Roma 2:5 - Nouveau Testament en Ngienboum

⁵ Ɔ̀ ne ńdʉ’ʉ léju’u nò, ɔ̀ té ne ńkwoŋo lékúbe mà gù wɔ́, ɔ̀ lɔgɔ pú’u, ńtóŋte máamáa ngʉ̀ngʉ̀ gẅie e Ssé ge gÿo ńnéŋe twó gù, á nà lyɛ̌’ gie à ge lá’ ně ńnéŋe ngʉ̀ngʉ̀ twó pʉ̀a. Á ge lá’a lyɛ̌’ó mé gyá pá’ Ssé ŋaga menò pɔ́ pá’ é ne ńzɛ́te.

Roma 2:5 ပူးပေါင်းရင်းမြစ်များ

Roma 1:18

E Ssé zɔɔn ńgwɔ́ tÿǒ lepwó ne ńnyɛɛ ngie à ne ńgyaŋa lóŋ, mélà’mie pʉ̀a mésoŋ é móŋo yé, ńnéŋe ńgÿo menò tepòŋ. Pɔ́ ne ńdɔgɔ ńgÿo menò tepòŋ mɔ́b ńtáte nò nénʉ́ léfa’a fà’. E Ssé ne ńnéŋe ntsaŋ twó pɔ́b,

Roma 11:25

Mefɛ́ pɔ́ɔn, mèŋ n ne ńkwoŋo ngie pi zsé mmó gie áa ná yɔɔn nò, mbà á la zɔɔn ńgwɔ́ pɔ́ lelyěen, ḿbɔ́gɔ gẅi lékwaŋ ngie pi ee pàzsé nò. Yɛ̌ mmó áa ngie atsɔ́ gwǒŋo pà Israel ne ńtʉʉ twó mbwo Ssé fʉ̀’ɔɔn, tá á ké lěen ńdá’a ńgwɔ́ pɔ́ pú’u wɔ́. Pɔ́ ge tʉʉ twó tà kú fʉ̀’ gie pʉ̀a metsèm pie e Ssé la tsɔ́’, é piŋ tè pà Yuda wɔ́, ge cʉ́me nzèm yé.

Roma 9:22

Áa ndʉŋ ndʉŋ pá’ e Ssé gÿo nà pʉ̀a mesoŋ. À la kwoŋo lényɛ ngie lóŋ we ne ńgyáŋa ná menò mie pʉ̀a mesoŋ gÿo, mé fó mǒ ńgyá pá’ à tʉ pú’u. Tá, mbà á la gʉa nà pʉ̀a pie, à lɔ̌ɔn ge gyáŋa lóŋ ná pɔ́b, á ke ńdɔg pɔ́ kwɔ́gɔ nnɛ́ éshÿɔg shÿɔg. Tá mbà á la gwaa gwɔ́, mbà pɔ́ kǔ’ pá’ à ge pyága wɔ́b pyág.

2 Korento 5:10

á nue á ne ńzɛ́te ngie pege metsèm cʉa mvfò Kristo à ŋaga wégè, à cʉa pú’u, awɔ̌wɔ́ɔ kẅé wé ntsɔ’ɔ́ fà’ ná mmó gie à la gÿo, á gwɔ́ ye mbòŋo kà ye tepòŋ wɔ́, á fʉ̀’ gie à laa tsɛ̀ɛ yɛ̌ mbùm nnɛ́.

2 Tesalonika 1:5

Á lɔgɔ ńnyɛɛ ngie e Ssé ŋag ntsaŋ pɔ́ ndʉŋ ndʉŋ. Á nue ngɔ́’ gie pi ne ńgyá fʉ̀’ɔɔn, e gÿo ngie pi ku’ pʉ̀a pie pi ge lá’ kúu tsɛ̀ɛ *lefùɔ Ssé. Pi gyá ngɔ́’ ńtí pɔ́ pú’u.

Heber 3:13

Tá’, pi ne ńkẅiŋte mennɛ́ mí pi né pi kẅiŋte, pú’u ńzsé ngie nò tepòŋ té ge fʉte tsɔ̌ nyìŋ gẅi, letʉ́m sé tʉ, á le gíŋe ńjú’ ngyè Ssé wɔ́ wɔ́. Pi gÿo pú’u, lyɛ̌’ ntsèm, á nue yɔɔn áa lyɛ̌’ gie mé ée tsɛ̀ɛ ŋwà’ne Ssé ńtóŋ ngie à lyɛ̌’ɔɔn. Yɔɔn zɔɔ lyɛ̌’ gie ńgwɔ́ mé jú’ ngyè Ssé.

Heber 3:15

Pá’ ŋwà’ne Ssé gɔɔn ngie: Pi lɔɔn ńjú’ ngyè Ssé lyɛ̌’ɔɔn, tà pi ziŋe metuŋó mí pá’ pi la ziŋe nà lyɛ̌’ gie pi la ne ńtʉʉ twó mbwo ye.

Heber 4:7

Á cʉa pú’u, e Ssé gíŋe ńzába tsɔ́ lyɛ̌’ ye sẅé á gwɔ́ ngie: Á gwɔ́ pɔ́ lyɛ̌’ɔɔn. Mbà yɛ̌ nò la tɔ́g, á lá’ ńdɔg ncwò fùɔ Ndavíd ńgɔɔn mmó gie pege ně ńdá’ ńgɔɔn ngie: Pi lɔɔn ńjú’ ngyè Ssé lyɛ̌’ɔɔn Tà pi ziŋe metuŋó mí.

Ŋwà’ne Jâg 5:3

Avɛkɔ́ɔn gwǒon tʉ ngɔ̂l gí mbɔɔ nkáb gi. Mé ge gÿo fó pɔ́ mǒ é gyá ngie pi gwě ntsaŋ, mbab nnɛ́ gi mag pá’ fʉ̀’ gie mé tǔɔ gẅi mmɔ̌g la. Pi ka cú’te shúm sie é cÿɔ́g nkáb ná mɔɔn melyɛ’ɛ́ lá’ mie ée menzsònzèm.

2 Piɛ 2:9

Mé fó ná mɔɔn menò ńgyá ngie Cʉ̀apʉ̀a kwoŋo léfóo tsɛ̀ɛ ngɔ́’ ńkẅile pʉ̀a pie é zsé pɔ́ ndà’ yé, é cʉ́’ pʉ̀a tepòŋ á nyé wɔ́b ngie pɔ́ zẅí’te ngɔ́’ lyɛ’ɛ́ létsɔ́’te mentsaŋ.

2 Piɛ 3:7

ńgʉa nà lefaŋ se fʉ̀’ɔɔn, mbɔɔ tsetsá’ ye fʉ̀’ɔɔn, mbà yɛ̌ Shwóŋè zɔ̌ le’e wɔ́b le’e ńdɔgɔ ńzẅí’te lyɛ̌’ gie e Ssé ge gÿo ŋág megàŋ mbù pé. Á ge lá’ gwɔ́ lyɛ̌’ó, mmɔ̌g gÿo lepwó pɔ́ tsetsá’ pú ńdége.

Jẅide 1:6

Pi kímte nò *mecÿɔ́’ Ssé pie pɔ́ la gwága jʉ’ gie e Ssé tÿɔgɔ́ wɔ́b wó, ńgwá’a yɔ́b jʉ’ʉ leńnéŋe, ńne ńtsɔ́ɔn ye mvfò. E Ssé la kwɛ́ɛ wɔ́b ndà’ ndà’ lê metsɛ̂n, ńnéŋe wɔ́b tsɛ̀ɛ mwòon nzém, pɔ́ ée wó ńzẅí’te ngʉ̀ngʉ̀ ye lyɛ’ɛ́ lÿò gie mé ge lá’ zá’ mentsaŋ,

Ŋwà’ne Ngyà jʉ’ 2:21

N ka na’á ńne ńzẅí’te zẅi’té ngie à kúbe mà we. Tá’, à tè ne ńkwoŋo lékúbe mà mpfwɔ́’ ŋwɛ́ wɔ́.

Ŋwà’ne Ngyà jʉ’ 6:17

Á nue máamáa lyɛ’ɛ́ lá’ gie pɔ́ ge gyáŋa lóŋ aa pá’ɔɔn, mbà a tǒ, ńgwɔ́ wɔ̌ vwɔ’ɔ?