Roma 2:14 - Nouveau Testament en Ngienboum

¹⁴ Pʉ̀a pie é té pà Yuda wɔ́, ḿbiŋ tè *lepʉ̌ Mǒsê zsé, gwá gÿo mmó gie sɛ̌ *lepʉ̌ ne ńzɛ́te, tà ńgÿo pɔ́ tè gwɔ́ gie mé zi’í wɔ́b. Mbùm yɔ́b zɔ lɔgɔ pú’u, ńzí’i wɔ́b ménò mie ée nà *lepʉ̌ tà mbɔɔ pá’ pɔ́ té *lepʉ̌ gẅiin.

Roma 2:14 ပူးပေါင်းရင်းမြစ်များ

Megàŋ ntúm 10:35

Nyìŋ lɔɔn ńgÿo mekù’ Ssé, ńgíŋ ńgÿo mmó gie e Ssé ne ńkwoŋo, ńgwɔ́ pɔ́ nyìŋ yɛ̌ lá’ gwɔ́, mbà nò yé ge poŋ Ssé poŋ.

Megàŋ ntúm 14:16

À laa fʉ̀’e mvfò, ńnyé túmo túm ntsèm, pɔ́ giŋe nà memánzsè mie pɔ́ kwoŋ.

Megàŋ ntúm 17:30

E Ssé piŋ ńké ńcʉ́’ʉ sáŋa yɛ̌ fʉ̀’ gie nyìŋ mesoŋ kɔ̌ɔn ńgÿo pú’u ńdɔgɔ ńgʉe gʉe wɔ́. Àa fʉ̀’ɔɔn, ńne ńtóŋo ngwòŋ pʉ̀a metsèm, á tsɛ̀ɛ melá’ ntsèm ngie pɔ́ kúbe mà wɔ́b.

Roma 1:32

Pɔ́ cwòŋo ne ńzsé ngie áa mbwo Ssé, e pʉ̀a pie pɔ́ gẅiin wɔɔn mà, ée pʉ̀a pie é tyé pá’ mé ge lá’ zẅé wɔ́b zẅé. Tá’, pɔ́ té fʉate mɔɔn menò fʉate ndà’ wɔ́, pɔ́ gíŋe ńkẅiŋte pʉ̀a pie é ne fʉate mɛ̌ menò yɔ́b.

Roma 2:12

Epʉ̀a pie é té pà Yuda wɔ́, é té *lepʉ̌ Mǒsê zsé. Tá’ ńké gÿo nò tepòŋ, ńgwe pɔ́ ntsaŋ, tà mbɔɔ pá’ nò *lepʉ̌ té cʉa mǒ wɔ́. Tá á ké ńgʉa nà pʉ̀a pie pɔ́ gwaa gÿo nò tepòŋ, ńně ńzsé *lepʉ̌ Mǒsê, pɔ́ gwe ntsaŋ, ńtí sɛ̌ *lepʉ̌.

Roma 2:15

Pɔ́ lɔgɔ pú’u, ńnyɛ́ ngie mefà’ mie *lepʉ̌ ne ńzɛ́te ngie me fa’, e Ssé la ŋwe’e tsɛ̀ɛ ntʉ́m wɔ́b, tà mbùm yɔb ne ńzẅíŋe ngie áa nò. Nkwaŋá wɔ́b gʉa fʉ̀’ gie é ge ŋǎg pɔ́b, ńdɔg pɔ́ mefà’ ŋwɛ́ ńŋága wɔ́b, ńgʉa fʉ̀’ gie é gee tàg nzèm yɔb ńgíŋ ńdɔg pɔ́ mɛ̌ ńtág.

Roma 2:27

Pʉ̀a pie mé la zyé wɔ́b mé té wɔ́b pú’, pɔ́ piŋ ne ńgÿo mmó gie *lepʉ̌ Ssé ne ńzɛ́te, pɔ́ zɔ ge lá’ tú *melɔ̌’ mí, pi pie pi fʉ̌a sɛ̌ *lepʉ̌, tá mbà mé la ŋwe’e ńná né pi, pi gíŋ ńgwɔ́ pʉ̀a pie mé la pú’u wɔ́b.

1 Korento 11:14

Mé ée nzɔ̌ nzɔ̌ ńzsé ngie áa nò shʉ́ mbwo mámbàŋa létsẅɛ́’ɛ twó tà á sag sag.

1 Korento 9:21

Mèŋ n gee fʉ̀’ gie mèŋ n ne fa’a tsɛtsɛ̀ɛ pʉ̀a pie *lepʉ̌ Mǒse té ne sá’a wɔ́b gwɔ́, mèŋ n ńnéŋe pá’ nyìŋ gẅie *lepʉ̌ té ne sá’a yé wɔ́ la, ńzsé ngie n ge lɔg pú’u, é gÿo pʉ̀a pie *lepʉ̌ té ne sá’a wɔ́b gwɔ́, e cʉ́’ pʉ̀a Kristo, ńnéŋe pú’u, á té ńdɔgɔ ńgɔɔn pɔ́ ngie *lepʉ̌ Ssé té ne sá’a wɔ̀ɔn mɔ́, é ne sá’a wɔ̀ɔn sá’, á nue mèŋ n neŋé pɔ́ ná pá’ *lepʉ̌ Kristo ne ńzɛ́te.

Efeso 2:12

Pi gíŋ ńkímte ngie á kaa fʉ̀’ ayɛ̌, pi tè ne ńzsé ngie tsɔ̌ nyìŋ aa wó ńgwɔ́ *Nzà’nkÿo, tà mé gẅiin lézẅí’te yé wɔ́. Pi gwɔ́ tsetsɛ̀ɛ pʉ̀a Israel ńgwɔ́ pɔ́ megʉ̀, pi tè nò nà *kʉ̀a yɔ́ba Ssé gẅiin tà mbɔɔ nà mmó gie e Ssé la ka’a mbwo pɔ́b. Pi laa gí tsɛ̀ɛ yɔɔn njÿó, pi tè ne ńzẅí’te tsɔ́ mmó wɔ́, ńgíŋe tè ne ńzsé Ssé wɔ́.

Efeso 2:3

Pege metsèm ka zɔɔn ńgwɔ́ pɔ́ pá’ pɔ́b, ńne ńgÿo pɔ́ mmó gie ntʉ́m nyìŋ mesoŋ ne ńtsɔ́ɔn, éshúm sie ntʉ́m nyìŋ mesoŋ lâ nkwaŋá wé tyé mǒ, mbà mé la zyé wégè pege gwɔ́ pɔ́ pʉ̀a pie e Ssé ne ńgyáŋa lóŋ ná pɔ́b pá’ à ne ńgyáŋa lóŋ ná petsɔ́ pʉ̀a.

Filipo 4:8

Mefɛ́ pɔ́ɔn, anò gie à lɔɔn ńgwɔ́ n dɔg ńcʉ́me á gwɔ́ pɔ́ ngie, nkwaŋá gẅi ńnéŋe ńtyé pɔ́ ná menò mbòŋo mie pʉ̀a tà ńgyɔ́ɔn gɔ’te, ńtyé nà nò nénʉ́, á nà nò gie á tyé ndʉŋ ndʉŋ, á nà nò té *lɔ̌’, á nà menò mie ée me mekù’, á nà menò mie mé gÿo pʉ̀a ná ngɔ́ɔnte, é menò mie é kẅéte, á nà menò mie mé siŋte nyìŋ mǒ.