Roma 15:7 - Nouveau Testament en Ngienboum

⁷ Pú’u la, wɔ̌wɔ́ɔ tsetsɛ̀ɛ pi wɔ́ zẅíŋ petsɔ́ pʉ̀a lejʉ́ŋ yé, ndʉŋ ndʉŋ pá’ Kristo la zẅíŋe gẅi lejʉ́ŋ yé, pi gÿo pú’u, epʉ̀a gyá ńgu’te Ssé.

Roma 15:7 ပူးပေါင်းရင်းမြစ်များ

Matio 10:40

Nyìŋ lɔɔn ńkúe gẅí, mbà à kúe pɔ́ wɔ̀ɔn, nyìŋ piŋ ńkúe wɔ̀ɔn, mbà à kúe pɔ́ nyìŋ gẅie à la túmo wɔ̀ɔn

Malékuse 9:37

Nyìŋ lɔg lezíŋ sɔ́ɔn, ńkúe mûɔ memûɔ pá’ wɔɔn lɔɔn, mbà ngàŋ kúe pɔ́ wɔ̀ɔn. Nyìŋ piŋ ńkúe wɔ̀ɔn, mbà ngàŋ tě ńkúe pɔ́ ndà’ wɔ̀ɔn mɔ́, à kúe pɔ́ nyìŋ gẅie à la túmo wɔ̀ɔn.

Lukase 15:2

Pà *farisay pâ *pàkyàgte lepʉ̌ Mǒsê gyá pú’u, ńné ńzẅɛte tsetsɛ̀ɛ pɔ́b ńgɔɔn ngie: Nyìŋ wɛ ne ńkúe pʉ̀a tepòŋ tà pâ pɔ̌ teme shúm ńjÿó.

Lukase 9:48

ńgɔɔn mbwo *ngàŋa kwò yé ngie: Nyìŋ lɔg lezíŋ sɔ́ɔn, ńkúe mûɔ mémúɔ wɔɔn, mbà ngàŋ kúe pɔ́ wɔ̀ɔn. Nyìŋ piŋ ńkúe wɔ̀ɔn, mbà à tě ńkúe pɔ́ wɔ̀ɔn ndà’ wɔ́, à kúe pɔ́ nyìŋ gẅie à la túmo wɔ̀ɔn. Pi zsé mboŋó ngie nyìŋ gẅie aa tsetsɛ̀ɛ pi à tè nyɛ nnɛ́ wɔ́ zɔɔ kwà’ ndÿò

Ŋwà’ne Jâŋ 13:34

Mèŋ n ge ná *lepʉ̌ se sẅé né pi, e gwɔ́ ngie: Pi kwoŋe pi né pi. Pá’ mèŋ n da kwoŋo gẅi lá, pi gí kwoŋe pi né pi.

Ŋwà’ne Jâŋ 6:37

Awɔ̌wɔ́ɔ gẅie Tá wɔ̀ɔn nǎ mbwo mèŋ wɔ́, à ge tó tsɛ́ɛ wɔ̀ɔn. M biŋ ńké le lá’a tsɔ́ lyɛ̌’ ńkẅile nyìŋ gẅie à tǒ ńtsɛ́ɛ wɔ̀ɔn, ńnáa pǐ wɔ́.

Roma 15:9

Kristo lɔ̌ɔn ńgíŋe ńtóo légwɔ́ gie epʉ̀a pie é té pà Yuda wɔ́ ge gu’te Ssé é tíi pòŋo ntʉ́m yé ná pɔ́b. Á zɔɔn ńgwaa gwɔ́ ŋwà’ne Ssé gɔɔn ngie: Áa mmó gie á ge gÿo mèŋ n tyé tsetsɛ̀ɛ pʉ̀a pie é té pà Yuda wɔ́ ńgu’te gú MÀbiŋ ńzɔb ńgu’te lezíŋ shú.

Roma 5:2

Yé Yěsô zɔ la tsɔ́’ɔ mánzsè tá Ssé cÿó gem yégè pá’ɔɔn, ta à cʉ̌’ ńgwaa ńgwɔ́ pɔ́ né pégè pú’u éfó nà pá’ pege zǎb ntʉ́m ná yé Yěsô. Pege ee pá’ɔɔn lékag gwɔ́ ntʉ́m pege tɛ’, á nue pege neŋé ne ńzẅí’te pá’ Ssé ge gÿo gab shúm sie ée nà legú’ we, é ná ségè.

Efeso 1:12

À lɔ̌ɔn ńtsɔ́’ɔ wégè pú’u, le gwɔ́ gie peg pie peg ka vɔgɔ lézáb ntʉ́m nà Kristo, peg ge gu’te yé Ssé á nue à gú’ tɛ’.

Efeso 1:18

Mèŋ n giŋé ne sẅíŋte yé, ngie à gÿo ntʉ́m gẅi zsé kyɛ̀’ yé légwɔ́ gie pi ge cwoŋo zsé mmó gie à lɔ̌ɔn ńtóŋo gẅi ńtí yɛ̌. Mbɔɔ pá’ pi ge zsé máamaa fù’u mbòŋo gie pia petsɔ́ pʉ̀a pie à la tsɔ́’ɔ wɔ́b ge gÿo kẅé, á gwɔ́ mmó gie à la cwoŋte ńzáb né pi.

Kolosia 3:13

Pi gẅiin shÿɔ̀gɔ ntʉ́m tsetsɛ̀ɛ pi, nyìŋ gẅi fʉa nò pi lege ńnáa mbwo ye, ńdege mefʉa mí tsetsɛ̀ɛ pi né pi, pá’ Cʉ̀apʉ̀a wege la lege mefʉa mí gí la.