Roma 13:1 - Nouveau Testament en Ngienboum

¹ Á ne ńzɛ́te ngie wɛ̌ nyìŋ wɔ́ tsetsɛ̀ɛ pi jú’ ncwò pʉ̀a pie é sá’a ngwòŋ, mélà’mie lesǎ’ ngwòŋ fóo pɔ́ mbwo Ssé. E Ssé zɔ la záb pàsá’ ngwòŋ pie ée wó.

Roma 13:1 ပူးပေါင်းရင်းမြစ်များ

Matio 6:13

Tè zẅíŋ ngie peg kúu tsɛ̀ɛ nkwà’te, kẅé wég mbwó Sátà. [Á nue gù zɔɔ fùɔ, metʉ̀ ntsèm piŋ ńgwɔ́ pɔ́ mú, mé ne ńgu’te pɔ́ ndà’ gú mengù’u mengù’. Ameŋ].

Ŋwà’ne Jâŋ 19:11

Yěsô tsɔ́’ɔ mbwo yé ngie: E Ssé lɔɔn ńnyé té ńná metʉ̀ mbwo gù, ɔ́ le ku’u légÿo tsɔ́ mmó ná mèŋ wɔ́. Áa mmó gie á ka gÿo tá nyìŋ gẅie à ka sẅiŋe wɔ̀ɔn mbwo gù, à yé nò tepòŋ cʉa jú.

Megàŋ ntúm 2:41

Pʉ̀a tà ńgyɔ́ɔn la jú’u nò gie Piɛ gɔ̌ɔn, ńzẅíŋ, mé nu’u wɔ́b ntse. Mé la nu’ pʉ̀a ntse lyɛ’ó tà ńgwaa ńgwɔ́ pɔ́ gwɔ́ ntsá’ tá. Pɔ́ kẅi’i nà nùɔ pʉ̀a Yěsô.

Roma 12:21

Tà nyìŋ cʉ́’ nò gie nyìŋ gÿǒ ná yé tsóte yé, á gÿo nò tepòŋ, tà ńcʉ́’ pú’u, á lɔgɔ légÿo nò mbòŋo, ḿbyága nò tepòŋ.

Roma 13:2

Pú’u la, ńgwɔ́ gie nyìŋ lɔɔn ńtʉʉ twó mbwo pàsá’ ngwòŋ, mbà à lɔgɔ ńdʉ’ʉ pɔ́ mmó gie e Ssé la záb. Yɛ̌ ntí pʉ̀a ee pú’u, ńdɔgɔ sele ńtóŋte ntsaŋ ńnéŋe twó pɔ́b.

Efeso 5:21

Pi lɔg pá’ pi ná mbùm gi Ssé mvfò Kristo, wɔ̌wɔ́ɔ ná mbùm ye Ssé mvfò fɛ́ we.

1 Timote 2:2

Mé ne sẅíŋte Ssé nà twó mefùɔ, tà mbɔɔ ná twó petsɔ́ pʉ̀a pie é sá’a lá’. Légwɔ́ gie pege ge ńnéŋe mboŋó, à lá’a yege gwɔ́ lá’a mbʉ́lè. Pege gwɔ́ pʉ̀a pie é gÿo mmó gie á poŋ Ssé, ńgẅiin tsẅé gie á gẅiin mekù’.

Titus 3:1

Tè cʉ́’ pʉ̀a Ssé lege ngie pɔ́ gẅiin lé jú’ ncwò pà sá’ ngwòŋ, ńgÿo mmó gie pɔ́ ne ńzɛ́te, ḿbiŋ ńnéŋe ńtyé pɔ́ légÿo pɔ́ menò mie ée mbòŋ.

Jẅide 1:8

Epʉ̀a pie pɔ́ ka shǔ ńkúu tsetsɛ̀ɛ pi ŋwɛ́ gÿo pɔ́ pá’ pʉ̀a pie é laa tsɛ̀ɛ mɛ̌ metÿǒsoŋ. Pɔ́ kwaŋte menò mie é té tyé, á cʉa pú’u pɔ́ lɔg mbùm yɔb ńgÿo menò shʉ́. E Ssé gɔɔn nò pɔ́ gwág gwǎg. Pɔ́ zoonte mezẅìge mie é gẅiin legú’.

Ŋwà’ne Ngyà jʉ’ 1:5

Yěsô Kristo gẅie aa njÿò ńgyá we nénʉ́, ńgwɔ́ ndùŋ mvfò múɔ, ńgwɔ́ ndùŋ mvfò nyìŋ gẅie à la kwé ḿbiŋ ńzím, ńgwɔ́ Fùɔ cʉa mefùɔ pie ée ndùmo ssé tsetsá’, á gíŋe ńne ńgwɔ́ né pi, ńgíŋe ńne ńnéŋe sẅétè ntʉ́m pi. Yé Kristo kwoŋo wégè tɛ’, à la lɔg metse mé ńkyɛ́’ nkÿo menò tepòŋ ná pege.

Ŋwà’ne Ngyà jʉ’ 17:14

Pɔ́ ge ma’a Mûɔ *Njʉ̀njÿò lê ncù, tá à ké ńcʉa wɔ́b, á nue aa Cʉ̀apʉ̀a mecʉ̀apʉ̀a, ńgwɔ́ Fùɔ mefùɔ. Epʉ̀a pie à la tóŋo wɔ́b, ńtsɔ́’ɔ wɔ́b, pɔ́ zsé pɔ́ ndà’ yé, pâ pɔ̌ pú ńcʉa nɔ̀ɔn ŋwɛ́.

Ŋwà’ne Ngyà jʉ’ 19:16

Mbà mé ŋwe’é tsɔ́ lezíŋ nà nzsǒ fÿɔ́g ye, mbɔɔ nà ntɔ́ɔn wé, é gwɔ́ lê: Fùɔ ncʉ̀a mefùɔ, mbɔɔ lê Cʉ̀apʉ̀a mecʉ̀apʉ̀a.