Roma 2:9 - Nouveau Testament en Ngienboum

⁹ Ngʉ̀ngʉ̀ ge lá’ kúu wɔ̌wɔ́ɔ nyìŋ mésoŋ wɔ́ gẅie à gÿo nò tepòŋ tà à tswág tsɔ̌. Pú’u é zye nà nyìŋ Yuda é pɔ́ɔnté kúu nà nyìŋ gẅie à tè nyìŋ Yuda wɔ́.

Roma 2:9 ပူးပေါင်းရင်းမြစ်များ

Matio 16:26

Mé lɔɔn ńzɔɔn ḿbú ńkaa njÿó yɔɔn ntsèm ńná né nyìŋ, tá’ á ké ńgwɔ́ gie e ge lɔg pɔ́ twó yé, mbà á ge kẅéte yé nà kɔ́? À lɔɔn ńgwɔ́ nyìŋ lɔgɔ kɔ́ ńdɔg ńkúbe twó yé?

Lukase 24:47

Á ne ńzɛ́te ngie mé lá’ ńdɔg lezíŋ sɔ́ɔn, ńgɔɔn nò Ssé mbwo lá’a lá’ ngie wɔ̌wɔ́ɔ kúbe mà we, e Ssé lege menò tepòŋ mé. Pú’u, é ké zye Yerósalem.

Megàŋ ntúm 11:18

Epʉ̀a Kristo jú’ menò mɔɔn, ḿbʉ́le ńnéŋe, ḿbiŋ ne ńnáa ndǎg mbwo Ssé ńgɔɔn ngie: À yɔɔn gie e Ssé ka ná shÿó mbɔɔ mbwo pʉ̀a pie é té pà Yuda wɔ́, á lékúbe mà, á gÿó pɔ́ gẅiin le gwɔ́ tèmì.

Megàŋ ntúm 13:26

Pɔl gíŋe ńgɔɔn ngie: Mefɛ́ mefɛ́, e Ssé gɔɔn yɔɔn nò pɔ́ mbwo pege metsèm. Á lélɔg ńgÿo pege tsẅɛ́. À túmo yɔɔn nò mbwo pi pie pi ee púɔ Ábalam, mbɔɔ mbwo pi pie pi pɔ́g Ssé.

Megàŋ ntúm 20:21

ńdɔg pú’u, ńtóŋ pà Yuda, mbɔɔ pʉ̀a pie é té pà Yuda wɔ́, ńgie pɔ́ sele nnɛ́ ńcʉ́me nzèm Ssé, ńzáb ntʉ́m ná Cʉ̀apʉ̀a wege Yěsô.

Megàŋ ntúm 26:20

Tà ńcʉ́’ pú’u, mbà mèŋ n da zye ná pʉ̀a Ndamas létsẅii nò yé, ḿbɔ́ɔnte ńkú pʉ̀a pe Yerósalem, éfó wó ńkúu nà pàga ngwòŋ Jẅidea ntsèm, éfó wó ńkúu nà pʉ̀a pie é té pà Yuda wɔ́, ńne ńtsẅii mbwo pʉ̀a metsèm ngie: Pɔ́ kúbe mà wɔb, ḿbiŋe mbwo Ssé, ńne ńgÿo menò mie é lá’te ngie pi kubé mà.

Megàŋ ntúm 28:17

Peg kúu *Roma pú’u, é tɔ́g lyɛ̌’ tá, Pɔl tóŋ mekěm pà Yuda pie é tsẅé *Roma ngie pɔ́ tóo jʉ’ gie à ńnéŋe wó. Pɔ́ tó tà ńnéŋe ssé, á gɔɔn né pɔ́b ngie: Mefɛ́ pɔ́ɔn, mèŋ n tyě pá’ɔɔn, mbà mèŋ, n daa tsɔ́ nò mbwo pàlá’ pégè fʉa, ḿbiŋ ńké tè tsɔ́ nò ná mà pàmangʉa njʉ’ pégè fʉa. Tá’, à yɔɔn, mbà mé léen ńgwoon wɔ̀ɔn tÿǒsoŋo Yerósalem, ńnéŋe wɔ̀ɔn mbwo pà *Roma lɔɔn.

Megàŋ ntúm 28:28

Pɔl gíŋe ńgɔɔn né pɔ́b ngie: Pi gẅiin lézsé ngie, á ké ńgwɔ́ fʉ̀’ɔɔn, mbà Ssé kéen ńtúm Nkʉ̀ mbòŋo gẅie é gÿo mé tsẅɛ́, á mbwo pʉ̀a pie é té pà Yuda wɔ́. Pɔ́ ge jú’ é zẅíŋ. [

Megàŋ ntúm 3:26

Áa yɛ̌ tá Ssé la gwaa tsɔ́’ɔ ngàŋa fà’ wé é túm, ńzɔɔn ntíi pɔ́ twó sí, ńtúmo yé ngie à tó ńnéŋ mbʉ́lè nà pi, ńgÿo awɔ̌wɔɔ tsetsɛ̀ɛ pi wɔ́ gwá’ mefà’ tepòŋ.

Roma 1:16

Ńgwɔ́ eshʉ́ lékúu wɔ̀ɔn á létsẅi nkʉ̀ mbòŋo wɔ́, ée metʉ̀ mie e Ssé lɔgɔ ńgÿo pʉ̀a pie é záb ntʉ́m nà yé tsẅɛ́ɛ. À zye nà pà Yuda ńkúu ná pʉ̀a pie é té pà Yuda wɔ́.

Roma 10:12

Pú’u la, atsɔ́ tyɛ’te té gíŋe ńgwɔ́ tsetsɛ̀ɛ nyìŋ Yuda pɔ́ nyìŋ gẅie à tè nyìŋ Yuda wɔ́ wɔ́. Pɔ́ métsèm pú ńgẅiin pɔ́ tà’ Cʉ̀apʉ̀a wémɔ’ɔ́ gẅie à gÿo menò mbòŋo mé ná pʉ̀a metsèm pie é lʉa ńtóŋo yé.

Roma 2:10

Á ké ńgʉa nà nyìŋ gẅie à gÿo nò mbòŋo, e Ssé náa legú’ né ye, ńná mékù’ lé ye, ńgíŋ náa yé mbʉ́lè, ńcʉ́’ʉ lé ná, ńzye nà nyìŋ Yuda ḿbɔ́ɔnte, ńnáa mbwo nyìŋ gẅie à tè nyìŋ Yuda wɔ́,

Roma 8:35

Tá tsɔ́ mmó áa wó gie ngwɔ́ á fege wega Kristo tà á le gíŋe ńkwoŋo wégè wɔ́? Ngɔ́’ lá? Lepǔ’ mbùm lá? Mé lékʉ́e wégè lá? Nzyè lá? Apóŋ lá? E shúm sie é vege wégè lá? Ka legwé?

Roma 9:24

Pɛ̌ pʉ̀a lɔgɔ ńgwɔ́ pɔ́ wégè wɔɔn, á wégè gẅie à tsɔ’ɔ́ nùɔ pà Yuda mbɔɔ nùɔ pʉ̀a pie é té pà Yuda wɔ́.

Galatia 3:28

Á fó pú’u, e Ssé tè gíŋe ńgÿo tsɔ́ tyɛ’te ná pà Yuda lâ pʉ̀a Gelekia wɔ́, ńké té gíŋe ńgÿo nà menkwɔɔn lâ pà ndù nnɛ́ wɔ́, ńké tè gíŋe gÿo nà mbàŋa lâ pànzwé wɔ́, á nue pi lɔg pá’ pi la nnɛ́ ná Yěsô Kristo ńcʉ́’ ńgwɔ́ pɔ́ tà’ ntí

Kolosia 3:11

Pá’ pi metsèm kéen ńcʉ́’ pʉ̀a pe mesẅé la, à tyɛ̀’te té gíŋe ńgwɔ́ tsetsɛ̀ɛ pi tà áa gie mé ge gíŋe gɔɔn ngie: Wɔɔn aa nyìŋ Gelekia, wɔɔn gwɔ́ nyìŋ pà Yuda wɔ́. Mé le gíŋe ńgɔɔn ngie wɔɔn aa nyìŋ gẅie mé la pú’u yé, wɔɔn gwɔ́ nyìŋ gẅie mé la tè yé pú’ wɔ́. Kà pɔ́ légíŋe ńgɔɔn ngie wɔɔn la zí’i ŋwà’ne, wɔɔn tè zí’i wɔ́. Mé ké le gíŋe ńgɔɔn ngie wɔɔn nyìŋ aa nkwɔɔn, wɔɔn tè nkwɔɔn wɔ́ wɔ́. Kristo zɔ cʉ̌’ ńgwɔ́ gí nò ntsèm, ńgwɔ́ ntʉ́m pi metsèm.

2 Tesalonika 1:6

Pi zsé mbóŋo ngie e Ssé ge lá’ ŋag ntsaŋ pɔ́ pá’ á ne ńzɛ́te, é ná ngɔ́’ mbwo pʉ̀a pie é nyɛɛ gẅi ngɔ́’ fʉ̀’ɔɔn lɔɔn,

1 Piɛ 4:17

Afʉ̀’ áa pá’ɔɔn, mbà á kú’ pá’ Ssé ge zá’ ntsaŋ pʉ̀a mesoŋ, à ge zye pɔ́ nà pʉ̀a pé. À lɔɔn ńzye ná pege, mbà á ge cʉ́’ʉ nzsoté é gwɔ́ lêkɔ́ ná pʉ̀a pie pɔ́ té kwoŋo lézẅíŋ nkʉ̀ mbòŋo we Ssé wɔ́?