Roma 2:18 - Nouveau Testament en Ngienboum

¹⁸ ńzsé mmó gie Ssé ne ńkwoŋo, mbà á ka fó ná pá’ mé ka zí’i gú *lepʉ̌ ɔ̀ zsé mmó gie áa mbòŋ.

Roma 2:18 ပူးပေါင်းရင်းမြစ်များ

Lukase 1:4

Mèŋ n gÿo pá’ɔɔn légwɔ́ gie ɔ̀ ge tóŋ lɔg zsé ngie menò mie mé la zí’i gú ée jʉ’ó ńgwɔ́ kwà’ pú’u.

Lukase 12:47

Ngàŋa fà’ gẅie à zsě mmó gie tá fà’ we ne ńkwoŋo, ḿbiŋ ńké tè tsɔ́ mmó cwoŋte, ńké tè gÿo mmó gie tá fà’ we ne ńkwoŋo wɔ́, mé ge lá’ cúa yé tɛ’.

Ŋwà’ne Jâŋ 13:17

Pá’ pi né ńzsé fʉ̀’ɔɔn la, pi lɔɔn ńgÿo pú’u, mbà pi ee pà shÿó mbòŋo.

Roma 15:4

Á zɔɔn ńgwaa gwɔ́, mbà kɔ̀ɔkɔ́ɔ gie mé la lá’ ńtʉ́ njÿó ńŋwe’e tsɛ̀ɛ ŋwà’ne Ssé, mé lɔ́ɔn ńŋwe’e pɔ́ lélɔgɔ ńnéŋe ńzí’i wégè mmó, légwɔ́ gie á ge lɔg pá’ á ne ńkẅiŋte wégè, ḿbiŋ ne ńgÿo ngie tà pege kʉ́a, pege zsé ngie pege gẅiin mmó gie e Ssé la ka’a mbwo pege.

Roma 2:19

Ɔ̀ kwà’ ne ńgyá nà jú twó ngie ɔ́ɔ nyìŋ gẅie à kíbe pwó mefʉ̀ menÿɔ́g, ńne ńkyɛ’ɛ pʉ̀a pie ée tsɛ̀ɛ nzěm,

Filipo 1:10

À cʉa pú’u, pi ku’u lépíi ye mbòŋo, éshwoŋo nò nénʉ́. À lá’a lyɛ̌’ gie Kristo ge lá’ gíŋ tó, pi gwɔ́ pà tèfʉa.

1 Tesalonika 5:21

ńgʉa nà kɔ́ wɔ́, ńtsa’ ḿbí pɔ́ ye mbòŋo,

Heber 5:14

Tá ńgʉa ná pʉ̀a pie pɔ́ cÿɔgtě, mbà pɔ́ pfɛ́ pɔ́ mmó léjÿó gie á tʉte. Pɔ́ ée pʉ̀a pie pɔ́ kéen ńzí’i tà ńgẅiin mà we lesaŋá nò, ńzsé yé mbòŋo, ńzsé yé tepòŋ.

Ŋwà’ne Jâg 4:17

Pú’u la, nyìŋ gẅie à zsé légÿo nò gie áa mbòŋ, ḿbiŋ ńké tè gÿo, à lɔgɔ ńgÿo nò tepòŋ, ńdɔgɔ ńgwe ntsaŋ.