Roma 14:9 - Nouveau Testament en Ngienboum

⁹ Kristo la zɔɔn ńkwé ḿbiŋ ńzím légwɔ́ gie à ge gwɔ́ Cʉ̀apʉ̀a mepfó mbɔɔ we pʉ̀a pie pɔ́ ée ntentʉ́.

Roma 14:9 ပူးပေါင်းရင်းမြစ်များ

Matio 28:18

Yěsô tóo lejʉ́ŋ pɔ́b, ńgɔɔn né pɔ́b ngie: E Ssé leen ńná tʉ̀ ntsèm né mèŋ lélɔg sá’ shúm sie ée tÿǒ lepwó mbɔɔ sie ée ndùmo ssé tsetsá’.

Lukase 24:26

Pi kaa zsé ngie, á ka ne ńzɛ́te ngie *Nzà’nkÿo vɔg ńgyá ngɔ́’ tá ńkúu tsɛ̀ɛ legú’ we wɔ́ ka?

Ŋwà’ne Jâŋ 12:24

Tà mèŋ shwóŋó gẅí, kwà’ nénʉ́, mvòm ngesáŋ lɔɔn tè gwe ssé tà ńkwé wɔ́, mbà e ge gwɔ́ pɔ́ yémɔ’ɔ́. Tá ńké ńkwé, mbà e ge sá’, é ná memvòm tà é gyɔ́ɔn gyɔ́ɔn.

Megàŋ ntúm 10:36

E Ssé ka túmo shwóŋè yé mbwo púɔ Israel. E gwɔ́ nkʉ̀ mbòŋo, ńgɔɔn nò na mbʉ́lè gie mé cʉa ná Yěsô Kristo gẅie aa Cʉ̀apʉ̀a pʉ̀a metsèm, ńgẅiin.

Megàŋ ntúm 10:42

À ka piŋ ńtúmo wég ngie peg gʉa ńtsẅi nkù mbòŋo mbwo lá’, ńgÿo pɔ́ zsé ngie yé Yěsô ŋwɛ́ aa nyìŋ gẅie Ssé ka tsɔ̌’ ngie à zá’ ntsaŋ pʉ̀a metʉ̀ pâ mepfó ssé.

Roma 10:9

Á lɔgɔ ńgwɔ́ ngie ɔ̀ lɔɔn ńtyé mvfò lá’, éshʉa shʉa ńtsɔ́’ ncwò gú ńgɔɔn ngie Yěsô aa Cʉ̀apʉ̀a, ńgwɔ́ tsɛ̀ɛ ntʉ́m gù ńne ńzẅíŋe ngie e Ssé la gÿo á zíme ná legwé, mbà e Ssé ge gÿo gÿo ɔ̀ tsẅɛ́.

2 Korento 5:14

Ayég gwɔ́ pɔ́ ngie pá’ Kristo kwoŋo wégè la, peg ne ńjú’u pɔ́ ncwò yé. Peg ne ńkwa’a ńzsé ngie tà’ nyìŋ wémɔ’ɔ́ la kwé nà twó mânyìŋ ntsèm. Á lɔgɔ pú’u, ńgwɔ́ ngie pâ pʉ̀a metsèm la pú ńkwé.

1 Tesalonika 4:14

Pege ne ńzẅíŋe ngie Yěsô la kwé ḿbiŋ ńzíme nà legwé. Áa pú’u, ńdɔgɔ ńgwɔ́ ndʉŋ ndʉŋ pá’ e Ssé ge lá’ lɔgɔ Yěsô gÿo pʉ̀a pie pɔ́ la gwaa kwé ńne ńzába ntʉ́m ná ye, é zím.

1 Tesalonika 5:10

À la kwé nà twó ségè, légwɔ́ gie pege lɔɔn fó ńkwé mbɔɔ kwě, kà ńnyé pɔ́ ntentʉ́ wɔ́, mbà pega pɔ́ zɔɔ pú’u, ńgwɔ́.

2 Timote 4:1

Mèŋ n tyé mvfò Ssé mbɔɔ mvfò Yěsô Kristo gẅie à cʉ’ʉ́ ńtó tǒ léŋag pʉ̀a metʉ̀ lâ mepfó ssé, mbɔɔ ná pá’ à ge gÿo tó ńnuŋe lefùɔ sé, n cwoŋo ńgɔɔn né gù ngie:

Heber 12:2

Pege ne ńtÿɔ́gɔ menÿɔ́g pɔ́ ná Yěsô gẅie à la zí’i wégè lézáb ntʉ́m nà Ssé, yé zɔɔ nyìŋ gẅie à ge lá’ ńnéŋe wégè ná mbwó Ssé ndà’ ndà’. À la nyé lekág gẅie à laa we, mé kíme yé nà tÿǒ nkǐ á shÿɔg shÿɔg, à tè lɔg shʉ́ gẅie ée nà lekwě pú’u, ńtóŋo tsɔ́ nò wɔ́. Aa fʉ̀’ɔɔn ńnéŋe ngʉ̀ŋe lʉŋe lefùɔ ye Ssé, á nà gwǒŋo pwó Ssé ye tʉ̀.

1 Piɛ 1:21

Pi zẅɛ́’ɛ pɔ́ yé tá ńzába ntʉ́m nà Ssé gẅie à la zíme yé nà legwé, mbɔɔ pá’ à la náa yé legú’, tà pi gwaa záb ntʉ́m nà Ssé, é piŋ ne pyɛ́bɛ mmó gie Ssé ka’a, yé zɔ̌ gÿo.

1 Piɛ 4:5

Tá’ pɔ́ ge gÿo tyé mvfò Ssé gẅie à tyě pá’ à ge zá’ ntsaŋ pʉ̀a metʉ̀ pâ mepfó ssé, építe ncwò wɔ́b nà ngÿǒ menò mɔ́b.

Ŋwà’ne Ngyà jʉ’ 1:18

Mèŋ n gee nyìŋ gẅie à gÿo mé gwɔ́ wó. N da kwé, tá mèŋ n gee fʉ̀’ɔɔn ńgwɔ́ wó, é ké lá’a gwɔ́ pɔ́ wó. Mèŋ n gẅiin metsɔ́’ɔ kí, mie é náa wɔ̀ɔn metʉ̀ lélɔg ńjÿɔ́’ɔ jʉ’ gie mepfó ée wó, kà pɔ́ lélɔg ńtsɔ́’ éfó wó ńkẅile pʉ̀a wɔ́.

Ŋwà’ne Ngyà jʉ’ 2:8

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋ Smirne. Ŋwe’e ngie: Nyìŋ gẅie aa ndùŋ mvfò, ńgwɔ́ nzsònzèm, nyìŋ gẅie à la kwé ḿbiŋ ńgíŋ fóo lá’ mepfó, à ne ńgɔɔn ngie: