Roma 3:2 - Nouveau Testament en Ngienboum

² Apì ké ńgwɔ́ wó tɛ’, é meshÿó meshÿó nà légwɔ́ nyìŋ Yuda. Ndùŋ mvfò á gwɔ́ pá’ e Ssé la cʉ́me shwóŋè yé pɔ́ mbwo pà Yuda.

Roma 3:2 ပူးပေါင်းရင်းမြစ်များ

Ŋwà’ne Jâŋ 5:39

Pi mwoon ŋwà’ne Ssé, mélà’mie pi ne ńkwaŋa ngie pi ge cʉa mǒ gẅiin le gwɔ́ tèmì. Yɛ̌ zɔ ké ne ńgɔɔn nyìŋ gẅie mèŋ n gee wɛ̌.

Megàŋ ntúm 7:38

Mǒsê zɔ gíŋe ńgwɔ́ nyìŋ gẅie á laa fʉ̀’ gie pàmangʉa njʉ’ pégè la cú’te nkwòŋo tsẅɛ, á tyé tsetsɛ̀ɛ pɔ́b lâ *cÿɔ́’ Ssé gẅie à lɔ̌ɔn cʉ́me nò mbwo yé á ndùm lekwɔ’ɔ́ Sinay. Kwà’ yé Mǒsê zɔ la kẅé shwóŋe gie á gÿo mé gwɔ́ wó léná né pege.

Roma 1:2

Ntyě sǎg pá’ Ssé la la’ ńka’ wɛ̌ Nkʉ̀ Mbòŋo tà ńgÿo pà Ntsẅi nkʉ̀ pé pe fʉ̀’ʉ mvfò ŋwe’e tsɛ̀ɛ ŋwà’ne yé.

Roma 2:18

ńzsé mmó gie Ssé ne ńkwoŋo, mbà á ka fó ná pá’ mé ka zí’i gú *lepʉ̌ ɔ̀ zsé mmó gie áa mbòŋ.

Roma 3:1

Tà á lɔɔn ńgwɔ́ pá’ɔɔn, mbà nyìŋ Yuda lɔgɔ kɔ́ ńcʉa nyìŋ gẅie à tè nyìŋ Yuda wɔ́? Lépú’u nyìŋ Yuda piŋ ńkẅéte yé nà kɔ́?

Roma 3:3

Á piŋ ńgʉa nà pá’ etsɔ́ pà Yuda la nyé yɛ̌ shwóŋè pé’è, á ge cʉa pú’u, e Ssé nyé menò mie à la ka’a mbwo pɔ́b keen?

Roma 9:4

Pɔ́ ée pʉ̀a Israel. Mbà Ssé la kaŋa wɔ́b ńdɔgɔ wɔ́b ńgÿo púɔ pé, ńnyɛɛ wɔ́b legú’ we, ńgÿo pâ pɔ̌ gwâ *kʉ̀a, á ná *lepʉ̌ sé né pɔ́b, éshwóŋó wɔ́b ntí gie pɔ́ ge lɔg gu’te yé, ńka’ menò mbwo pɔ́b tà é gyɔ́ɔn gyɔ̌ɔn.

1 Korento 9:17

Á laa pé’è mèŋ n zɔ̌ kaŋa yɔɔn fà’, mbà mèŋ n gẅiin lézẅí’te ntsɔ’ɔ́ fà’. Tá’, pá’ áa fà’ gie mèŋ n ké ńgẅiin pɔ́ léfa’ la, áa mbwo mèŋ ńgwɔ́ pɔ́ pì’ gie n kě ńgẅiin pɔ́ lékaa.

2 Korento 5:19

E Ssé zɔ la zɔɔn ńgwɔ́ ná Kristo, ńne ḿmaga mbù gẅie pâ pʉ̀a mesoŋ tsɛ̀ɛ njÿó gẅiin, pú’u, té gíŋe sáŋ menò tepòŋ mɔ́b, ńgÿo ńcʉ́me shwóŋè lɔg ḿmag mbù mbwo peg.

Galatia 2:7

Tà ńcʉ́’ pú’u, mbà pɔ́ la gyá pɔ́ ngie Ssé la cʉ́me létsẅi nkʉ̀ mbòŋo né pʉ̀a pie é té pà Yuda wɔ́ á mbwo mèŋ ndʉŋ ndʉŋ pá’ à la cʉ́me mbwo Piɛ létsẅii mbwo pʉ̀a pie ée pà Yuda.

1 Timote 6:20

Timoté, pɔ́ɔn lélɔgɔ mmó gie e Ssé ka cʉ́me mbwo gù, ńdɔg ḿma’a kwàŋ. Pɔ́ɔn shwóŋè gie á té kẅéte, tà ńcʉ́’ pú’u, á tɔ’ pʉ̀a tɔ’ lézáb ntʉ́m nà Ssé, á shwóŋè gie á gÿo mé zoŋo nò tà ńkwaŋ ngie mé lɔgɔ ńzsé nò.

Heber 5:12

Pi kɔ’ɔ́ gwɔ́ nà fʉ̀’ɔɔn é cʉ́’ gwɔ́ pɔ́ pàzí’i pʉ̀a nò Ssé tá’, pi giŋé ńne ńtsɔ́ɔn ngie mé gíŋe ńzí’i gẅi menò mie mé zyé mǒ lézí’i nyìŋ nò Ssé. Á gwɔ́ wɔ̌ tà pi nyé ńtsɔ́ɔn pɔ́ lepʉ́, tá mbà pi kɔ’ɔ́ cʉ́’ tsɔ́ɔn pɔ́ mmó léjÿó gie á ne ńtʉte.

1 Piɛ 4:11

Afù’ ye nyìŋ lɔɔn ńgwɔ́ légɔɔn nò Ssé, á gɔɔn pɔ́ gie á fóo mbwo Ssé. Aye nyìŋ gwɔ́ léfa’ mefà’ tsɛ̀ɛ cú’tè, á lɔg pɔ́ metʉ̀ mie Ssé náa mbwo yé ńdɔg fa’. Pi gÿo pá’ɔɔn ńzsé ngie mé ge cʉa ná Yěso Kristo, égu’te Ssé nà kɔ̀ɔkɔ́ɔ, yé gẅie metʉ̀ ntsèm, mbɔɔ lésá’ njÿó ée mbwo yé nà mengù’ nkɔ́ɔn nê nkɔ́ɔn. Amɛn

Ŋwà’ne Ngyà jʉ’ 19:10

N jú’ pú’u, ńnuŋe mekwò yé légu’te yé. Tá’ á gɔɔn né mèŋ ngie: Tè gÿo pɛ́’ɛ̀. Mèŋ n gíŋe ńgwɔ́ yɔ́ɔn pɔ́ tsɔ̌ nyìŋ nà kwò fà’ gí, lâ petsɔ́ mefɛ́ pú pie, pia pɔ̌ kú’te mmó gie Yěsô Kristo ka gÿo mé zsé. Legÿo pú’u, áa mmó gie á tsóte pà *ntsẅì nkʉ̀ Ssé pɔ́ tsẅii nkʉ̀ gẅie é fóo mbwo Ssé. Pú’u la, gu’te pɔ́ Ssé.

Ŋwà’ne Ngyà jʉ’ 22:6

*Cÿɔ́’ Ssé pɔ́ɔnte ńgɔɔn né mèŋ ngie: Menò mɔɔn é té mie à lɔɔn ńgwɔ́ nyìŋ jú’ mʉ́’te wɔ́, ée nénʉ́. Cʉ̀apʉ̀a Ssé gẅie yé zɔɔ ńdɔgɔ Zẅìge yé ńtúmo pà Ntsẅì nkʉ̀ pé, kwà’ yé zɔ tumó cÿɔ́’ we pá’ à ge nyɛɛ mbwo megàŋa fà’ pé, mmó gie á ge tɔ́g tó.