Roma 2:4 - Nouveau Testament en Ngienboum

⁴ Ɔ̀ ne gÿo pú’u, ńcʉ́’ʉ ńdɔgɔ ńgwága Ssé gwǎg, nne ngie à gẅiin pòŋo ntʉ́m, à té lwo ńcÿɔ́g wɔ́, à gẅiin kwɔ́gɔ nnɛ́. Ɔ̀ɔ pú’u, ɔ̀ té ne ńzsé ngie à gẅiin pòŋo ntʉ́m nzèm gù pú’u, pɔ́ lélɔg ńgÿo ɔ̀ kúbe mà wɔ́ ka?

Roma 2:4 ပူးပေါင်းရင်းမြစ်များ

Roma 10:12

Pú’u la, atsɔ́ tyɛ’te té gíŋe ńgwɔ́ tsetsɛ̀ɛ nyìŋ Yuda pɔ́ nyìŋ gẅie à tè nyìŋ Yuda wɔ́ wɔ́. Pɔ́ métsèm pú ńgẅiin pɔ́ tà’ Cʉ̀apʉ̀a wémɔ’ɔ́ gẅie à gÿo menò mbòŋo mé ná pʉ̀a metsèm pie é lʉa ńtóŋo yé.

Roma 11:22

Zsé ngie e Ssé lɔɔn ńgwɔ́ gie e gẅiin pòŋo ntʉ́m, mbà e giŋé ńcÿɔ́g. E la cÿɔ́g pʉ̀a pie pɔ́ la gwe ssé. E piŋ ne ńgẅiin pòŋo ntʉ́m ná gù. Tá’ á ne ńzɛ́te ngie ɔ̀ ké ne ńkẅi’i ńgÿo pɔ́ mmó gie á poŋo yé, tà á té pú’u wɔ́, mbà e ge zá’a gú jú gwá’ pá’ pwó tÿǒ la.

Roma 11:33

E Ssé kwa’ ńgẅiin pòŋo ntʉ́m nzèm pʉ̀a metsèm, ńgwɔ́ nyìŋ mesoŋ le kaa legyè Ssé wɔ́, é ke le zsé mmó gie e Ssé ne ńkwaŋa wɔ́, ngwɔ́ wɔ̌ zsé mmó gie e Ssé zǎb ngie à ge gÿo? Ngwɔ́ wɔ̌ kyagte pá’ e Ssé gÿo menò pú’u?

Roma 3:25

E Ssé ka lɔgɔ́ yé ńnuŋe pwɔ́’ pá’ metse mé ge sɔg menò tepòŋ pʉ̀a pie pɔ́ záb ntʉ́m ná yé Kristo. Pá’ nyìŋ la gẅiin lékwé ná menò tepòŋ pʉ̀a la, á lɔgɔ ńnyɛɛ ngie e Ssé gÿo menò mé ndʉŋ ndʉŋ. Á kaa tsɔ́ fʉ̀’, pʉ̀a mesoŋ ne ńgÿo nò tepòŋ, yé Ssé gÿo pɔ́ pá’ fʉ̀’ gie à tè ne ńgyá wɔ́ la.

Roma 6:1

Tà à pá’ɔɔn pege gÿo lêkɔ́? Pege ké ńkẅí’i ńgÿo pɔ́ nò tepòŋ légwɔ́ gie e Ssé ge lɔgɔ lélege mefʉa wege, mé kwa’ ńgyá pá’ à ne ńcÿó gem pʉ̀a keen?

Roma 6:15

Pú’u, ńdɔgɔ ńgɔɔn ngie kɔ́? Mé lɔgɔ ńgɔɔn ngie pege gÿo menò tepòŋ, á nue pege cʉ’ʉ́ ńgiŋe ná mánzsè *lepʉ̌ wɔ́, ńcʉ́’ʉ ńgiŋe pɔ́ ná gẅie e Ssé cʉa mǒ ńcÿó gem yégè, ńdɔgɔ wégè ńgÿo pʉ̀a pé keen? Ngǎŋ ńgwɔ́ pege le pú’u gÿo.

2 Korento 8:2

Ngʉ̀ngʉ̀ mentí mentí ne ńkúu pʉ̀a Kristo wó tá’, ntʉ́m wɔ́b ne ńkága kǎg tɛ’. Pɔ́ tsɛ ńgwɔ́ pɔ́ mepóŋ tɛ’ tá’, ńgẅiin ntʉ́m mbòŋo lénáa mmó tà á gyɔ́ɔn gyɔ̌ɔn.

Efeso 1:18

Mèŋ n giŋé ne sẅíŋte yé, ngie à gÿo ntʉ́m gẅi zsé kyɛ̀’ yé légwɔ́ gie pi ge cwoŋo zsé mmó gie à lɔ̌ɔn ńtóŋo gẅi ńtí yɛ̌. Mbɔɔ pá’ pi ge zsé máamaa fù’u mbòŋo gie pia petsɔ́ pʉ̀a pie à la tsɔ́’ɔ wɔ́b ge gÿo kẅé, á gwɔ́ mmó gie à la cwoŋte ńzáb né pi.

Efeso 1:7

Míŋ we ŋwɛ́ la lɔg metse mé ńdɔg ńcu’u wégè, pege tsẅɛ́. E Ssé lege mefʉa mégè ńnáa mbwo pege. Yɔɔn áa nò té fʉ̀’ gie e Ssé la lɔg ńcÿó gʉm yégè,

Efeso 2:4

Tá’ e Ssé kě ńtsɔ́ɔn mezìŋe pʉ̀a mesoŋ tɛ’. Á la piŋ ńcʉa pɔ́ nà ntí gie à la lɔg ńkwoŋo wégè,

Efeso 2:7

À la gÿo mɔɔn menò pá’ à ge lá’ lɔg la’te ná yɛ̌ kème njÿó wɔ́ gie á ne ńtóo ngie à la cÿó gʉm yégè tà ńcʉa ntí, á fóo ná pá’, à cʉa nà Yěsô Kristo ńgẅiin pòŋo ntʉ́m ná pege pú’u.

Efeso 3:16

n né ńdúɔ mbwo yé ngie à lɔg pá’ legú’ we fǎŋ tɛ’ la, ńzẅíŋ, ńgÿo à Zẅìge yé náa gẅi tʉ̀ légwɔ́ gie ntʉ́m gẅi ge cwoŋo tʉte tɛ’.

Efeso 3:8

Tà mbɔɔ pá’ mèŋ n gee tsetsɛ̀ɛ pʉ̀a Ssé métsèm ńgwɔ́ pɔ́ nzsò nzèm, à ka ké ńzẅíŋ zẅíŋ ngie mèŋ n zɔ gʉa ńtsẅi nkʉ̀ mbòŋo á mbwo pʉ̀a pie é té pà Yuda wɔ́, é la’te pì tèmàg gie áa nà nò Kristo.

Filipo 4:19

E Ssé yɔ̀ɔn ge lɔg ntí gie aa gẅiin shúm pú’u, é cʉa ná Yěsô Kristo, é náa kɔ̀ɔkɔ́ɔ gie á ne ńzága mbwo pi té sáŋ.

Kolosia 1:27

Á nue e Ssé ka gyǎ ngie à ge gÿo pʉ̀a pé zsé mmó gie á la zɔɔn ńdyeen menÿɔ́g pʉ̀a lyeen, ńgwɔ́ gie à la ka’a légÿo ná metúmo metúm, yɛ̌ mmó gẅiin fù’, ḿbiŋ ḿboŋ tɛ’. Yɛ̌ ntsem gwɔ́ ngie pi zsé ngie Kristo aa tsɛ̀ɛ ntʉ́m gẅí, ńne ńgÿo pi zẅí’te fʉ̀’ gie pi ge lá’ kúu tsɛ̀ɛ legú’ Ssé.

Kolosia 2:2

Mèŋ n gÿo pú’u, lélɔg ńnéŋ ntʉ́m wɔ́b, nkwòŋe temte wɔ́b, mbɔɔ pá’ pɔ́ ge nyɛte zsé nò gie aa ná Kristo, éfó mǒ é zsé ntsem Ssé gie à ka gÿo peg zsé, yɛ̌ ntsem gwɔ́ pɔ́ Kristo yé máŋwɛ́.

1 Timote 1:16

Tá’, e Ssé la tsɔ́ɔn mezìŋe mɔ́ɔn, tà Yěsô Kristo nyɛɛ ná mèŋ gẅie mèŋ n gee ndúm tsetsɛ̀ɛ pàgÿo menò tepòŋ ngie à zsé léshÿɔg. Pú’u ńdɔg ńná fʉ̀’ mbwo pʉ̀a pie é ge gÿo záb ntʉ́m ná yé, é gẅiin le gwɔ́ tèmì.

1 Timote 6:17

Á gʉa ná pʉ̀a pie pɔ́ ée megàŋa mmó tsɛ̀ɛ yɔɔn njÿó, tsẅi né pɔ́b ngie pɔ́ pɔ́ɔn le ŋá’te nnɛ́, ńgie tà pɔ́ ńnéŋe ńzẅí’te wɔb lepòŋ pɔ́ nà shúm sie pɔ́ gẅiin, á nue á gwɔ́ pɔ́ fù’u njÿòon. Tsẅi né pɔ́b ngie pɔ́ zẅí’te wɔb lepòŋ pɔ́ mbwo Ssé gẅie à náa wege shúm ntsèm tà é gyɔ́ɔn gyɔ̌ɔn ngie pege lɔg ńkẅéte mbùm yege.

1 Piɛ 3:20

Mɛ̌ mezẅige gwɔ́ me pʉ̀a pie é la tʉʉ twó mbwo Ssé á fʉ̀’ gie Nóa la ne ńnyɛte kanú’, e Ssé ne ńdɔgɔ kwɔ́gɔ nnɛ́ ńzẅí’te pʉ̀a zẅí’te. Tá’ pʉ̀a lefɔ̌ɔn ndà’ zɔ̌ gÿo ńkúu tsɛ̀ɛ kanú’ tà ńtsẅɛ́ ntse.

2 Piɛ 1:11

À gwɔ́ pú’u, mé lá’ shʉa shʉa ńtsɔ́’ nzsè gie e gee ńkúu tsɛ̀ɛ lefùɔ tèmì se Yěsô Kristo, ńná né pi. Aa Cʉ̀apʉ̀a wege, ńgwɔ́ nyìŋ gẅie à gÿo pege tsẅɛ́ɛ.

2 Piɛ 3:15

Tà’a mmó gẅie á píŋ ně ńzɛ́te ngie pi kímte á gwɔ́ pɔ́ ngie, Cʉ̀apʉ̀a pʉ́le ńzẅí’te, à těen ńtɔ́gɔ ńtóo wɔ́, léná shÿó pá’ ńgwɔ́ pʉ̀a tsẅɛ́. Á gíŋe ńgwɔ́ pɔ́ mmó gie Pɔl, fɛ́ wege, ńgwɔ́ shǔ wege la gɔɔn tsɛ̀ɛ meŋwe’e mie à la náa mbwo pi. À la lɔg pɔ́ zse nò gie Ssé la náa mbwo yé tá ńdɔg ńgɔɔn.

2 Piɛ 3:3

Pi zɔɔn ḿvɔg ńzsé ngie, áa gÿo gwɔ́ nà melyɛ’ɛ́ lá’ nzsó nzèm, etsɔ́ pʉ̀a kẅɛ, ńgÿo yɔ́b pɔ́ mmó gie membùm mɔ́b ne ńtsóte wɔ́b ngie pɔ́ gÿo. Pɔ́ ge gẅe gẅí,

2 Piɛ 3:9

Cʉ̀apʉ̀a kaa líi légÿo mmó gie à la ka’a légÿo pá’ tsɔ́ pʉ̀a ne ńkwaŋa wɔ́. À gwiin pɔ́ kwɔ́gɔ nnɛ́ ńtí gẅí, á nue à tè ne ńkwoŋo ngie à tsɔ̌ tà’ nyìŋ pyé wɔ́, à ne ńkwoŋo pɔ́ ngie pʉ̀a metsèm gẅiin shÿó lékúbe mà.

Ŋwà’ne Ngyà jʉ’ 2:21

N ka na’á ńne ńzẅí’te zẅi’té ngie à kúbe mà we. Tá’, à tè ne ńkwoŋo lékúbe mà mpfwɔ́’ ŋwɛ́ wɔ́.

Ŋwà’ne Ngyà jʉ’ 3:20

Mèŋ wɔɔn, mbà mèŋ n tǒ ńtyé ńne ńkwá’te ncwò ndá, ńgwɔ́ gie nyìŋ lɔɔn ńjú’ ngyè yɔ̀ɔn, ńtsɔ́’ ncwò ndá, mbà mèŋ n ge kúu ndá ngàŋ, é ńnéŋe ssé peg ngàŋ pfɛ́ɛ mmó, angàŋ piŋ ńnéŋe ssé peg yé pfɛ́ɛ mmó.