Roma 2:10 - Nouveau Testament en Ngienboum

¹⁰ Á ké ńgʉa nà nyìŋ gẅie à gÿo nò mbòŋo, e Ssé náa legú’ né ye, ńná mékù’ lé ye, ńgíŋ náa yé mbʉ́lè, ńcʉ́’ʉ lé ná, ńzye nà nyìŋ Yuda ḿbɔ́ɔnte, ńnáa mbwo nyìŋ gẅie à tè nyìŋ Yuda wɔ́,

Roma 2:10 ပူးပေါင်းရင်းမြစ်များ

Matio 10:13

Pʉ̀a pie ee tsɛ̀ɛ yɛ̌ ndá lɔɔn ńkúe gẅí, mbà Ssé ge néŋ mbʉ́lè ná pɔ́b! Tá ńgwɔ́ gie pɔ́ lɔɔn tè gẅi kúe, mbà mbʉ́lè gi ge piŋe ná pi.

Lukase 1:79

ńkyɛ’ pʉ̀a pie é ńnéŋe tsɛ̀ɛ nzěm, legwé piŋ ńne nÿɔgɔ wɔ́b, é tsege wɔ́b ńnéŋe tsɛ̀ɛ sẅétè.

Lukase 12:37

Pàshÿó mbòŋo ée ngàŋa fà’ gie tá fà’ wɔ́b gwaa tó, mbà pɔ́ kaa lyé. Oon, mèŋ shwóŋó gẅí, á gwɔ́ nénʉ́, à ge tém nzsǒ fà’, é tsẅi megàŋa fà’ pé ńnéŋe ssé, à lɔg shúm ńcʉa, ńgab pɔ́ pfɛ́.

Lukase 19:42

ńně ńgɔɔn ngie: Pi pà Yerósalem, pi ee lyɛ̌’ɔɔn, pi tè ne ńzsé mmó gie ńgwɔ́ á náa gẅi mbʉ́lè wɔ́, á ké yɛ̂, mbà á lyěen menÿɔ́g pi lɛ.

Lukase 22:14

Afʉ̀’ gÿo ńku’, Yěsô pâ ngàŋ ntúm wé tó ńnéŋe ssé,

Lukase 9:48

ńgɔɔn mbwo *ngàŋa kwò yé ngie: Nyìŋ lɔg lezíŋ sɔ́ɔn, ńkúe mûɔ mémúɔ wɔɔn, mbà ngàŋ kúe pɔ́ wɔ̀ɔn. Nyìŋ piŋ ńkúe wɔ̀ɔn, mbà à tě ńkúe pɔ́ wɔ̀ɔn ndà’ wɔ́, à kúe pɔ́ nyìŋ gẅie à la túmo wɔ̀ɔn. Pi zsé mboŋó ngie nyìŋ gẅie aa tsetsɛ̀ɛ pi à tè nyɛ nnɛ́ wɔ́ zɔɔ kwà’ ndÿò

Ŋwà’ne Jâŋ 12:26

Nyìŋ lɔɔn ne fa’a mbwo mèŋ, á cʉ́me nzèm mèŋ. Àjʉ’ gie mèŋ n gee wó la, ngàŋa fà’ wɔ̀ɔn gÿo ńgwɔ́ yé wó. Nyìŋ lɔɔn ne fa’a mbwo mèŋ, mbà Tá wɔ̀ɔn ge gÿo ná mekù’ mé.

Ŋwà’ne Jâŋ 14:27

Tà pi cʉ́’ nzèm ntʉ́m gẅi gíŋe ḿvɛ, tà pi cÿɔ’. Mèŋ n ge néŋ mbʉ́lè tsɛ̀ɛ ntʉ́m gẅí, e gwɔ́ mbʉ́lè gie e fóo ná mèŋ, e tè gie mé fa’a tsɛ̀ɛ yɔɔn njyó wɔ́.

Ŋwà’ne Jâŋ 16:33

Mèŋ n tʉ́ njÿó shwóŋó gẅi mɔɔn menò légwɔ́ gie pi ge la nnɛ́ ná mèŋ, mbʉ́lè gwɔ́ ntʉ́m pi. Pi ge gÿo gyá ngɔ́’ tsɛ̀ɛ njÿó, tá’ tà pi cÿɔ’. N kéen ńcʉa njÿó.

Megàŋ ntúm 10:35

Nyìŋ lɔɔn ńgÿo mekù’ Ssé, ńgíŋ ńgÿo mmó gie e Ssé ne ńkwoŋo, ńgwɔ́ pɔ́ nyìŋ yɛ̌ lá’ gwɔ́, mbà nò yé ge poŋ Ssé poŋ.

Roma 14:17

Á zɔɔn ńgwaa gwɔ́, anò *lefùɔ Ssé té nò shúm léjÿó kà nò melù’ wɔ́ wɔ́. Anò *lefùɔ Ssé á gwɔ́ pɔ́ légÿo menò mie é fóo mbwo Zẅìge Ndʉalʉ̌a. Á gwɔ́ pɔ́ légÿo menò mie ée ndʉŋ ndʉŋ mvfò Ssé, ńgwɔ́ léńnéŋe lê sẅéte, ńgwɔ́ léńnéŋe nê lekág.

Roma 15:13

Pú’u, mèŋ n ne ńtsɔ́ɔn ngie e Ssé gẅie yé zɔ gÿo tá mé ńnéŋe ne ńzẅí’te mmó, à cʉa ná pá’ pi záb ntʉ́m ná yé, ńgÿo lekág pɔ́ sẅéte à pú ńjÿó ntʉ́m gẅí, ńzsé ngie Zẅìge Ndʉalʉ̌a ge lɔg metʉ̀ mé é gÿo pi gwɔ́ kwà’ pà ńnéŋe ńzẅí’te mmó gie Ssé la ká’.

Roma 2:7

é náa le gwɔ́ tèmì mbwo pʉ̀a pie pɔ́ la lɔgɔ légÿo nò mbòŋo té kʉ́a, ńně ńtsɔ́ɔn ngie e Ssé zɔ náa wɔ́b legú’, ńnáa wɔ́b mékù’, ńgÿo pɔ́ gwɔ́ tsɛ̀ɛ le gwɔ́ gẅie mé te gíŋe kwé mǒ wɔ́.

Roma 2:9

Ngʉ̀ngʉ̀ ge lá’ kúu wɔ̌wɔ́ɔ nyìŋ mésoŋ wɔ́ gẅie à gÿo nò tepòŋ tà à tswág tsɔ̌. Pú’u é zye nà nyìŋ Yuda é pɔ́ɔnté kúu nà nyìŋ gẅie à tè nyìŋ Yuda wɔ́.

Roma 5:1

Pá’ à la cʉa nà lezǎb ntʉ́m nà Yěsô Kristo, e Ssé cʉ́’ ńdíe wégè pege gwɔ́ pɔ́ ndʉŋ ndʉŋ mvfò yé la, pega Ssé ee fʉ̀’ɔɔn ńnéŋe mboŋó, ńzẅɛ́’ɛ Cʉ̀apʉ̀a wege Yěsô Kristo.

Roma 8:6

Nyìŋ lɔg pɔ́ ntí gie mbùm ye ne shwóŋó yé ńdɔg ńnéŋe, mbà ngàŋ aa ná mánzsè legwé. Tá nyìŋ gẅie à lɔg ntí gie Zẅìge Ndʉalʉ̌a ne shwóŋó yé ńdɔg ńnéŋe, mbà ngàŋ aa ná mánzsè le gwɔ́, à gǐŋ ńgwɔ́ mánzsè mbʉ́lè.

Roma 9:21

Ambwòon tsǎ’a, à píi tsǎ’ ńdɔg ḿbwóon mmó nà ntí gie à kwǒŋ. À lɔg pɔ́ tà’a tsǎ’ ḿbwóon sɔ́’ gẅie nzẅìŋ ée mǒ, ńgíŋ ńdɔg pɔ́ yɛ̌ ḿbwóon gẅie nzẅìŋ ku’ ku’.

Roma 9:23

Tá e Ssé lɔ̌ɔn ńgíŋe ńkwoŋo lényɛ nzẅìŋ fù’ gie áa tsɛ̀ɛ legú’ we, ńgwɔ́ gie à náa mbwo pʉ̀a pie à tsɔ̌ɔn mezìŋe mɔ́b, é pʉ̀a pie à la lá’ ntʉ́ njÿó ńcwoŋo wɔ́b ńtÿɔ́g, á légẅiin legú’ we ŋwɛ́.

Galatia 5:22

Tá’, menò mbòŋo mie Zẅìge Ndʉalʉ̌a gÿo nyìŋ gÿo é mɔɔn ńgwɔ́ légẅiin nkwòŋe, ńgwɔ́ léńnéŋe nê lekág, ńgwɔ́ léńnéŋe lésẅete, ńgwɔ́ légẅiin kwɔ́gɔ nnɛ́, ńgwɔ́ létyé lékẅéte pʉ̀a, ńgwɔ́ légẅiin pòŋo ntʉ́m, ńgwɔ́ léńnéŋe té gwɔ́ ngàŋ mepàb,

Galatia 5:6

Á nue nyìŋ lɔɔn ńda nnɛ́ ná Kristo, mbà mé lépú’u yé kà lényé té pú’u yé wɔ́, á té tsɔ́ nò wɔ́. Lezǎb ntʉ́m ná Kristo ḿbiŋ ńkwoŋ pʉ̀a mesoŋ zɔɔ nò.

Filipo 4:7

Pi ge gÿo pú’u, e Ssé náa sẅétè gie nyìŋ mesoŋ tè zsé pá’ á gwɔ́ wɔ́ né pi. Yɛ̌ sẅétè pyɛ́bte mentʉ́m mí, nê nkwaŋá gẅí, ńgÿo é tyé pɔ́ ná Yěsô Kristo.

1 Timote 1:17

Mekù’ lâ gù’te é lá’a ńgwɔ́ mengù’u mengù’, ńgwɔ́ pɔ́ mbwo fùɔ gẅie à ge lá’a gwɔ́ pɔ́ wó. Yé gẅie aa ndá’ Ssé, ńgwɔ́ tèkwé, ńgwɔ́ gẅie mé té gyá yé nê lejÿɔ́g wɔ́. *Amen.

Heber 2:7

Ɔ̀ la gʉa ná pá’ *mecÿɔ́’ Ssé gwɔ́, ésẅé’e yé ńnáa ssé pɔ́ méjʉ’ ńcÿó gʉm yé, ńtɔ’ɔ cÿɔ́’ɔ lefùɔ twó yé, á gie á gÿo á gẅiin legú’.

Ŋwà’ne Jâg 2:22

Ɔ̀ lɔgɔ ńgyá ngie we lezáb ntʉ́m nà Ssé pâ mefà’ mé la púte ńgiŋe kwò. Á la fó nà mefà’ mé we lezáb ntʉ́m nà Ssé gwɔ́ wó tà ńku’.

Ŋwà’ne Jâg 3:13

Nyìŋ lɔɔn ńgwɔ́ tsetsɛ̀ɛ pi, ńne ńkwaŋa ngie à gẅiin zse nò, ḿbiŋ ńgẅiin legyè, á lɔgɔ tsẅé mbòŋo yé ńnyɛ, ńgíŋ ńdɔg mefà’ mie é nyɛɛ ngie aa nyìŋ mbʉ́le pʉlé ńgwɔ́ nzsè nò, ńnyɛ.

1 Piɛ 1:7

Ngʉ̀ngʉ̀ kúu gẅi légwɔ́ gie mé ge gyá ngie pi kwa’ ńzáb ntʉ́m nà Ssé. Tʉ̌ gɔ̂l gie á té ge lá’a gwɔ́ pɔ́ wó wɔ́, mé cʉ́’ʉ lézẅí’, ńtuɔ mmɔ̌g, ncÿǒ kẅɛɛ mǒ. Áa ndʉŋ ndʉŋ pá’ gẅi lézáb ntʉ́m nà Ssé gẅie aa mmó tʉ̀ nzẅìŋ ńcʉa tʉ̌ gɔ̂l, ge cʉa pɔ́ ná pá’ ngʉ̀ngʉ̀ mentí mentí gie e ne ńkúu gẅí, e ge ne zẅí’i gẅi yé, tá nyɛ ngie à tʉte. À lêen ńké ńcʉa pú’u, pi lá’a lyɛ̌’ gie Yěsô Kristo tǒ, mé ná ngɔ́ɔnte gi, ńnéŋe gẅi tsɛ̀ɛ legú’, ńgÿo mekù’ mí.

1 Piɛ 5:4

Pi lɔɔn ńgÿo pú’u, mbà á ge lá’a lyɛ̌’ gie mbyɛ̀b mvfó we lÿò tǒ, à tɔ’ ngú’ twó pi, é gie nzẅìŋ we téen ńdá’a ḿmaga wɔ́.