Roma 13:8 - Nouveau Testament en Ngienboum

⁸ Tà nyìŋ gẅi gẅiin tsɔ̌ njǔ ndyɛ̀’ɛ tà ndí ndà’ lékwoŋo nyìŋ, ee njǔ gie mefɛ́ mefɛ́ gẅiin létoŋo tsetsɛ̀ɛ pɔ́b á nue nyìŋ lɔɔn ńkwoŋ petsɔ́ pʉ̀a, mbà à lɔgɔ ńkú’te *lepʉ̌ Ssé ntsèm.

Roma 13:8 ပူးပေါင်းရင်းမြစ်များ

Matio 7:12

Àmmó gie pi ne ńtsɔɔn ngie mé gÿo ná pi la, pi gÿo kwà’ yɛ̌ gí ná petsɔ́ pʉ̀a. Pi lɔɔn ńgÿo pú’u, mbà á ge gwɔ́ mmó gie *lepʉ̌ Mǒsê mbɔɔ meŋwà’ne pà *ntsẅì nkʉ̀ Ssé zɛ́te

Ŋwà’ne Jâŋ 13:34

Mèŋ n ge ná *lepʉ̌ se sẅé né pi, e gwɔ́ ngie: Pi kwoŋe pi né pi. Pá’ mèŋ n da kwoŋo gẅi lá, pi gí kwoŋe pi né pi.

Roma 13:10

Nyìŋ lɔɔn ne ńkwoŋo fɛ́ we nyìŋ mesoŋ, mbà à tě ńdɔgɔ ńgÿo tsɔ́ nò tepòŋ ná ngàŋ wɔ́, à lɔgɔ pú’u, ńkú’te *lepʉ̌ Ssé ntsèm.

Roma 13:7

Pú’u la, á gʉa nà pàsá’ ngwòŋ, pi náa mmó gie á ne ńzɛ́te ngie pi náa mbwo wɛ̌ nyìŋ wɔ́ né yé. E lɔɔn ńgwɔ́ ncùb ngwòŋ, pi náa mbwo nyìŋ gẅie à kẅé ncùb ngwòŋ, ńgwɔ́ nkáb gie *lepʉ̌ ne ńzɛ́te mbwo pi ná tsɔ́ nò, pi náa mbwo nyìŋ gẅie à kẅé yɛ̌. Pi jú’ ncwò nyìŋ gẅie á ne ńzɛ́te ngie mé jú’ ncwò wé, ńná mekù’ nyìŋ gẅie á ne ńzɛ́te ngie mé ná mekù’ mé.

Galatia 5:14

Á nue anò gie á pú ńkwɛ́ metwó menò mie ée tsɛ̀ɛ *lepʉ̌ gɔɔn ngie: Kwoŋo fɛ́ gù nyìŋ mesoŋ pá’ twó mbùm jú.

Kolosia 3:14

Anò gie á cʉa mɔɔn menò ntsèm, aa pi légẅiin nkwòŋe tsetsɛ̀ɛ pi. Nkwòŋe ee nkenkÿo gẅie é ge kwɛ́ɛ gẅi lɔg gÿo tà’ leka’á pá’ á ne ńzɛ́te ngie pi temte pú’u.

1 Timote 1:5

Ɔ̀ gɔɔn yɛ̌ nò né pɔ́b légwɔ́ gie pɔ́ ge kwoŋ petsɔ́ pʉ̀a tà shwóŋó nò. Lekwoŋo nyìŋ tà shwóŋó nò, à zɛ́te légẅiin ntʉ́m Ndʉalʉ̌a, ńzɛ́te légÿo mmó gie mbùm ɔ̀ té cúa gú mǒ wɔ́, ḿbiŋe ńzɛ́te lézáb ntʉ́m nà Ssé, kwà’ nénʉ́.

Ŋwà’ne Jâg 2:8

Á cʉ́’ gie pi gÿo pú’u, mbà pi giŋé ná pá’ *lepʉ̌ se lÿò ná nò *lefùɔ Ssé gɔɔn, é gɔɔn ngie: «Kwoŋo fɛ́ gù nyìŋ mesoŋ pá’ ɔ̀ kwoŋo twó mbùm jú». Pi lɔgɔ pú’u, ńgÿo mboŋó.

1 Jâŋ 3:10

Pi gyá mmó gie mé fó mǒ ńdɔg ńzsé púɔ Ssé, ńgíŋe ńzsé pe Sátà. Nyìŋ lɔɔn tè gÿo mmó gie áa ndʉŋ ndʉŋ mvfò Ssé wɔ́, ńké tè kwoŋo fɛ́ we wɔ́, mbà ngàŋ tè míŋ Ssé wɔ́.