Roma 2:13 - Nouveau Testament en Ngienboum

¹³ Á nue nyìŋ zɔɔn tè jú’ *lepʉ̌ Ssé jǔ’ ndà’ ńcʉ́’ʉ nyìŋ gẅie aa mvfò Ssé ńgwɔ́ ndʉŋ ndʉŋ wɔ́. Nyìŋ jǔ’ ḿbiŋ ńgÿo pá’ é zɛ́te tá ńcʉ́’ʉ wɛ̌ nyìŋ.

Roma 2:13 ပူးပေါင်းရင်းမြစ်များ

Lukase 18:14

Yěsô ma’a twó yɔɔn nò ngie: Tà mèŋ n ké shwóŋó gẅí, wɔ̀ɔn nkẅè ncùb la gwaa piŋ lê ndá yé, e Ssé tè nyé ne ńda’a yé wɔ́. Tá, ńké ńgʉa ná nyìŋ pà *farisay wɛ̌, e Ssé ké ne ńdá’a yé la’. Áa pú’u, tá ńgwɔ́ gie nyìŋ lɔɔn ńŋá’te nnɛ́, mbà mé ge sẅé’e yé náa ssé, ésẅé’e nnɛ́, mbà Ssé ge pʉ’ʉ yé tÿɔ́g tÿɔg.

Lukase 8:21

Á tsɔ́’ ngie: Má wɔ̀ɔn pâ mefɛ́ pɔ́ɔn ée pʉ̀a pie pɔ́ jú’u nò Ssé, ńgÿo pá’ á ne ńzɛ́te.

Ŋwà’ne Jâŋ 13:17

Pá’ pi né ńzsé fʉ̀’ɔɔn la, pi lɔɔn ńgÿo pú’u, mbà pi ee pà shÿó mbòŋo.

Roma 10:5

Pi jú’u mmó gie Mǒsê la ŋwe’e nà nò mánzsè gẅie aa nyìŋ léfó ná pá’ à kú’te *lepʉ̌, ńgwɔ́ ndʉŋ ndʉŋ mvfò Ssé. «À la gɔɔn ngie: Nyìŋ lɔɔn ńkú’te nò ntsèm gie *lepʉ̌ la tsẅi, tá mbà à ge zẅɛ́’ *lepʉ̌ é tsẅɛ́»

Roma 2:25

Áa nénʉ́ ngie ɔ̀ lɔɔn ńgiŋe ná pá’ *lepʉ̌ ne ńzɛ́te, mbà le gwɔ́ gẅie mé la pú’u gú pá’ ɔ̀ ge gwɔ́ nyìŋ Ssé à ge kẅéte. Tá ńké té giŋe ná pá’ *lepʉ̌ ně ńzɛ́te wɔ́, mbà mé la tsɛ ḿbú’u gú tá’, ɔ̀ ge cʉ́’ gwɔ́ pɔ́ pá’ nyìŋ gẅie mé la tè yé pú’ la,

Roma 3:20

Áa pá’ɔɔn nue nyìŋ tè lá’ lɔg pá’ à gɔɔn ngie à gÿo mmó gie *lepʉ̌ ne ńzɛ́te, étyé mvfò Ssé é gwɔ́ ndʉŋ ndʉŋ wɔ́. Afa’a *lepʉ̌ zɔɔn ńgwɔ́ lényɛ pʉ̀a mesoŋ ngie pɔ́ zsé ngie pɔ́ gyǒ nò tepòŋ.

Roma 3:23

á nue pɔ́b metsèm la zɔɔn ḿbú ńgÿo menò tepòŋ tà sɔ́ɔn legú’ gẅie aa lejʉ́ŋ Ssé.

Roma 3:30

á nue e Ssé gwɔ́ pɔ́ yémɔ’ɔ́. À líe pà Yuda pie é záb ntʉ́m ná Yěsô, pɔ́ cʉ́’ ńgwɔ́ mvfò yé ńgwɔ́ pɔ́ ndʉŋ ndʉŋ, yé zɔ́ gǐŋ ńdíe pʉ̀a pie é té pà Yuda wɔ́, tá mbà pɔ́ zǎb ntʉ́m ná Yěsô, pɔ́ cʉ́’ ńgwɔ́ mvfò yé ńgwɔ́ pɔ́ ndʉŋ ndʉŋ.

1 Korento 4:4

Áa nénʉ́ ngie mbùm yɔ̀ɔn tè ne ńcúa wɔ̀ɔn nà tsɔ́ nò wɔ́. Tá mèŋ n tě ńdɔgɔ ńgɔɔn ngie atsɔ́ *lɔ̌’ té ná fà’ gie mèŋ n gÿo wɔ́ wɔ́. Cʉ̀apʉ̀a zɔ nyìŋ gẅie à gẅiin létsa’a fà’ yɔ́ɔn.

Galatia 2:16

Tá’ peg ké ně ńzsé ngie nyìŋ mésoŋ tè gwaa gwɔ́ nyìŋ gẅie e Ssé cʉ̌’ ńdíe yé pɔ́ pá’ nyìŋ gẅie aa ndʉŋ ndʉŋ mvfò yé, á fóo ná pá’ ngàŋ gɔɔn ngie à kú’te *lepʉ̌ Ssé wɔ́. Á zɛ́te pɔ́ ngie à záb ntʉ́m wé ná Yěsô Kristo. Áa mmó gie á la gÿo peg yég la záb ntʉ́m wég ná Yěsô Kristo, pá’ peg ge gwɔ́ pʉ̀a pie e Ssé cʉ’ʉ́ ńdíe wɔ́b pɔ́ pá’ pʉ̀a pie ée ndʉŋ ndʉŋ. À ké fó pɔ́ ná pá’ peg zǎb ntʉ́m ná Kristo, tà á le gwɔ́ pɔ́ nò gie peg ku’té *lepʉ̌ wɔ́, á nue e Ssé la zɔɔn ńgɔɔn ngie sɔɔn nyìŋ té lá’ gwɔ ku’u légwɔ́ ndʉŋ ndʉŋ mvfò yé à fó ná pá’ ngàŋ gɔɔn ngie à ku’té *lepʉ̌ wɔ́.

Galatia 5:4

Pi pie pi ne fa’a légÿo shúm sie *lepʉ̌ ŋwɛ́ ne ńzɛ́te tá lɔg ku’ pʉ̀a pie ée mvfò Ssé ńgwɔ́ ndʉŋ ndʉŋ, pi ee pɛ́’ɛ̀ ńdɔgɔ ńgwɔ́ pʉ̀a pie pi fǎg nnɛ́ ná Kristo. Á gwɔ́ pú’u pi lɔgɔ sɔ́ɔn nò gie e Ssé kɔ’ɔ́ lɔg cÿó gʉm gí cÿó.

Ŋwà’ne Jâg 1:27

Nyìŋ gẅie e Ssé líe yé á gwɔ́ kwà’ ná nò yé Ssé, tà mmó té ná yé zág, aa nyìŋ gẅie à líe púɔ métsé mbɔɔ mepfɔ̌g tsɛ̀ɛ ngɔ́’ yɔb, ńgwɔ́ nyìŋ gẅie à pɔ́ɔn mbùm ye, ḿbɔ́g menò njÿó lécʉŋte yé.

1 Jâŋ 2:29

Pi ne ńzsé ngie Kristo gÿo mmó gie áa ndʉŋ ndʉŋ mvfò Ssé, pú’u la pi gíŋe ńzsé ngie nyìŋ lɔɔn ńgÿo mmó gie áa ndʉŋ ndʉŋ mvfò Ssé, mbà à ge cʉ́’ʉ míŋ Ssé.

1 Jâŋ 3:7

Penkʉ́ pɔ́ɔn, ḿbɔ́ɔn nyìŋ légÿo pi fʉa mánzsè. Nyìŋ lɔɔn ńgÿo mmó gie áa ndʉŋ ndʉŋ mvfò Ssé, mbà ngàŋ lɔgɔ ńgÿo yé pá’ Yěsô Kristo. À gÿo mmó gie áa ndʉŋ ndʉŋ mvfò Ssé.