Roma 15:2 - Nouveau Testament en Ngienboum

² Á zɛ́te ngie wɔ̌wɔ́ɔ tsetsɛ̀ɛ pege fa’ pá’ à ge gÿo mmó gie á poŋ petsɔ́ pʉ̀a, pú’u ńdɔgɔ ńtsɔ́ɔn nò mbòŋo ná pɔ́b, é lɔg kẅéte wɔ́b pɔ́ kẅi’i ńzáb ntʉ́m nà Ssé.

Roma 15:2 ပူးပေါင်းရင်းမြစ်များ

Roma 14:19

Pú’u la, pege fa’a mmó gie á ge gÿo pege ńnéŋe ńnéŋe lê sẅéte, ḿbiŋ ńkẅi’i ńtóonte mennɛ́ mégè ná lezáb ntʉ́m nà Ssé.

1 Korento 10:23

Tsɔ́ pʉ̀a ée tsetsɛ̀ɛ pi, ńne ńgɔɔn ngie ńgwɔ́ nyìŋ gÿo kɔ̀ɔkɔ́ɔ wɔ́ té pɔ́g *lepʉ̌. Áa nò tá’, eshúm ntsèm té kẅéte. Áa nò ngie ńgwɔ́ nyìŋ gÿo kɔ̀ɔkɔ́ɔ wɔ́ té pɔ́g *lepʉ̌, tá’ shúm ntsèm sie mé gÿo é té kẅéte pʉ̀a lékẅi’i ńzáb ntʉ́m nà Ssé wɔ́.

1 Korento 10:24

Tà nyìŋ fà’ pɔ́ mmó gie á ge kẅéte pɔ́ twó mbùm yé. Nyìŋ fa’a mmó gie á ge kẅéte fɛ́ we.

1 Korento 10:33

Áa pá’ mèŋ n ne ńgÿo yɔ́ɔn. Mèŋ n ne fa’a shÿó légwɔ gÿo kɔ̀ɔkɔ́ɔ wɔ́, á gwɔ́ gie á ge poŋo mânyìŋ ntsèm. Mèŋ n te fá’ pɔ́ mmó gie á ge kẅéte pɔ́ wɔ̀ɔn mɔ́. Mèŋ fá’ pɔ́ mmó gie á ge kẅéte pʉ̀a tà ńgyɔ́ɔn, ńzsé ngie e Ssé ge gÿo pɔ́ tsẅɛ́.

1 Korento 13:5

à tè gÿo menò shʉ́ wɔ́, à tè kim, à tè lwo ńgyáŋa lóŋ wɔ́, à tè gẅiin nyìŋ lóŋ ye wɔ́,

1 Korento 14:26

Mefɛ́ pɔ́ɔn pá’ áa pá’ɔɔn lɔɔn pege gÿo lêkɔ́? Pi lɔɔn ńgwɔ́ tà ńcú’te nyìŋ gẅi gẅiin zɔ́bɔ ntse á zɔb, nyìŋ gẅiin mmó gie à ge zí’i petsɔ́ pʉ̀a á zí’i, nyìŋ gẅiin mmó gie e Ssé ne ńnyɛɛ yé, á shwóŋ, nyìŋ gẅiin nò gie à ge gɔɔn lê shwóŋè gie mé té ne ńzsé wɔ́ á gɔɔn, nyìŋ gẅiin lékyagte á kyagte. Tá’ á ne ńzɛ́te ngie sɛ̌ shúm ntsèm e kẅéte lélɔg ńgÿo à cú’tè pʉ̀a Kristo ntsèm kẅi’i ńzáb ntʉ́m nà Ssé.

1 Korento 14:3

Tá á gʉa ná nyìŋ gẅie à tsẅii nkʉ̀ gẅie é fóo mbwo Ssé, á gɔɔn nò mbwo pʉ̀a mesoŋ, ńdɔg ńkẅéte wɔ́b pɔ́ kẅi’i ńzáb ntʉ́m nà Ssé, ńdɔg ńkẅiŋte wɔ́b mbɔɔ lélɔg ńnéŋ ntʉ́m wɔ́b.

2 Korento 12:19

Ndyɛ̌’ tsɔ́, mbà pi ně ńdá’ ńzye lékwaŋ ngie peg ne fa’a lézoŋo twó yég mbwo pi. Ngǎŋ á té pú’u wɔ́. Peg gwɔ́ gɔɔn nò, á gwɔ́ pɔ́ nà ntí gie Kristo ne ńkwoŋo, peg piŋ ńtyé pɔ́ mvfò Ssé tá ńgɔɔn. Mefɛ́ pɔ́ɔn pe ntʉ̀ nzẅìŋ, peg gwɔ́ gɔɔn pú’u, á gwɔ́ pɔ́ lélɔg ńgÿo, pi kẅi’i ńzáb ntʉ́m gẅi nà Ssé.

2 Korento 13:9

Pi lɔɔn ńgwɔ́ ná mánzsè Ssé, ńgwɔ́ metʉ̀ pʉ̀a, peg gwɔ́ yég mǒ ńgwɔ́ pɔ́ mepepÿɛ́ɛ pʉ̀a, mbà nò ge poŋo wég poŋ. Áa mmó gie á gÿo peg gwɔ́ tà ne sẅíŋte Ssé, ńdúɔ ngie à gÿo pi giŋ pɔ́ ná mánzsè we tà ńcʉ́me.

Efeso 4:12

À la záb pɛ̌ pʉ̀a légwɔ́ gie pɔ́ ge kẅéte pʉ̀a Kristo léfa’a fà’a Ssé, acú’tè pʉ̀a Kristo gie áa mbùm nnɛ́ ye, à kẅi’i ńgʉa nê mvfò.

Efeso 4:29

ḿbɔ́ɔn mbɔɔ tà’a shwóŋè tepòŋ lékẅɛɛ ncwò pi. Pi gɔɔn pɔ́ nò gie á ge kẅéte ná yɛ̌ fʉ̀’, à gwɔ́ pɔ́ shwóŋè mbòŋo gie á ge kẅéte tsɔ́ pʉ̀a pɔ́ kẅi’i ńzáb ntʉ́m nà Ssé. Pi gɔɔn pɔ́ nò gie á ge kẅéte wɔ̌wɔ́ɔ ná pʉ̀a pie é ne ńzẅí’te.