Roma 16:3 - Nouveau Testament en Ngienboum

³ Pi tsyɛ’te Piriska pɔ́ Akilas ńná né mèŋ, ée pʉ̀a pie pega pɔ́ pǔ fa’a fà’a Yěsô Kristo.

Roma 16:3 ပူးပေါင်းရင်းမြစ်များ

Megàŋ ntúm 18:26

Á gɔɔn nò Ssé *ndá cú’tè pà Yuda, éshʉa shʉ̌a. Piriska pɔ́ Akilas jú’u shwóŋè yé ńdɔgɔ yé ńgʉa, ńnyɛte ńda’te yé nò ńnáa ná mánzsè Cʉ̀apʉ̀a.

Roma 16:10

Pi tsyɛ’te Apelès, à ka nyɛ̌ ngie àa kwà’ nyìŋ Kristo. Pi tsyɛ’te pʉ̀a ndá Aristobul.

Roma 16:4

Á ka cʉ́’ʉ méjʉ’ pɔ́ kwé nà twó yɔɔn. Mèŋ zɔ tè ndà’ nyìŋ gẅie yɔɔn nò ńnéŋe ḿboŋo yé wɔ́. Á gíŋe ḿboŋ mbɔɔ mecú’tè pʉ̀a Kristo mie ée tsɛ̀ɛ melá’ mie é té me pà Yuda wɔ́.

Roma 16:7

Pi tsyɛ’te Andelonikus pɔ́ Zunias. Pega pɔ́ pǔ ńgwɔ́ pà Yuda, mbà pega pɔ́ ka pǔ ńgwɔ́ ndá tsǎŋ. Pɔ́ ée tsetsɛ̀ɛ megàŋ ntúm mé kwoŋo nò yɔ́b tɛ’. Pɔ́ la zɔɔn ḿvɔg ńgwɔ́ pʉ̀a Kristo tá mèŋ n gÿo ńgwɔ́ yɔ́ɔn.

Roma 16:9

Pi tsyɛ’te Wirbiŋ, pega pɔ́ zɔ pǔ fa’a fà’a Kristo, ńtsyɛ’te mbɔɔ fɛ́ wɔ̀ɔn we ntʉ̀ nzẅìŋ Stakis.

Roma 8:1

Á lɔgɔ ńgwɔ́ ngie pʉ̀a pie é la nnɛ́ ná Yěsô kristo, é té ge lá’ gíŋe gwe ntsaŋ wɔ́,

Roma 8:11

À lɔɔn ńgwɔ́ gie Zẅìge Ssé gẅie à la zíme Yěsô ná legwé áa ná pi, mbà yé nyìŋ gẅie à la zíme Kristo ná legwé, ge gÿo gÿo mbùm gi gie ee ńkwé e lɔgɔ Zẅìge yé gie áa ná pi ńgwɔ́ yé wó.

Roma 8:2

mélà’mie nyìŋ zɔɔn ńgwɔ́ tà ńda nnɛ́ ná Yěsô Kristo *lepʉ̌ sie é cʉ́’ʉ sá’a yé gwɔ́ pɔ́ se Zẅìge Ndʉalʉ̌a gie á gÿo mé gwɔ́ wó. Sɛ̌ *lepʉ̌ léen ńkẅé wɔ̀ɔn mbwo *lepʉ̌ sie ée se nò tepòŋ, ńgwɔ́ sie é gÿo mé kwé.

1 Korento 16:16

Pi jú’ ncwò pʉ̀a pá’ pɔ́b, mbɔɔ we pʉ̀a pie pâ pɔ́ pú ńtéŋe zì’i.

1 Korento 16:19

Mecú’tè pʉ̀a Kristo mie ée nà shÿó Azia é tsyɛ’té gẅí. Akilas pɔ́ Piriska mbɔɔ cú’tè pʉ̀a Kristo gie á jÿó ndá pɔ́b pɔ́ lɔ̌g lezíŋ Cʉ̀apʉ̀a ńtsyɛ’te gẅi tɛ’.

2 Korento 12:2

Mèŋ n ne ńzsé tsɔ̌ nyìŋ gẅie à la la nnɛ́ ná Kristo, ée fʉ̀’ɔɔn ńgwɔ́ ngù’ ntsɔ̀b lekùɔ nê legém pá’ e Ssé la kaa yé ńdɔg ńkwɔ́’ kwɔ́’ tà ńkúu tàa tÿǒ lépwó Kà á laa pú’u, kwà’ yé zɔ̌ gʉa wó wɔ́, mbà mèŋ n kaa zsé, kà à la lyé pɔ́ njÿòon wɔ́, mbà mèŋ n kaa zsé. E Ssé zɔ ne ńzsé.

2 Korento 5:17

Nyìŋ gwɔ̌ tá ńda nnɛ́ ná Kristo, ńcʉ́’ ńgwɔ́ pɔ́ nyìŋ we sẅé, ńgwɔ́ tsɛ̀ɛ ntʉ́m yé à tè gíŋe ńgwɔ́ pá’ à ka zɔɔn ńgwɔ́ wɔ́, mbà à zyě léńnéŋe we sẅé.

Galatia 1:22

ńgwɔ ne gwaa giŋe fa’a pú’u, mbà pʉ̀a Kristo pie ée Jẅidea laa zí shÿó wɔ̀ɔn gyá.

Filipo 2:25

Mèŋ n ka kě ńgyá ngie á poŋ, n gÿo fɛ́ wege Epafolodite piŋ nzèm, ńtsɛ́ɛ gẅí. Á yé gẅie pi ka túmo yé á tó ńná shúm sie é ka ne ńzága mbwo mèŋ lá. Àa nyìŋ gẅie peg yé lǎ zye fà’, ńzye ńdÿɔ́’ ncù ná nò Yěsô Kristo.

Kolosia 4:11

Yěsô gẅie mé gíŋe ńtóŋo yé lê Jẅistẅis tsyɛ’té gẅi yé. Á gʉa tsetsɛ̀ɛ pà Yuda pie é ka zẅíŋe nò Kristo, ée ndà’ wɔ́b pɔɔn métá pie pega pɔ̌ ee jʉ’ɔɔn, éfa’a ńtí nò *lefùɔ Ssé. Pɔ́ zɔ̌ ka ne ńnéŋe ntʉ́m wɔ̀ɔn.

2 Timote 4:19

Tsyɛ’te Piriska pɔ́ Akilas ńná né mèŋ. Tsyɛ’te mbɔɔ pʉ̀a Onésifor.