Roma 15:3 - Nouveau Testament en Ngienboum

³ Kristo la zɔɔn tè fa’ pɔ́ mmó gie á poŋ pɔ́ ndà’ yé wɔ́. Tà ńcʉ́’ pú’u, mbà à la zẅíŋe mmó gie mé gɔɔn tsɛ̀ɛ ŋwà’ne Ssé ngie: «Nzòon pà zoonte gú la gwe twó mèŋ».

Roma 15:3 ပူးပေါင်းရင်းမြစ်များ

Matio 10:25

Mé lɔɔn ḿvɔg ńtóŋo ngàŋ ndá ngie: Bɛlzebùl, mbà mé ge kúu nà pʉ̀a ndá pé, tá nyé té tóŋo wɔ́b pú’u, keen? Á lɔɔn ńgwɔ́ gie kɔ́ la gÿo tsítsà wɔ́, mbà yɛ̌ mmó ge lá’ gÿo nyìŋ gẅie à ne ńzí’i nò yé, ńgwɔ́ gie kɔ́ la gÿo tá pà nkwɔɔn wɔ́, mbà yɛ̌ mmó ge gíŋe lá’ gÿo nkwɔɔn yé.

Matio 26:39

ńgɔɔn pú’u, ńná’a ńgʉa mvfò, e sẅɛ’ nuŋe ssé, ésɔb shÿó wé ssé, ńne sẅíŋte Ssé ńgɔɔn ngie: Tá wɔ̀ɔn, á lɔɔn ńgwɔ́ gie ńgwɔ́ á gwɔ́ pú’u, ɔ̀ gÿo yɔɔn ntú’ ngʉ̀ngʉ̀ fó lejʉ́ŋ mèŋ ńtsíŋte! Tá’, tè gÿo wɔ̀ɔn lekwoŋ, gÿo pɔ́ gù lekwoŋ.

Matio 26:42

Yěsô gíŋe fó lejʉ́ŋ pɔ́b ńgʉa nà mbɔ́ɔntè yépʉ́a, ésẅíŋte Ssé ńgɔɔn ngie: Tɔ́ɔnme, á lɔɔn ńgwɔ́ gie tsɔ̌ légÿo tà sẅɛ’te yɔɔn ntú’ lejʉ́ŋ mèŋ à tè gwɔ́ wɔ́, ńke ńgwɔ́ gie mèŋ n ké ńnú nú, ɔ̀ gÿo pá’ ɔ̀ kwǒŋ,

Matio 27:44

Tà mbɔɔ metsǒŋ pie mé la kime wɔ́b nà metÿǒ nkǐ á lejʉ́ŋ Yěsô gíŋe ne ńzoonte yé yɔ́b pɔ́ pú’u.

Ŋwà’ne Jâŋ 15:10

Pi lɔɔn ńkú’te mbʉ̌ mɔ́ɔn, mbà mèŋ n ge ne kwoŋo gẅi kwoŋ. Ndʉŋ ndʉŋ pá’ mèŋ n da kú’te mbʉ̌ Tá wɔ̀ɔn á piŋ ne ńkwoŋo wɔ̀ɔn kwoŋ.

Ŋwà’ne Jâŋ 15:24

Mèŋ n daa pé’e ńké tè gÿo mefà’ mie tsɔ̌ nyìŋ laa zɔɔn ńgÿo tsetsɛ̀ɛ pɔ́b wɔ́ wɔ́, mbà pɔ́ té menò tepòŋ gẅiin. Tá á nà fʉ̀’ɔɔn gie pɔ́ gyá la, pɔ́ ké ńgíŋe ńně ḿbʉa wɔ̀ɔn pʉa mbɔɔ Tá wɔ̀ɔn.

Ŋwà’ne Jâŋ 4:34

Yěsô gɔɔn mbwo pɔ́b ngie: Ayɔ́ɔn mmó léjÿó gwɔ́ pɔ́ légÿo mmó gie nyìŋ gẅie à ka túmo wɔ̀ɔn à ne ńkwoŋo, mbɔɔ lémege fà’ gie à ka nǎ né mèŋ.

Ŋwà’ne Jâŋ 5:30

Mèŋ n tè zá’ ntsaŋ nyìŋ té píge Ssé wɔ́. E yɔ̀ɔn ntí leŋag, é gwɔ́ nénʉ́, mélà’mie mèŋ n tè ne fa’a pɔ́ légÿo mmó gie mèŋ n zɔ kwoŋo wɔ́, n gÿo yɔ́ɔn pɔ́ mmó gie Nyìŋ gẅie à la túmo wɔ̀ɔn ne ńkwoŋo.

Ŋwà’ne Jâŋ 6:38

Á nue mèŋ n da tè fó tÿǒ lepwó ńtó pɔ́ légÿo yɔ́ɔn mmó gie mèŋ n kwǒŋ wɔ́, n da tó légÿo mmó gie nyìŋ gẅie à la túmo wɔ̀ɔn à ne ńkwoŋo.

Ŋwà’ne Jâŋ 8:29

Nyìŋ gẅie à la túmo wɔ̀ɔn, peg yé zɔ gwɔ̌, à kaa nyé wɔ̀ɔn gílé mèŋ wɔ́, mélà’mie mèŋ n gee fʉ̀’ʉ kɔ́ wɔ́, ńgÿo pɔ́ mmó gie á poŋo yé.

2 Korento 8:9

Pi zɔɔn ne ńzsé mmó gie Cʉ̀apʉ̀a Yěsô Kristo la lɔg pɔ́ ntʉ́m mbòŋo ńná. À la gẅiin shúm ntsèm, tá’, ńcʉ́’ʉ mbóŋ ńtí gẅí, pá’ pi ge fó nà póŋ yé, é cʉ́’ pʉ̀a pie e Ssé náa shúm sé né pɔ́b tɛ’.

Filipo 2:5

Pi gẅiin nkwaŋá gẅie Yěsô Kristo la gẅiin.

Filipo 2:8

À la zẅíŋe lésẅí’i mbùm yé ńnáa ssé, ḿbiŋ ńzẅíŋe lé jú’ ncwò Ssé, tà mé kíme yé nà tÿǒ nkǐ, á kwé.