Roma 16:2 - Nouveau Testament en Ngienboum

² Pi lɔg lezíŋ Cʉ̀apʉ̀a ńkúe yé nà ntí gie pʉ̀a Kristo gẅiin lékúe nyìŋ pú’u. Pi tyé pá’ yɛ̌ nò wɔ́ lɔɔn ńcʉa yé, tà á ga’te mbwo pi, pi kẅéte yé mǒ. Kwà’ yé léen ńkẅéte pʉ̀a tɛ’, ńgíŋ ńkẅéte wɔ̀ɔn yɔ́ɔn.

Roma 16:2 ပူးပေါင်းရင်းမြစ်များ

Matio 25:40

Àfùɔ tsɔ́’ɔ mbwó pɔ́b ngie: Mèŋ shwóŋó gẅí, kwà’ nénʉ́, mbàa yɛ̌ fʉ̀’ wɔ́ gie pi la gÿo mɔɔn menò, ná wɛ̌ mûɔ ményìŋ gẅie aa fɛ́ wɔ̀ɔn mɔ́, mbà pi lɔ̌ɔn ńgÿo pɔ́ ná mèŋ.

Megàŋ ntúm 9:13

Ananias tsɔ́’ ngie: Cʉ̀apʉ̀a, mèŋ n zyě ńjú’ pʉ̀a tà ńgyɔ́ɔn kíme nyìŋ gẅie ɔ̀ gɔɔn yé lɛ. Mèŋ m bǔ ńzsé nò tepoŋ gie à ka gÿǒ nà pʉ̀a pú, á Yerósalem.

Megàŋ ntúm 9:15

Tá’ Cʉ̀apʉ̀a gɔɔn mbwó Ananias pɔ́ ngie: Gʉ̌a ńgyá nyìŋ ŋwɛ́ gyǎ, ńtí nue aa mbwo mèŋ ńgwɔ́ kwà’ mmó fà’. À ge gÿo pʉ̀a pie pɔ́ té pà Israel wɔ́ pɔ́ zsé wɔ̀ɔn, mbɔɔ mefùɔ, tà mbɔɔ púɔ Israel.

Megàŋ ntúm 9:36

Atsɔ̌ mánzwě gwɔ́ Jope, lezíŋ sé gwɔ́ lé Tapita, ńdɔgɔ ńgɔɔn ngie nɔ̀ɔn ngáb. Á gwɔ́, mbà à la zẅíŋe nò Yěsô, ńgwɔ́ fʉ̀’ ntsèm ńgÿo pɔ́ nò mbòŋo, ḿbiŋe ńkẅéte pàte mmó.

Megàŋ ntúm 9:39

Piɛ lêen ńjú’, pâ pɔ̌ cʉ́me mánzsè té láte, ńgʉa tà ńkúu wó, mé lɔgɔ yé ńgʉa tsɛ̀ɛ lûm ndá gẅie aa ná ndêg we tÿǒ. Á kúu tsoló, mepfɔ̌g pànzwě metsèm tó ńcú’te lejʉ́ŋ yé, ńne ńdʉa, ńne ḿma’a mezìŋe ńnyɛɛ yé menzsǒ mie Tapita ka nyé ntentʉ́, ńtém ńná lé pɔ́b.

Megàŋ ntúm 9:41

Piɛ kíbe pwó yé, ńgÿo á lu ssé. Á leen ńké ńtóŋ pʉ̀a Kristo lâ mepfɔ̌g, ńnyɛɛ Tapita mbwo pɔ́b, á gwɔ́ ntentʉ́.

Roma 15:7

Pú’u la, wɔ̌wɔ́ɔ tsetsɛ̀ɛ pi wɔ́ zẅíŋ petsɔ́ pʉ̀a lejʉ́ŋ yé, ndʉŋ ndʉŋ pá’ Kristo la zẅíŋe gẅi lejʉ́ŋ yé, pi gÿo pú’u, epʉ̀a gyá ńgu’te Ssé.

Roma 16:15

Pi tsyɛ’te Filolog, lê Zulius, lê Neré tà mbɔɔ fɛ́ we wé manzwě, ńgÿo Olimpas, tà mbɔɔ pʉ̀a Kristo metsèm pie pâ pɔ́ gwɔ́.

Roma 16:23

Gaẅis gẅie à kúe wɔ̀ɔn, à tsyɛ’té gẅí, àcú’tè pʉ̀a Kristo áa ndá yé. Eraste, gẅie aa tÿǒsoŋ ńgwɔ́ ndè’e nkáb, mbɔɔ fɛ́ wege Kartẅis pɔ́ pǔ ńtsyɛ’te gẅí. [

Roma 16:6

Pi tsyɛ’te Malîɛ. À ka téŋe zì’i tɛ’ ńtí gẅí.

Roma 16:9

Pi tsyɛ’te Wirbiŋ, pega pɔ́ zɔ pǔ fa’a fà’a Kristo, ńtsyɛ’te mbɔɔ fɛ́ wɔ̀ɔn we ntʉ̀ nzẅìŋ Stakis.

Efeso 5:3

Pá’ pi ee fʉ̀’ɔɔn ńgwɔ́ pʉ̀a Ssé la, tsɔ́ shúm ée sie á té zɛ́te ngie nyìŋ gẅi gÿo wɔ́, ńgíŋ tè zɛ́te ngie me zɔɔn ńkím mbàa kǐm tsetsɛ̀ɛ pi wɔ́, mé gɔɔn nò pá’ mbàŋa létóŋ pànzwě, épànzwě léfa’ mbàŋa, á mmó pá’ menò ncÿǒ mbɔɔ nò kègɔ́’.

Filipo 1:27

Ammó lÿò gie pi kě ńgẅiin légÿo á gwɔ́ pɔ́ ngie, pi ké ńne ńgiŋe pɔ́ ná mà we pʉ̀a pie é jú’u nkʉ̀ mbòŋo Yěsô Kristo. Á nà ntí gie n dɔɔn ńtó gyá gẅi lo, éfó tè tó lo, n ké ne ńjú’u pɔ́ pá’ mé gɔɔn ngie pi nyě ńgẅiin pɔ́ tà’ ncwò, ńne ńdɔgɔ pɔ́ tà’ ntʉ́m ńdÿɔ́’ɔ, légwɔ́ gie pi ge pɔ́ɔnte nò gie pi la zẅíŋ, á gwɔ́ nò nénʉ́ gie á fóo ná nkʉ̀ mbòŋo.

Filipo 2:29

Pú’u la, pi kúe yé lê kwà’ lekág, ńzsé ngie aa fɛ́ gẅi nzèm Cʉ̀apʉ̀a. Pi gÿo mekù’ ntí pʉ̀a pá’ pɔ́b lɛ,

Kolosia 4:10

Alistag gẅie peg yé pǔ ńgwɔ́ ndá tsǎŋ, à tsyɛ’té gẅí. Malékuse gẅie aa míŋ fɛ́ Panebâse giŋé ńtsyɛ’te gẅi yé. Mèŋ n ka zɔɔn ńkíme yé mbwo pi. À lɔɔn ńkúu jʉ’ɛ, pi kúe yé mboŋó.

1 Timote 2:10

Á zɛ́te ngie pɔ́ lɔg pɔ́ mà wɔ́b ńnyɛ ngie pɔ́ ée pànzwě pie é sí. Áa pá’ pànzwě pie é gÿo mmó gie á poŋ Ssé gẅiin légÿo.

2 Timote 1:18

Mèŋ n ne sẅíŋte ngie Cʉ̀apʉ̀a lá’a lyɛ’ɛ́ létsɔ́’te ntsaŋ ńgÿo nò mbòŋo ná ye. Kwà’ gù ne ńzsé pá’ n da nyé Efeso á kẅéte wɔ̀ɔn pú’u.

Titus 2:3

Á gíŋ ńgwɔ́ pɔ́ ndʉŋ ndʉŋ pá’ ɔ̀ ge gɔɔn lé pànzwě pie é zẅǐŋ ngie pɔ́ gẅiin mà gẅie à poŋ Ssé, ngie tà pɔ́ shwóŋte nà mezíŋ pʉ̀a, ńgie tà pɔ́ ma’ mbùm yɔb nà melù’. Á zɛ́te ngie pɔ́ nyɛɛ mà mbòŋo,

Filemo 1:12

N tumó yé ngie à piŋ nzèm ńtsɛ́ɛ gú. Aa pɛ́’ɛ̀ ńgwɔ́ tʉ́m yɔ́ɔn.

Filemo 1:17

Á lɔɔn ńgwɔ́ gie ɔ̀ zsě ngie pɔgɔ ee nà tà’a nò, ɔ̀ kúe yé pá’ á ké ńgwé’e ńgwɔ́ wɔ̀ɔn, mbà ɔ̀ kúe wɔ̀ɔn pú’u,

2 Jâŋ 1:10

Nyìŋ lɔɔn ńdɔgɔ tsɔ́ nò ńtóo tsetsɛ̀ɛ pi, tà á té gwɔ́ pɔ́ gie Kristo la zí’i gẅi wɔ́, tà pi kúe yé, tà pi fó ńtsyɛ’te yé mbɔɔ tsyɛ’te.