Roma 13:7 - Nouveau Testament en Ngienboum

⁷ Pú’u la, á gʉa nà pàsá’ ngwòŋ, pi náa mmó gie á ne ńzɛ́te ngie pi náa mbwo wɛ̌ nyìŋ wɔ́ né yé. E lɔɔn ńgwɔ́ ncùb ngwòŋ, pi náa mbwo nyìŋ gẅie à kẅé ncùb ngwòŋ, ńgwɔ́ nkáb gie *lepʉ̌ ne ńzɛ́te mbwo pi ná tsɔ́ nò, pi náa mbwo nyìŋ gẅie à kẅé yɛ̌. Pi jú’ ncwò nyìŋ gẅie á ne ńzɛ́te ngie mé jú’ ncwò wé, ńná mekù’ nyìŋ gẅie á ne ńzɛ́te ngie mé ná mekù’ mé.

Roma 13:7 ပူးပေါင်းရင်းမြစ်များ

Matio 17:25

Piɛ tsɔ́’ ngie: Aa nâ nǎ, ńgɔɔn pú’u, ńkúu ndá, ńnyé pɔ́ tè ŋǎ’ ncwò wé, Yěsô gɔɔn né yé ngie: Símo, ɔ̀ kwǎŋ jú ngie kɔ́. Áa tsɛ̀ɛ njÿó yɔɔn pé’e, pàwɔ̌ ma’ ncùb ntÿɔ́’ lâ tsɔ́ mencùb, ńná né mefùɔ? Pàlá’ pé ka pàlá’a ntÿɔ́’ɔ?

Matio 22:21

Pɔ́ tsɔ́’ɔ mbwó yé ngie: Ée we Kása, lezíŋ gíŋ ńgwɔ́ pɔ́ sé. Yěsô leen ńké ńgɔɔn né pɔ́b ngie: Á lɔɔn ńgwɔ́ pú’u, pi náa mmó gie áa yé Kása á mbwó Kása, ńnáa yé Ssé á mbwó Ssé.

Malékuse 12:17

Á gɔɔn né pɔ́b ngie: Á lɔɔn ńgwɔ́ pú’u, pi náa mmó Kása mbwo Kása, ńnáa ye Ssé mbwo Ssé. Pɔ́ jú’ ntí gie à lɔ̌g ńtsɔ́’, á pú ńkʉ’ʉ wɔ́b tɛ’. Ncwò wɔ́b júm.

Lukase 20:22

Shwóŋo wég: *Lepʉ̌ ségè ée pé’e ńzẅíŋ ngie pege má’ ncùb Kása pà *Roma kà ngǎŋ?

Lukase 20:25

Yěsô lêen ńké ńgɔɔn né pɔ́b ngie: Á lɔɔn ńgwɔ́ pú’u, pi náa mmó gie áa ye Kása mbwo Kása, ńnáa ye Ssé mbwo Ssé.

Lukase 23:2

Ńzye lésẅiŋe yé ngie: Peg gyǎ nyìŋ wɔɔn ne ngwá ńkʉ́’ʉ tsɛ̀ɛ ngwòŋ wég ńcʉŋte twó lá’, ńtɔ’ɔ wɔ́b léma’ ncùb ntÿɔ́’, nnáa mbwo Kása pà *Roma. A giŋé ne ńgɔɔn ngie aa *Nzà’nkÿo gẅie e Ssé la ka’a mbwo peg, ńdɔgɔ ńgɔɔn ngie aa fùɔ.

Roma 12:10

Pi lɔg pá’ pi ee mefɛ́ mefɛ́, ńkwoŋe pi né pi, nyìŋ gẅi à vɔg ńná mekù’ fɛ́ we.

Roma 13:6

Áa mmó gie á gíŋe ńgÿo tá pi ma’ ncùb ngwòŋ, á nue e Ssé zɔ la záb pàfà’a yɛ̌ fà’, pá’ pɔ́ ge cÿó nnɛ́ fa’a fà’ yɔ́b.

Efeso 5:33

Tá ńké ńgíŋe ńgɔɔn mbɔɔ ná pi gí. Á ne ńzɛ́te ngie wɔ̌wɔ́ɔ mámbàŋa wɔ́ kwoŋo nzwě we pá’ à kwoŋo twó mbùm yé, wɔ̌wɔ́ɔ manzwě wɔ́ gÿo mekù’ ndǔm we.

Efeso 6:5

Ńgʉa ná pi menkwɔɔn, pi jú’ ncwò pʉ̀a pie pɔ́ gẅiin gẅí, ńne náa mekù’ mɔ́b, ésẅí’i mbùm gí ńnáa ssé mvfò pɔ́b, ńgẅiin ntʉ́m mbòŋo nzèm pɔ́b, ndʉŋ ndʉŋ pá’ pi jú’u ncwò Kristo.

1 Timote 5:13

Atsɔ́ mmó gie á gÿo mé té lwo ńŋwe’e mezíŋ mɔ́b wɔ́ áa pá’ mé lɔɔn ńŋwe’e pɔ́ cʉ́’ melǒŋ, ńgwá ńkʉ́’ʉ mendá mendá, á gwɔ́ mege pÿɔ́g pɔ́ gwá ńkaa mezíŋ pʉ̀a, ńgwá ńkyɛ́’ menò mie mé ée ntěen ńkyɛ́’ɛ wɔ́, ńgɔɔn nò ná menò mie é té ne ńdíe wɔ́b gwɔ́.

1 Timote 5:17

Á gʉa nà pʉ̀a pie é kẅé mvfò ná cú’tè pʉ̀a Kristo, ńne fa’a mboŋó, mé gÿo mekù’ mɔ́b, ńná ntsɔ’ɔ́ fà’ gẅie é ńzɛ́te né pɔ́b, ńtʉʉ lelÿò ńgÿo me pʉ̀a pie pɔ́ shwóŋó nò Ssé ḿbiŋe ńzí’i pʉ̀a mmó.

1 Timote 6:1

Á gʉa ná pʉ̀a pie pɔ́ ée ndá nkwɔɔn, mbà á ne ńzɛ́te ngie pɔ́ zsé ngie pɔ́ gẅiin légÿo mekù’ pʉ̀a pie pɔ́ gẅiin wɔ́b, ńzsé ngie mé té ge kím lezíŋ Ssé té poŋ wɔ́, é ké le gwága nò gie mé zí’i pʉ̀a ná Yěsô Kristo wɔ́.

1 Piɛ 3:7

Mbɔɔ pi gí mbàŋa pi gẅiin pànzwě pi mboŋó, ńkímte pá’ pànzwě gwɔ́ pɔ́ pʉ̀a nzɔbte zɔbté. Pi ná mekù’ mɔ́b, á nue e Ssé la pú ńcÿó gʉm gia pɔ̌ métsèm, ńgÿo pá’ pi ge lá’ gẅiin kwà’ le gwɔ́. Pi gÿo pú’u, ńne sẅíŋte Ssé, atsɔ́ mmó le gẅi táte.