Roma 3:6 - Nouveau Testament en Ngienboum

⁶ Ngǎŋ ńgwɔ́ pege é le gɔɔn pú’u wɔ́, e Ssé gwé’e e tè ndʉŋ ndʉŋ wɔ́, mbà à tè ku’ pá’ ńgwɔ́ á ŋag pʉ̀a mesoŋ ntsèm pie ee ndùmo ssé tsetsá’ wɔ́.

Roma 3:6 ပူးပေါင်းရင်းမြစ်များ

Lukase 20:16

À ge tó gÿo mé zẅéte pɔɔn pànyɛte melù’, à cʉ́me nká’ mbwo pe mendyɛ̀’ɛ. Alá’ jú’ pá’ Yěsô cʉmé yɔɔn nò pú’u, ńgɔɔn ngie ngǎŋ ńgwɔ́ á le pɛ́’ɛ wɔ́!

Megàŋ ntúm 17:31

Á zɔɔn ńgwaa gwɔ́ pú’u, mbà Ssé léen ńzába lyɛ̌’ gie à ge lá’ lɔgɔ nyìŋ gẅie à la tsɔ́’ɔ yé, é ŋag njÿó, é ké ŋag pɔ́ nà ntí gie ee ndʉŋ ndʉŋ. À la zíme ngàŋ ná legwé lélɔg ńnyɛɛ mbwo mânyìŋ ntsèm ngie à ge lá’ gÿo pú’u.

Roma 2:16

Wɔɔn aa pá’ Nkʉ̀ Mbòŋo nò Ssé gẅie mèŋ n da’te ńgɔɔn pá’ e Ssé ge lá’ zá’ ntsaŋ wɔ̌wɔ́ɔ. Á ge lá’ gwɔ́ yɛ̌ lyɛ̌’, e Ssé tsẅii mbwo Yěsô Kristo, à ŋág pʉ̀a nà kɔ̀ɔkɔ́ɔ wɔ́ gie áa lelyěen tsɛ̀ɛ ntʉ́m pɔ́b.

Roma 3:31

Ńzsé ngie áa pá’ɔɔn ńgwɔ́ gie pege lɔɔn ńzáb ntʉ́m ná Yěsô, mbà *lepʉ̌ cʉ́’ʉ tsɔ́ nò wɔ́ keen? Ngǎŋ á té ńdɔgɔ ńgwɔ́ pú’u wɔ́. Tà ńcʉ́’ pú’u, mbà pege lɔgɔ pú’u, ńtÿɔ́gɔ *lepʉ̌ kwà’ ná jʉ’e.

Roma 3:4

Ngǎŋ, ńgwɔ́ á le pú’u gÿo. Tà mbɔɔ pá’ pʉ̀a mesoŋ metsèm pú ńgwɔ́ pɔ́ ngàŋa cÿɔ̌ nò, yé Ssé à tè gɔɔn nò ḿbiŋ ńkúbe wɔ́. Áa ndʉŋ ndʉŋ pá’ mé la ŋwe’e tsɛ̀ɛ ŋwà’ne Ssé ngie: Gù Ssé gwɔ̌ tà ńgɔɔn nò mé gẅiin lézsé ngie ashwóŋè jú àa ndʉŋ ndʉŋ, Ńgwɔ́ gie nyìŋ ŋaga gú á le gú jÿó.