Roma 2:8 - Nouveau Testament en Ngienboum

⁸ Tá á ké ńgʉa ná pʉ̀a pie pɔ́ tʉʉ twó mbwo Ssé, ńdʉ’ʉ nò gie áa nénʉ́, ńgiŋe pɔ́ ná mánzsè gẅie e Ssé tè ne ńkwoŋo wɔ́, pɔ́ gyá pá’ e Ssé gyáŋa lóŋ ná pɔ́b, mbɔɔ pá’ nò yɔ́b pÿɔ́gɔ Ssé.

Roma 2:8 ပူးပေါင်းရင်းမြစ်များ

Roma 1:18

E Ssé zɔɔn ńgwɔ́ tÿǒ lepwó ne ńnyɛɛ ngie à ne ńgyaŋa lóŋ, mélà’mie pʉ̀a mésoŋ é móŋo yé, ńnéŋe ńgÿo menò tepòŋ. Pɔ́ ne ńdɔgɔ ńgÿo menò tepòŋ mɔ́b ńtáte nò nénʉ́ léfa’a fà’. E Ssé ne ńnéŋe ntsaŋ twó pɔ́b,

Roma 10:16

Tá’ pʉ̀a metsèm la tè jú’ nkʉ̀ mbòŋo ńzẅíŋ wɔ́. *Ntsẅì nkʉ̀ Ssé Esǎya la zɔɔn ńgɔɔn ngie: «Cʉ̀apʉ̀a, peg la gɔɔn nò jú à wɔ̌ ké ńzẅíŋ»?

Roma 15:18

Á nue n dɔɔn ńgɔɔn kɔ́ wɔ́ gie n dǎ gÿo ná fa’a Ssé, mbà á gwɔ́ pɔ́ gie Kristo zɔ la lɔgɔ wɔ̀ɔn ńgÿo. Pú’u, légÿo pʉ̀a pie é té pà Yuda wɔ́ pɔ́ jú’ ncwò Ssé, á cʉa nà shwóŋè gie mèŋ n gɔɔn mbɔɔ ná mefà’ mie mèŋ fa’a,

Roma 6:17

Pege ké sie Ssé, mélà’mie pi laa tsɔ́ fʉ̀’ ńgwɔ́ nkwɔɔn nò tepòŋ, pi ee fʉ̀’ɔɔn, mbà pi kéen ńdɔg ntʉ́m gẅi ntsèm, ńzẅíŋe mmó gie mé ka zí’i gẅí. Á gwɔ́ gie á ne ńzɛ́te ngie pi vɔg ńzsé,

Roma 9:22

Áa ndʉŋ ndʉŋ pá’ e Ssé gÿo nà pʉ̀a mesoŋ. À la kwoŋo lényɛ ngie lóŋ we ne ńgyáŋa ná menò mie pʉ̀a mesoŋ gÿo, mé fó mǒ ńgyá pá’ à tʉ pú’u. Tá, mbà á la gʉa nà pʉ̀a pie, à lɔ̌ɔn ge gyáŋa lóŋ ná pɔ́b, á ke ńdɔg pɔ́ kwɔ́gɔ nnɛ́ éshÿɔg shÿɔg. Tá mbà á la gwaa gwɔ́, mbà pɔ́ kǔ’ pá’ à ge pyága wɔ́b pyág.

1 Korento 11:16

Nyìŋ lɔɔn ńké ńgyá ngie à ge zoŋo nò náa ná yɔɔn nò, mbà peg tè gẅiin mà we ndyɛ̀’ɛ wɔ́. Mecú’tè pʉ̀a Ssé ké tè gẅiin mà we ndyɛ̀’ɛ wɔ́.

2 Korento 12:20

N zɔɔn ne ḿbɔ́gɔ légwɔ́ gie à lɔɔn ńgwɔ́ n gÿo tóo lá’ pi, ńgyá pi le gwɔ́ nà ntí gie mèŋ n ne ńkwoŋo wɔ́. Mèŋ yɔ́ɔn n ké le gwɔ́ nà ntí gie pi ne ńkwoŋo wɔ́. Mèŋ n ne ḿbɔ́gɔ ngie ńgwɔ́ n gwɔ́ tó mencwò mencwò gwɔ́ tsetsɛ̀ɛ pi, kègɔ́’ gwɔ́ wó, acÿɔ́g gwɔ́ wó, lézoŋ jʉ’ gwɔ́ wó, lekimé nyìŋ tepòŋ gwɔ́ wó, shwóŋte gwɔ́ wó, aŋá’te nɛ́ gwɔ́ wó, atág gwɔ́ wó.

Galatia 5:20

Pá’ legù’te shúm ngie ee messé, pá’ legẅiin lekàŋ, pá’ lekua mbù, pá’ letǎg melà’, pá’ legẅiin kègɔ́’, pá’ lecÿɔ́g, pá’ lefa’ pɔ́ letyé mvfò nà kɔ̀ɔkɔ́ɔ, pá’ leneŋé fàgte fàgte, pá’ letuŋ metuŋ.

Filipo 1:17

Tá pʉ̀a pie é shwóŋó nò Kristo lê nkwaŋá tepòŋ, pɔ́ lélɔg ńdʉŋte ntyě, kwaŋ yɔ́b pɔ́ ngie pɔ́ ge kẅi’i menò ná ngɔ́’ gie mèŋ n ne ńgyá ndá tsǎŋ lɔɔn.

Filipo 2:3

Tà pi gÿo tsɔ́ mmó gie á gwɔ́ pɔ́ lélɔg sá’ ndʉ̀’, kà pɔ́ lélɔg fáŋ sẅɛ̀ɛ sẅɛ̀ɛ wɔ́. Pi sẅí’i pɔ́ mbùm gi ńnáa ssé, ńdíe petsɔ́ pʉ̀a pɔ́ pá’ fʉ̀’ gie pɔ́ cʉa gẅi la.

2 Tesalonika 1:8

À ge lá’ gwaa tó pege gyá mmɔ̌g tÿɔ́’ɔ yé ńnéŋ soŋ, à gÿo pʉ̀a pie pɔ́ la lʉ’ Nkʉ̀ Mbòŋo wé gyá ngɔ́’.

Titus 3:9

Tá’ pɔ́ɔn légɔɔn nò nà menò mie é té tyé, pá’ menò mie mé zoŋo nà mezíŋ pàmangʉa njʉ̀’ peg, pá’ menò mie mé zoŋo nà mbʉ̌ Mǒsê, é té menò mie é kẅéte nà tsɔ́ nò wɔ́, tà tsǒon méjʉ’.

Heber 10:27

Pege cʉ̌’ ńgẅiin pɔ́ légwɔ zẅí’te mmó gie á ne ńtóo, ńgíŋe ne ḿvɛɛ, yɛ̌ mmó wɔ́ ngie mé ge gÿo ŋag pʉ̀a mesoŋ mbɔɔ ngie, nkʉ̀’ʉ pà mmɔ̌g e ge gÿo tuɔ pàtʉʉ twó mbwo Ssé.

Heber 11:8

Á la fó pɔ́ ná pá’ Ábalam la záb ntʉ́m wé nà Ssé, tá e Ssé tóŋo yé á jú’ ncwò wé, ńgʉa lê tsɛ̀ɛ tsɔ́ ngwòŋ gẅie e lɔ́ɔn ńge gÿo cʉ́’ gwɔ́ pɔ́ we, ńdu ssé ńgʉa té zsé jʉ’ gie à gee tà kúu wó.

Heber 5:9

ḿbiŋ ńjú’ tà ńku’u nyìŋ gẅie ńgwɔ́ á gÿo pʉ̀a pie é jú’u ncwò wé pú ńtsẅɛ́ ndà’ ndà’.

Ŋwà’ne Jâg 3:14

Tá ńké ńgwɔ́ gie pi lɔɔn ńgẅiin kègɔ́’ gẅie à léen ńgá’ mbɔɔ lʉŋte nnɛ́ tsɛ̀ɛ ntʉ́m pi, tà pi gíŋ ńŋá’te ngie pi ee pàzsé nò, tà pi lɔg cÿɔ̌ nò, ḿbyága nò nénʉ́.

Ŋwà’ne Jâg 3:16

Alʉŋte nnɛ́ mbɔɔ kègɔ́’ vɔg tà ńgwɔ́ jʉ’, atág mbɔɔ mefà’ tepòŋ mentí mentí gwɔ́ wó.

1 Piɛ 3:1

Mbɔɔ pi gí pànzwě, pi sẅí’i mbùm gi ńnáa ssé mvfò melúm pí, à cʉa pú’u, ńgwɔ́ gie tsɔ́ pʉ̀a tsetsɛ̀ɛ pɔ́b ne ńdʉ’ʉ lézáb ntʉ́m nà shwóŋè Ssé, pɔ́ cʉ́me nzèm pi té gwɔ́ gie pi gɔ̌ɔn nò, éfó ná tsẅé gí.

1 Piɛ 4:17

Afʉ̀’ áa pá’ɔɔn, mbà á kú’ pá’ Ssé ge zá’ ntsaŋ pʉ̀a mesoŋ, à ge zye pɔ́ nà pʉ̀a pé. À lɔɔn ńzye ná pege, mbà á ge cʉ́’ʉ nzsoté é gwɔ́ lêkɔ́ ná pʉ̀a pie pɔ́ té kwoŋo lézẅíŋ nkʉ̀ mbòŋo we Ssé wɔ́?

Ŋwà’ne Ngyà jʉ’ 14:10

angàŋ zsé ngie mbɔɔ yé yé ge gÿo nú melù’ gyáŋa lóŋ Ssé, é mie Ssé ge gÿo ńnéŋe tsɛ̀ɛ ntú’ gyáŋa lóŋ yé, tà fó le gwate. Angàŋ pɔ́ɔnte ńkú ngʉ̀ngʉ̀ á tsɛ̀ɛ mmɔ̌g *mekʉ̀a, á mvfò *mecÿɔ́’ Ssé pe ndʉalʉ̌a mbɔɔ mvfò Mûɔ *Njʉ̀njÿò.

Ŋwà’ne Ngyà jʉ’ 16:19

Máamáa tÿǒsoŋ wɛ̌ shʉ́ate nzsè tá. Metÿǒsoŋ mie ée ngwòŋo ngwòŋ é keme. E Ssé lêen ńké ńkímte máamáa tÿǒsoŋo Mbabilonia, ńgÿo á nú ntú’ melù’ gyáŋa lóŋ yé gie á pú ńgá’.