Roma 14:4 - Nouveau Testament en Ngienboum

⁴ Ɔ̀ɔ wɔ̌ tà ńtúu *lɔ̌’ ngàŋa fà’ nyìŋ ndyɛ̀’ɛ? À lɔɔn fʉa nò lo, à tè fʉa lo, mbà tá fà’ we zɔ gẅiin légɔɔn. Yé Cʉ̀apʉ̀a zɔɔn ńku’u légɔɔn ngie ngàŋ kaa nò fʉa.

Roma 14:4 ပူးပေါင်းရင်းမြစ်များ

Roma 9:20

Gù nyìŋ mesoŋ, ɔ̀ lɔɔn ńzɛ́te pú’u, mbà ɔ́ɔ wɔ̌ tà Ssé gɔɔn nò ɔ̀ pʉŋe? Ngwɔ́ sɔ́’ zɛ́te mbwòon tsǎ’a ngie, ɔ̀ la pwóon wɔ̀ɔn ná yɔɔn ntí pá’ɔɔn mélà’a kɔ́ wɔ́?

Jẅide 1:24

Agù’te gwɔ́ mbwo Ssé, yé gẅie à ku’u létÿɔ́’te gẅi tà pi é le gwé, yé gẅie à ku’u légÿo pi kẅɛ ńtyé nà jʉ’ʉ legú’ gie kwà’ yé aa wó tà *lɔ̌’ á le ná pi wɔ́, pi piŋ ńne ńkága kǎg,

Heber 7:25

Áa mmó gie á gíŋe ńgÿo á ku’u légÿo pʉ̀a pie pɔ́ ne ńdɔgɔ yé ńtsóte nnɛ́ nê lejʉ́ŋ Ssé, pɔ́ tsẅɛ́ ndà’ ndà’. Pú’u nue yé Yěsô aa ńgwɔ́ pɔ́ wó, pá’ à ge sẅíŋte Ssé nà twó yɔ́b.

Roma 14:3

Nyìŋ gẅie à gyá kɔ́ wɔ́ ńgwɔ́ á pfɛ́ yé pfɛ́, à pɔ́ɔn lékʉ́e nyìŋ gẅie à tè pfɛ́ shúm ntsèm wɔ́. Nyìŋ gẅie à tè pfɛ́ shúm ntsèm wɔ́ à pɔ́ɔn létúu *lɔ̌’ nyìŋ gẅie à gyá yé kɔ́ wɔ́ ńgwɔ́ á pfɛ́ yé pfɛ́ á nue e Ssé kúe yé yé.

Roma 16:25

Pege gu’te Ssé. Yé zɔ ku’u légÿo pi tʉte tʉte nzèm yé. Nkʉ̀ Mbòŋo gẅie mèŋ n tsẅii é gɔɔn nò ná Yěsô Kristo, é ge ne fa’a yɛ̌ fà’. E Ssé lɔgɔ wɔɔn Nkʉ̀ Mbòŋo, ńnyɛɛ mmó gie à la zába ná Kristo, mbà á ka zɔ̌ɔn ńgwɔ́ pɔ́ lelyěen tà fó taa mángù’.

1 Piɛ 1:5

ée shúm sí, pi pʉ̀a pie Ssé ne ńdɔgɔ metʉ̀ mé ḿbyɛ́bɛ gẅí, á gwɔ́ pá’ pi ne ńzába ntʉ́m ná yé. À pyɛ́bɛ gẅi pá’ pi ge gÿo gẅiin letsẅɛ́ gẅie à ge lá’a lyɛ’ɛ́ nzsònzèm é gÿo mé gyá.

Megàŋ ntúm 11:17

E Ssé lɔgɔ pú’u, ńnáa yɔ́b mmó gie pege la záb ntʉ́m ná Cʉ̀apʉ̀a Yěsô Kristo, á náa mbwo pege la. Mèŋ, n kaa yɔ́ɔn wɔ̌, tà ńgwɔ́ gie ńgwɔ́ n tɔ’ Ssé légÿo mmó?

Roma 11:23

Á gʉa nà pà Yuda, mbà pɔ́ lɔɔn ńgwá’a tʉʉ twó, ńzáb ntʉ́m ná Kristo, mbà à ge laa wɔ́b nà jʉ’ gie pɔ́ la zɔɔn ńgwɔ́ wó. Á nue yé Ssé gẅiin metʉ̀ lélaa wɔ́b sẅé sẅé.