Roma 3:5 - Nouveau Testament en Ngienboum

⁵ Ńgwɔ́ tsɔ́ pʉ̀a gɔɔn ngie: Menò tepòŋ mie pege fʉ’ʉ gÿo pʉ̀a zsé ngie e Ssé ee ndʉŋ ndʉŋ, mbà pege ge tsɔ́’ɔ mbwo pɔ́b ngie kɔ́? Pege ge gɔɔn ngie e Ssé gwɔ̌ tà ne ńnéŋe ngʉ̀ngʉ̀ twó pégè ntí mefʉ̌’ nò mégè, à té ńdɔgɔ ńgwɔ́ ndʉŋ ndʉŋ wɔ́ keen? N gɔɔn pá’ɔɔn pɔ́ nò gie pʉ̀a mesoŋ ne ńgɔɔn.

Roma 3:5 ပူးပေါင်းရင်းမြစ်များ

Roma 12:19

Pi meshǔ pɔ́ɔn, tà nyìŋ gẅi sele ńtsɔ́’ɔ nò tepòŋ gie mé gÿǒ ná yé, ńnáa tsɔ́. À nyé e Ssé zɔ lá’ ḿbÿɛ, á nue áa tsɛ̀ɛ ŋwà’ne Ssé, yé Cʉ̀apʉ̀a gɔɔn ngie: «Mèŋ n zɔ gẅiin létsɔ́’ɔ nò tepòŋ ńnáa tsɔ́, mèŋ n zɔ gẅiin ntsɔ’ɔ́ fà’ we wɔ̌wɔ́ɔ».

Roma 2:5

Ɔ̀ ne ńdʉ’ʉ léju’u nò, ɔ̀ té ne ńkwoŋo lékúbe mà gù wɔ́, ɔ̀ lɔgɔ pú’u, ńtóŋte máamáa ngʉ̀ngʉ̀ gẅie e Ssé ge gÿo ńnéŋe twó gù, á nà lyɛ̌’ gie à ge lá’ ně ńnéŋe ngʉ̀ngʉ̀ twó pʉ̀a. Á ge lá’a lyɛ̌’ó mé gyá pá’ Ssé ŋaga menò pɔ́ pá’ é ne ńzɛ́te.

Roma 3:19

Mɔɔn ée menò mie mé la ŋwe’e tsɛ̀ɛ ŋwà’ne *lepʉ̌ Ssé, pege piŋ ńzsé ngie anò ntsèm gie *lepʉ̌ gɔɔn, é vɔgɔ ńgɔɔn mbwo pà Yuda pie *lepʉ̌ ŋwɛ́ sá’a wɔ́b. Pá’ pɔ́ gíŋ ńgwɔ́ yɔ́b pɔ́ ngàŋ mefʉa la, ncwò wɔ̌wɔ́ɔ nyìŋ mesoŋ wɔ́, ge jÿɔ́’ɔ, wɔ̌wɔ́ɔ piŋ tyé mvfò Ssé ńgwɔ́ pɔ́ nyìŋ gẅie à gwě ntsaŋ.

Roma 3:7

Tà ńgwɔ́ nyìŋ zɔɔn ńgɔɔn ngie: Á ge cʉa nà pá’ mèŋ n ne ńcÿɔ no, anò nénʉ́ gie á fó mbwo Ssé à kẅɛɛ mangyɛ̌, mé gu’te yé ntí pú’u, e Ssé piŋ ńgíŋe ńŋaga wɔ̀ɔn ngie mèŋ n gee nyìŋ tepòŋ mélà’a kɔ́?

Roma 4:1

Tà áa pá’ɔɔn pege ge gɔɔn ngie kɔ́, á nà nò Ábalam gẅie aa mangʉa njʉ’ weg pà Yuda? À la lɔg metʉ̀ nyìŋ mesoŋ ńgẅiin kɔ́?

Roma 5:8

Tá’ pi lêen ńké ńgyá ntí gie Ssé la lɔg ńnyɛ pá’ á kwoŋo wege pú’u, aa pá’ Kristo la tó ńkwé nà twó ségè tà pege zɔɔn ńnyé ńgwɔ́ pɔ́ pʉ̀a tepòŋ.

Roma 6:1

Tà à pá’ɔɔn pege gÿo lêkɔ́? Pege ké ńkẅí’i ńgÿo pɔ́ nò tepòŋ légwɔ́ gie e Ssé ge lɔgɔ lélege mefʉa wege, mé kwa’ ńgyá pá’ à ne ńcÿó gem pʉ̀a keen?

Roma 6:19

Meŋ n dɔɔn ńgwɔ́ gie m bǐ fʉ̀’ ná menò mie é ne ńcʉate tsetsɛ̀ɛ pʉ̀a mesoŋ, mbà mèŋ n dɔgɔ fa’a légÿo pi cwoŋo ńjú’, á nue nyìŋ mesoŋ pÿɛ́ pÿɛ̌. Pi la lɔg mekèm mbùm mí ńgÿo nkwɔɔn menò ncÿǒ laa ye menò lɔg ńtág jʉ’. Mɛ̌ menò gwɔ́ mie é gÿo mé tʉʉ twó mbwo Ssé tʉ. Ndʉŋ ndʉŋ pú’u, pi gwɔ́ fʉ̀’ɔɔn ńcʉ́’ ńdɔg mekèm mbùm mí ŋwɛ́ ńgÿo pɔ́ nkwɔɔn gie é fa’a mbwo mmó gie áa ndʉŋ ndʉŋ mvfò Ssé, à lêen ńké fó pú’u, léńnéŋe gẅi gwɔ́ we Ssé.

Roma 7:7

Mé lɔgɔ pá’ɔɔn ńgɔɔn ngie *lepʉ̌ Ssé ée mmó tepòŋ keen? Ngǎŋ á té pú’u wɔ́, a nue n ka kě fó pɔ́ nà *lepʉ̌ ŋwɛ́ tá ńzsé nò tepòŋ, é laa pé’è é té gɔɔn ngie: «Tè gẅiin kègɔ́’» wɔ́, mbà mèŋ n tè kègɔ́’ zsé.

Roma 8:31

Ngwɔ́ pege gíŋe ńkẅi’i kɔ́ nà nò gie pege gɔɔn lɔɔn? Pá’ e Ssé ee nà yégè gwǒŋ la, aa ńgwɔ́ wɔ̌ ku’u ná pege?

Roma 9:30

Pege fó ná yɔɔn nò ńgyá ngie kɔ́? Pege gyá ngie tà mbɔɔ pá’ pʉ̀a pie é té pà Yuda wɔ́ la tè ne fa’a shÿó légwɔ́ pʉ̀a pie ée ndʉŋ ndʉŋ mvfò Ssé wɔ́, eshÿó la kẅɛɛ mbwo pɔ́b. Á gwɔ́ pá’ pɔ́ la záb ntʉ́m wɔ́b ná Kristo, e Ssé cʉ́’ ńdíe wɔ́b pɔ́ gwɔ́ pɔ́ ndʉŋ ndʉŋ mvfò yé,

1 Korento 15:32

N da tóo Efeso wɔɔn pega pʉ̀a ma’, yɔ́b ntí gwɔ́ tà pâ menɔ̀ɔn tsẅɛ gwɔ́ pɔ́ tà’a mmó. Á lɔɔn ńgwɔ́ gie pega pɔ́ lɔ̌ɔn ḿma’a pú’u, e sɔ́ɔn legyè tyé pɔ́ nà shúm sie ée tsɛ̀ɛ yɔɔn njÿó, mbà pì gie n da jÿó mǒ áa kɔ́? Á lɔɔn ńgwɔ́ gie mé kwé mé té gíŋe ńzíme nà legwé wɔ́, mbà á cʉ́’ʉ ńzɛ́te pɔ́ ngie pege gÿo pá’ sag legʉa la gɔɔn la ngie: Aye nyìŋ áa ye ncwò wé, á nue njÿó ge lʉ́a mé gʉa.

1 Korento 9:8

Ndyɛ̌’ pi gɔɔn ngie mèŋ m bǐ fʉ̀’ pɔ́ nà menò mie é ne ńcʉate pɔ́ tsetsɛ̀ɛ pʉ̀a mesoŋ. *Lepʉ̌ Mǒse té gíŋe ńgɔɔn yé pɔ́ pú’u wɔ́ ka?

2 Korento 6:4

Tà ńcʉ́’ pú’u, peg tyé nà kɔ̀ɔkɔ́ɔ wɔ́, ńnyɛ ngie peg ee pafa’a fà’ Ssé, ńdɔgɔ pá’ peg ne shÿɔgɔ tɛ’, á ná fʉ̀’e ngɔ́’, á nà fʉ̀’ gie nò á cʉa wég, á nà fʉ̀’ gie peg ne ńcÿɔ’ɔ tɛ’,

2 Korento 7:11

Pi líe pɔ́ mmó gie yɛ̌ ntí lemÿɔg, á nà ntí gie e Ssé ne ńkwoŋo, e ka gÿo ná pi tá ńgyá. Gyá gẅi lésẅɛte á fʉ̀’ gie nò áa ssé, gyá gẅi lélúɔ ngie mé lege mefʉa mí ńná né pi. Gyá gẅi lemÿɔgɔ nò yɔ́ɔn, gyá gẅi lépɔ́gɔ nò, gyá gẅi létsɔ́ɔn légyá wɔ̀ɔn, gyá gẅi lézeŋe nnɛ́, gyá gẅi lézáb ngɔ́’ twó nyìŋ gẅie à fʉ̌a nò. Pi ka lɔg meshÿó ntsèm ńda’te ngie pi ka tè gíŋe ńne ńzsé tsɔ́ nò ná yɔ̀ɔn nò wɔ́.

Galatia 2:18

Ngwɔ́ n gíŋ ńzɔɔn ńzáb ntʉ́m wɔ̀ɔn nà nò *lepʉ̌ gie mèŋ n ka nyé lá? N gÿo pú’u, mbà kwà’ mèŋ n ge lɔg nyɛ ngie mèŋ n gee nyìŋ gẅie à fʉ̌a *lepʉ̌, é lɔgɔ pú’u, é kaa ndòon.

Galatia 3:15

Mefɛ́ mefɛ́, n ge pí fʉ̀’ ná mà wege pʉ̀a mesoŋ, pege zsě ngie nyìŋ gwɔ́ tà ńŋwe’e mmó ńdɔg ńtÿɔ́g legwé sé nà ntí gie á zɛ́te, ńgwɔ́ tsɔ̌ nyìŋ lelʉ’, ńké le gíŋe ńkẅi’i tsɔ́ mmó mǒ wɔ́.

Ŋwà’ne Ngyà jʉ’ 15:3

Pɔ́ ne ńzɔbɔ mezɔ́bɔ ntse mie, Mǒsê, ngàŋa fà’ Ssé la zɔb, ńgíŋe ńne ńzɔbɔ mie Mûɔ *Njʉ̀njÿò la zɔb, ńne ńgɔɔn tsɛ̀ɛ mɛ̌ mezɔ́b ngie: Cʉ̀apʉ̀a Ssé Ngàŋa tʉ̀ ntsèm, mefà’ mú ée wó tɛ’, mé gyá ḿvege vege. Gù Fùɔ gẅie ɔ̀ sá’a ngwòŋo ngwòŋ. Ammó gie ɔ̀ ka’á légÿo áa ndʉŋ ndʉŋ, ńgwɔ́ nò gie áa nénʉ́.

Ŋwà’ne Ngyà jʉ’ 18:20

Mé ne ńdʉa Mbabilonia, tá’, á gʉa ná pi tÿǒ lepwó, pi kág kág ńtí pá’ á gwě ssé. Mbɔɔ pi pʉ̀a Ssé, pia megàŋ ntúm lâ pà *ntsẅì nkʉ̀ Ssé, pi kág gí. Á nue e Ssé ŋagá yé nà nò tepòŋ gie á ka gÿo ná pi.