Roma 3:4 - Nouveau Testament en Ngienboum

⁴ Ngǎŋ, ńgwɔ́ á le pú’u gÿo. Tà mbɔɔ pá’ pʉ̀a mesoŋ metsèm pú ńgwɔ́ pɔ́ ngàŋa cÿɔ̌ nò, yé Ssé à tè gɔɔn nò ḿbiŋ ńkúbe wɔ́. Áa ndʉŋ ndʉŋ pá’ mé la ŋwe’e tsɛ̀ɛ ŋwà’ne Ssé ngie: Gù Ssé gwɔ̌ tà ńgɔɔn nò mé gẅiin lézsé ngie ashwóŋè jú àa ndʉŋ ndʉŋ, Ńgwɔ́ gie nyìŋ ŋaga gú á le gú jÿó.

Roma 3:4 ပူးပေါင်းရင်းမြစ်များ

Matio 11:19

*Míŋ Nyìŋ keen ńtó yé fʉ̀’ɔɔn, ńne ḿpfɛ́ɛ mmó ḿbiŋe ńnúu melù’, pɔ́ gɔɔn ngie mé líe yé tà ńgyá, nyìŋ wɛ̂ à gwɔ́ pɔ́ mpfɛɛ mmó, ńgwɔ́ nú melù’, ńgwɔ́ sǒ pà kẅé ncùb pà *Roma mbɔɔ we petsɔ́ pʉ̀a tepòŋ. Tá mé ké ne ńgyá ngie: Sɔ̀ɔn ee kwà’ legye Ssé ńcʉa pɔ́ nà mefà’ mie yɔ̀ɔn nò ne fa’a.

Lukase 20:16

À ge tó gÿo mé zẅéte pɔɔn pànyɛte melù’, à cʉ́me nká’ mbwo pe mendyɛ̀’ɛ. Alá’ jú’ pá’ Yěsô cʉmé yɔɔn nò pú’u, ńgɔɔn ngie ngǎŋ ńgwɔ́ á le pɛ́’ɛ wɔ́!

Ŋwà’ne Jâŋ 3:33

Nyìŋ gẅie à zẅíŋe nò gie à gɔɔn, lɔgɔ ńnyɛɛ ngie e Ssé ee nénʉ́ nà kɔ̀ɔkɔ́ɔ.

Roma 11:1

Á gwɔ́ pú’u, mèŋ n zɛ́te ngie tà áa pá’ɔɔn, mbà Ssé gwǎ’ pʉ̀a pé keen? Ngǎŋ á té pú’u wɔ́, á nue mbàa mèŋ yɔ́ɔn mèŋ n gee nyìŋ Israel, ngẅɛ̀ Ábalam, éfóo ná tsìŋe ndá Mběnjameŋ.

Roma 11:11

Ngɔ̂ɔn ngiembɔɔn, pá’ pà Israel la gwɔ́ tà ńtúu kwò yɔ́b ná Kristo ḿbú ńgwe Ssé la, á laa pú’u, ńgwɔ́ pɔ́ ndà’ ndà’ la? Ngǎŋ á té pú’u wɔ́. Tá’ á la fó pɔ́ pá’ pɔ́ tǔ kwò yɔ́b, tá pʉ̀a pie é té pà Israel wɔ́ zẅɛ́’ ńtsẅɛ́. E Ssé lɔ̌ɔn ńgÿo pá’ɔɔn légwɔ́ gie pʉ̀a Israel ge záb lejÿɔ́g mǒ, é kwɔ́’ɔ lóŋ.

Roma 3:31

Ńzsé ngie áa pá’ɔɔn ńgwɔ́ gie pege lɔɔn ńzáb ntʉ́m ná Yěsô, mbà *lepʉ̌ cʉ́’ʉ tsɔ́ nò wɔ́ keen? Ngǎŋ á té ńdɔgɔ ńgwɔ́ pú’u wɔ́. Tà ńcʉ́’ pú’u, mbà pege lɔgɔ pú’u, ńtÿɔ́gɔ *lepʉ̌ kwà’ ná jʉ’e.

Roma 6:15

Pú’u, ńdɔgɔ ńgɔɔn ngie kɔ́? Mé lɔgɔ ńgɔɔn ngie pege gÿo menò tepòŋ, á nue pege cʉ’ʉ́ ńgiŋe ná mánzsè *lepʉ̌ wɔ́, ńcʉ́’ʉ ńgiŋe pɔ́ ná gẅie e Ssé cʉa mǒ ńcÿó gem yégè, ńdɔgɔ wégè ńgÿo pʉ̀a pé keen? Ngǎŋ ńgwɔ́ pege le pú’u gÿo.

Roma 6:2

Ngǎŋ! Ńgwɔ́ pege é le pú’u, gÿo. Pá’ á zɔɔn ńgwɔ́ nà légÿo nò tepòŋ, mbà pege léen ńkwé lá, ńgwɔ́ pege gǎ tá ńgíŋe ne ńgÿo pɔ́ nò tepòŋ?

Roma 7:13

Tà áa pú’u pá’ɔɔn ńdɔgɔ ńgɔɔn ngie ammó gie áa mbòŋ kéen ńtóo ná mèŋ ńcʉ́’ pɔ́ legwé keen? Ngǎŋ á té pú’u wɔ́. Anò tepòŋ zɔ̌ la gÿo n kwé, anò tepòŋ la kwa’ ńnyɛ ngie á té poŋ. Á la zẅɛ́’ɛ mmó gie áa mbòŋ ńdɔg ńgÿo mèŋ n kwé, ńdɔg pú’u, ńcʉa nà mmó gie e Ssé la tsẅi ngie mé gÿo, ńkẅɛɛ kwà’ máamáa nò tepòŋ.

Roma 7:7

Mé lɔgɔ pá’ɔɔn ńgɔɔn ngie *lepʉ̌ Ssé ée mmó tepòŋ keen? Ngǎŋ á té pú’u wɔ́, a nue n ka kě fó pɔ́ nà *lepʉ̌ ŋwɛ́ tá ńzsé nò tepòŋ, é laa pé’è é té gɔɔn ngie: «Tè gẅiin kègɔ́’» wɔ́, mbà mèŋ n tè kègɔ́’ zsé.

Roma 9:14

Á lɔgɔ pú’u, ńgɔɔn ngie kɔ́? Ńgie Ssé tè ndʉŋ ndʉŋ wɔ́ keen. Ngǎŋ á té pú’u wɔ́.

1 Korento 6:15

Pi tè ne ńzsé ngie mbùm gi ée mekèm mbùm Kristo wɔ́ ka? N ge lɔgɔ kème mbùm Kristo lɔg gÿo kème mbùm káa tÿǒ manzwě lá? Ngǎŋ,

2 Korento 1:18

Ngǎŋ! Á gʉa nà nò gie peg ka shwóŋó gẅí, peg ka tè gɔɔn nò ḿbiŋ ńkúbe wɔ́. E Ssé ne ńzsé.

Galatia 2:17

Pá’ peg ne fa’a lécʉa ndà’ nzèm Kristo tá ńku’ pʉ̀a pie ée mvfò Ssé ńgwɔ́ ndʉŋ ndʉŋ la, pà Yuda lɔɔn ńgwɔ́ pé’e ńdɔgɔ wég ńtóŋ pʉ̀a pie ndòon ée twó pɔb pá’ pɔ́ tóŋo pʉ̀a pie pɔ́ té zsé *lepʉ̌ Ssé wɔ́, á lɔgɔ pú’u, ńgwɔ́ ngie Kristo aa nyìŋ gẅie à gÿo pʉ̀a kaa pɔ́ ndòon keen? Ngǎŋ á té pú’u wɔ́.

Galatia 2:21

N tě ge zẅíŋ, ànò mbòŋo gie e Ssé la lɔg ńcÿó gʉm yɔ́ɔn à cʉa sẅɛ̀ɛ wɔ́. N gɔɔn ńtí, mélà’mie à lɔɔn ńgwɔ́ gie ńgwɔ́ nyìŋ cʉa ná nò *lepʉ̌ tá e Ssé cʉ́’ ńdíe yé pɔ́ pá’ nyìŋ gẅie aa ndʉŋ ndʉŋ, mbà á lɔgɔ ńgwɔ́ ngie Kristo la kwé sẅɛ̀ɛ sẅɛ̀ɛ.

Galatia 6:14

ńgʉa ná mèŋ, mbà mmó gie á lɔɔn ńgwɔ́ n dɔg ńŋá’te, á gwɔ́ pɔ́ pá’ Cʉ̀apʉ̀a wege Yěsô Kristo la kwé nà tÿǒ nkǐ la. Pá’à la kwé nà tÿǒ nkǐ lá, eshúm yɔɔn njÿó ée lejʉ́ŋ mèŋ ńcʉ́’ pɔ́ pfó shúm, á gʉa ná mèŋ n gwɔ́ mbwo pɔ́b, mbà mèŋ n déen ńkwé.

1 Timote 3:16

Áa nò ngie nò nénʉ́ gie Ssé la gÿo pege zsé, á piŋ ńnyɛɛ wégè pá’ ńgwɔ́ pege giŋe ná mánzsè Ssé, á gú’ tɛ’. Áa ngie: Yé gẅie à la sele ńcʉ́’ʉ nyìŋ mesoŋ, A Zẅìge Ndʉalʉ̌a la nyɛ ngie aa tè *lɔ̌’. *Mecÿɔ́’ Ssé la gyá yé. Pʉ̀a la sá’a nò yé mengwòŋo mengwòŋ, mé záb ntʉ́m ná yé jʉ’ ntsèm tsɛ̀ɛ njÿó. E Ssé la sa’a yé, ńdɔg ńgʉa né tÿǒ lepwó, á jʉ’ʉ legú’.

Titus 1:2

Pú’u mé ńnéŋe ne ńzẅí’te légwɔ́ tèmì gẅie e Ssé la lá’ ńnyé pɔ́ tè pú’ ngwòŋ, ńka’a mbwo pʉ̀a pé. Mé zsé ngie àa těen ńgɔɔn nò mé fa’a kékáŋ wɔ́.

Heber 6:18

Pú’u la, eshúm ée wó sépʉ́a sie à lɔɔn ńgwɔ́ é le kúbe, pá’ e Ssé la ka’a nò mbɔɔ pá’ à la kʉa, é gwɔ́ menò mie á tʉ tà Ssé gɔɔn mé fa’ kékáŋ. Wɛ̌ le gwɔ́ kẅiŋte wég tɛ’, á wég gẅie peg léen ńnyé kɔ̀ɔkɔ́ɔ, nkwaŋá wég cʉ́’ ńtyé pɔ́ nà mmó gie peg zẅí’te mbwo yé.

1 Jâŋ 5:10

Nyìŋ lɔɔn ńzáb ntʉ́m wé ná Míŋ Ssé, mbà mɔɔn menò méntá ge ne fa’a ntʉ́m ye. Nyìŋ gẅie à kaa zẅíŋe nò gie e Ssé gɔ̌ɔn wɔ́, angàŋ lɔgɔ Ssé ńgÿo ngàŋa cÿɔ̌ nò, mélà’mie à kaa záb ntʉ́m nà nò gie e Ssé gɔ̌ɔn ńtí mmó gie yé Ssé zsé nà nò Míŋ we wɔ́.

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.

Ŋwà’ne Ngyà jʉ’ 3:7

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Filadelfia. Ŋwe’e ngie: Nyìŋ gẅie à fóo lejʉ́ŋ Ssé, ńgwɔ́ shwóŋò nò nénʉ́, yé gẅie à ngẅiin kí fùɔ Ndavíd, yé gẅie à tsɔ́’ ncwò ndá nyìŋ tè ku’u léjÿɔ́’ wɔ́, ńjÿɔ́’ nyìŋ tè ku’u létsɔ́’ wɔ́, à ne ńgɔɔn ngie: