Roma 14:2 - Nouveau Testament en Ngienboum

² Tsɔ̌ nyìŋ lɔgɔ nò Ssé ńzsé ngie à gyá kɔ́ wɔ́, ńgwɔ́ á pfɛ́ ye pfɛ́. Wetsɔ́ nyìŋ gẅie à ne ńdɔgɔ nò Ssé ńdÿɔ́’te tsɔ́ shúm zsé ngie à ge pfɛ́ pɔ́ ndà’ nzab.

Roma 14:2 ပူးပေါင်းရင်းမြစ်များ

Roma 14:1

Mefɛ́ pɔ́ɔn, pi ne ńzsé ngie áa tsetsɛ̀ɛ pege, tsɔ́ pʉ̀a lɔg pá’ pɔ́ ne ńjú’u yɔ́b nò Ssé, ńne ńdÿɔ́’te tsɔ́ shúm, pi kú’te wɔ́b kú’te tà pia pɔ̌ zoŋo nò ná yɔ́b mmó gie pɔ́ ne ńkwaŋa.

Roma 14:14

Mèŋ n ne ńzsé, tá ńdɔgɔ pɔ́ pá’ mèŋ n da nnɛ́ ná Cʉ̀apʉ̀a Yěsô, ńnyɛte ńzsé ngie atsɔ́ mmó té wó gie á pu’ ssé ńgẅiin *lɔ̌’ wɔ́. Tá ńké ńgwɔ́ gie nyìŋ lɔɔn ne ńkwaŋa ngie *lɔ̌’ áa nà tsɔ́ mmó, mbà á ge gwɔ́ nà yé twó à *lɔ̌’ gwɔ́ nà yɛ̌ mmó.

Roma 14:20

Tè cʉŋte fà’a Ssé ńtí nò mmó léjÿó. Áa nénʉ́ ngie *lɔ̌’ té pu’ ssé ńgwɔ́ nà tsɔ́ mmó léjÿó wɔ́, tá’ á pÿɔ́gɔ ná nyìŋ lé jÿó tsɔ́ mmó gie pʉ̀a ge gyá é kwɔɔnte mǒ gwe ssé.

Roma 15:1

Ammó gie pege gẅiin légÿo áa ngie pʉ̀a pie pɔ́ lɔgɔ nò Ssé ńzsé mmó gie pɔ́ ge gÿo, gẅiin lélɔg ntʉ́m mbòŋo ńkẅéte pʉ̀a pie pɔ́ té ne ńzsé pá’ pɔ́b wɔ́. Nyìŋ tè gẅiin légÿo mmó gie á poŋ pɔ́ yé wɔ́.

1 Korento 10:25

Á gʉa nà nò mbab, mbà pi tóo metʉ̌a ńgyá mbab pi jú, ńkúu mbʉ̀a ḿpfɛ́ té gẅiin tsɔ́ nkwaŋá, té zɛ́te tsɔ́ nò.

1 Korento 8:9

Tá, pi ké ḿbɔ́ɔn pá’ à lɔɔn ńgwɔ́ gí mmó gie pi ne ńzsé ngie pi ku’u légÿo, cʉ́’ʉ mmó gie pʉ̀a pie é nyé mbÿɛ́ pÿɛ́ ge kwɔɔnte mǒ é gwe ssé,

1 Korento 9:22

Mèŋ n gee fʉ̀’ gie mèŋ n ne fa’a tsetsɛ̀ɛ pʉ̀a pie pɔ́ nyé ḿbÿɛ́ɛ pÿɛ̌ nà lezǎb ntʉ́m ná Kristo, mèŋ n ńnéŋe pɔ́ pá’ nyìŋ gẅie à nyě ḿbÿɛ́ɛ yé pÿɛ̌ la, ńzsé ngie n ge lɔg pú’u, é gÿo pɔ́ cʉ́’ kwà’ pʉ̀a Kristo. Nyìŋ lɔɔn ńgwɔ́ pɔ́ lêkɔ́ wɔ́, á gwɔ́ pɔ́ lêkɔ́ wɔ́, n cʉ́’ pá’ yé, ńzsé ngie n ge lɔg pú’u, é gÿo ná ntí gie ńgwɔ́ á tsẅɛ́.

Galatia 2:12

Yɛ̌ nò gwɔ́ pá’, pʉ̀a pie Jâg la túm, la gwaa tó, Piɛ pâ pʉ̀a Kristo pie é té pà Yuda wɔ́ ne ńteme ńjÿó mmó. Pɛ̌ pʉ̀a gwɔ́ tà ńtó á lɔg pɔ́ ndɔ́ɔn ndɔ́ɔn ńkẅɛɛ tsetsɛ̀ɛ pɔ́b, pâ pɔ̌ cʉ́’ʉ ńteme mmó wɔ́, á nue à la ne ḿbɔ́gɔ nò gie pʉ̀a pie é kẅite nò lépú’ pʉ̀a ge gɔɔn ná yé.

1 Timote 4:4

Á zɔɔn ńgwɔ gwɔ́, akɔ́ɔkɔ́ɔ gie e Ssé la nyɛte wɔ́ á gwɔ́ pɔ́ mbòŋ. Atsɔ́ gie ńgwɔ́ mé gwá’a mǒ á té wó wɔ́. Tá á ké ńzɛ́te ngie mé gwaa ne jÿó sɛ̌ shúm, ńne sie Ssé.

Titus 1:15

Akɔ́ɔkɔ́ɔ gwɔ́ pɔ́ mbòŋ mbwo pʉ̀a pie pɔ́ gẅiin ntʉ́m mbòŋo mvfò Ssé. Tá ńgʉa ná pʉ̀a pie ntʉ́m wɔ́b té poŋ, á nue pɔ́ té zába nà Ssé wɔ́, atsɔ́ mmó mbòŋo té wó mbwo pɔ́b wɔ́. Legyè sɔ́b neŋé ńtyé pɔ́ nà menò tepòŋ tà mbùm yɔb tè gíŋe ńcúa wɔ́b gwɔ́.

Heber 13:9

Tà pi zẅíŋ mé zí’i gẅi menò ntí ntí mie é té tsẅé’e nà nò gie pege zába ntʉ́m mǒ wɔ́, e gÿo pi fʉa mánzsè. Á poŋ ngie atsɔ́ɔn mezìŋe Ssé zɔ néŋ ntʉ́m nyìŋ tà mbʉ̌ mie mé zába, é gɔɔn nò ná shúm léjÿó zɔ̌ le néŋ. Epʉ̀a pie pɔ́ kú’te mɛ̌ mbʉ̌ pɔ́ laa jÿó tsɔ́ pì mǒ wɔ́.

Heber 9:10

Yɛ̌ ntí legu’te Ssé ee ntí gie e lǐe pɔ́ mbùm nyìŋ, á gwɔ́ nò ńdíe shúm léjÿó, ńdíe melù’, ńdíe lésɔg *melɔ̌’. Metʉ̀ mɛ̌ mbʉ̌ la gẅiin légwɔ́ wó tà ńdá’ ńkú pɔ́ fʉ̀’ gie e Ssé lɔ̌ɔn ńge gíŋe gÿo kɔ̀ɔkɔ́ɔ pɔ́ sẅe sẅé.