, á nue pege cʉ’ʉ́ ńgiŋe ná mánzsè *lepʉ̌ wɔ́, ńcʉ́’ʉ ńgiŋe pɔ́ ná gẅie e Ssé cʉa mǒ ńcÿó gem yégè, ńdɔgɔ wégè ńgÿo pʉ̀a pé keen? Ngǎŋ ńgwɔ́ pege le pú’u gÿo.

Roma 7:7

Mé lɔgɔ pá’ɔɔn ńgɔɔn ngie *lepʉ̌ Ssé ée mmó tepòŋ keen? Ngǎŋ á té pú’u wɔ́, a nue n ka kě fó pɔ́ nà *lepʉ̌ ŋwɛ́ tá ńzsé nò tepòŋ, é laa pé’è é té gɔɔn ngie: «Tè gẅiin kègɔ́’» wɔ́, mbà mèŋ n tè kègɔ́’ zsé.

2 Korento 11:15

Pi lɔgɔ ńgyá ngie, á té tʉʉ mbwo pafa’ fà’ Sátà lésele tà mé cʉ́’ ńgyá wɔ́b ńgɔɔn pɔ́ ngie pɔ́ ée pafa’a fà’ Ssé wɔ́. Tá’ á ge ké lá’ cʉ́’ʉ nzsòte, pɔ́ kẅé ntsɔ’ɔ́ fà’ é gwɔ́ pɔ́ pá’ mefà’ mɔ́b gwɔ́.

2 Korento 6:8

Etsɔ́ pʉ̀a ne ńgwaa náa mekù’ még, petsɔ́ ne ńtéme shʉ́ ná peg. Etsɔ́ gwaa gɔ’te mmó gie peg ne ńgÿo, petsɔ́ ne ńzoon wég zoon. Mé ne ńdɔgɔ wég ńgÿo megàŋa cÿɔ̌ nò, tá peg ké ne shwóŋó pɔ́ nò nénʉ́.

Jẅide 1:4

Mèŋ n gɔɔn pá’ɔɔn nue tsɔ́ pʉ̀a kéen ńzɔɔn shú ńkúu tsetsɛ̀ɛ pi, pɔ́ ne sele shÿó nò mbòŋo gie e Ssé yege la lɔg ńcÿó gʉm yégè, pú’u lépʉ́le ńgÿo menò shʉ́ mɔ́b. Pɔ́ lɔgɔ pú’u, ḿmoŋe Yěsô Kristo, á gwɔ́ ndà’ Ndè wege, yé gíle yé zɔ gẅiin wégè. Pɔ́ ée pʉ̀a tepòŋ, ńgwɔ́ pʉ̀a pie ntyě sǎg pá’ ŋwà’ne Ssé la lá’ ńgɔɔn ntí ngʉ̀ngʉ̀ gie e ku’u ná pɔ́b.