Roma 11:7 - Nouveau Testament en Ngienboum

⁷ Áa pú’u, ńdɔgɔ ńgwɔ́ lêkɔ́? Á lɔgɔ ńgwɔ́ ngie ammó gie pà Israel la ne fa’a pɔ́ la tè gyá métsèm wɔ́. Etsɔ̌ ntá’ pʉ̀a tsetsɛ̀ɛ pɔ́b pie e Ssé la tsɔ́’ zɔ̌ la gyá. Á cʉ́’ʉ pfwɔ’ e Ssé nyé wɔ́b pɔ́ tiŋ ndʉ̀’.

Roma 11:7 ပူးပေါင်းရင်းမြစ်များ

Malékuse 6:52

mélà’mie legyè sɔ́b nyé ḿvɔ́g vɔ́g, ńzɔɔn ńgwɔ́ gwɔ́, mbà pɔ́ kaa liŋe mmó gie Yěsô kɔ’ɔ́ ńjÿɔ́gɔ lá’ ńdɔgɔ ńnyɛɛ wɔ́.

Lukase 13:24

Pi fa’ shÿó pɔ́ létɔ́gɔ nà ncwò ndá gẅie é kʉ́mte kʉmté. Pi zsé mboŋó ngie pʉ̀a tà ńgyɔ́ɔn ge lá’ fa’a lékúu wó, é piŋ ké le ku’.

Ŋwà’ne Jâŋ 12:40

«E Ssé kéen ńgÿo menÿɔ́g mɔ́b fʉ. À kéen ńjÿɔ́’ legyè sɔ́b, légwɔ́ gie pɔ́ té lɔg menÿɔ́g gyá jʉ’ wɔ́, pɔ́ le lɔg legyè sɔ́b ńzsé nò wɔ́; à cʉa pú’u, pɔ́ le kúbe mà wɔb à gÿo pɔ́ zeŋe wɔ́».

Roma 10:3

Á gwɔ́ nue pɔ́ té ne ńkwoŋo lézẅíŋ ntí gie e Ssé lɔg ńgÿo pʉ̀a gwɔ́ ndʉŋ ndʉŋ mvfò yé wɔ́ mbɔɔ nue pɔ́ fa’a pɔ́ wɔb mánzsè. Pɔ́ té zẅíŋe mánzsè gẅie e Ssé fó mǒ ngie epʉ̀a ée ndʉŋ ndʉŋ mvfò yé wɔ́.

Roma 11:25

Mefɛ́ pɔ́ɔn, mèŋ n ne ńkwoŋo ngie pi zsé mmó gie áa ná yɔɔn nò, mbà á la zɔɔn ńgwɔ́ pɔ́ lelyěen, ḿbɔ́gɔ gẅi lékwaŋ ngie pi ee pàzsé nò. Yɛ̌ mmó áa ngie atsɔ́ gwǒŋo pà Israel ne ńtʉʉ twó mbwo Ssé fʉ̀’ɔɔn, tá á ké lěen ńdá’a ńgwɔ́ pɔ́ pú’u wɔ́. Pɔ́ ge tʉʉ twó tà kú fʉ̀’ gie pʉ̀a metsèm pie e Ssé la tsɔ́’, é piŋ tè pà Yuda wɔ́, ge cʉ́me nzèm yé.

Roma 11:5

Á gíŋe ńgwɔ́ ndʉŋ ndʉŋ pú’u, nà lyɛ̌’ɔɔn. E tsɔ́ ntá’ pʉ̀a gwɔ́ nùɔ peg pà Yuda pie e Ssé ka cÿó gem yɔ́b, ńtsɔ́’ɔ wɔ́b.

Roma 3:9

Tà áa pá’ɔɔn ńgwɔ́ pege gɔɔn ngie kɔ́? Ńgie áa mvfò Ssé peg pà Yuda cʉa pʉ̀a pie é té pà Yuda wɔ́ keen? Ngǎŋ á té pú’u wɔ́. Mèŋ n ně ńdá’ ńda’te pá’ nò tepòŋ léen ḿbú ńjÿó pà Yuda mbɔɔ pʉ̀a pie é té pà Yuda wɔ́.

Roma 6:15

Pú’u, ńdɔgɔ ńgɔɔn ngie kɔ́? Mé lɔgɔ ńgɔɔn ngie pege gÿo menò tepòŋ, á nue pege cʉ’ʉ́ ńgiŋe ná mánzsè *lepʉ̌ wɔ́, ńcʉ́’ʉ ńgiŋe pɔ́ ná gẅie e Ssé cʉa mǒ ńcÿó gem yégè, ńdɔgɔ wégè ńgÿo pʉ̀a pé keen? Ngǎŋ ńgwɔ́ pege le pú’u gÿo.

Roma 9:18

Á lɔgɔ pú’u, ńgwɔ́ ngie e Ssé gÿo nyìŋ gẅie yé Ssé gyǎ ngie ngàŋ ge tʉʉ twó mbwo yé á tʉʉ twó, ńtsɔ́ɔn mezìŋe nyìŋ gẅie yé Ssé gyǎ ngie à ge tsɔ́ɔn mezìŋe ngàŋ.

Roma 9:23

Tá e Ssé lɔ̌ɔn ńgíŋe ńkwoŋo lényɛ nzẅìŋ fù’ gie áa tsɛ̀ɛ legú’ we, ńgwɔ́ gie à náa mbwo pʉ̀a pie à tsɔ̌ɔn mezìŋe mɔ́b, é pʉ̀a pie à la lá’ ntʉ́ njÿó ńcwoŋo wɔ́b ńtÿɔ́g, á légẅiin legú’ we ŋwɛ́.

1 Korento 10:19

N dɔgɔ pá’ɔɔn n gɔɔn ngie kɔ́ nà mbab gie mé náa nà shúm sie mé gu’te ngie ée messé? Mbab ŋwɛ́ zɔɔn fa’a tsɔ́ fà’? Messé ŋwɛ́ zɔɔn ńgwɔ́ wó?

2 Korento 3:14

Tá’, á la zɔɔn ńgwaa wɔ́, mbà legyè sɔ́b léen ńjÿɔ́’ɔ, é léen ńjÿɔ́’ɔ jÿɔ́’ɔ tà ńkú lyɛ̌’ɔɔn, á nue pɔ́ gwɔ́ tóŋo ŋwà’ne Nzẅìŋe *Kʉ̀a, nkǔɔ yá yɛ̌ nyé ńgwɔ́ pɔ́ wó, é nyé ńgwɔ́ pɔ́ wó, mélà’mie nyìŋ lɔɔn ńnyé té la nnɛ́ ná Kristo, yɛ̌ nkǔɔ nyé ńgwɔ́ pɔ́ wó.

2 Korento 4:4

ée pà jú’u nò Ssé té záb ntʉ́m mǒ, pie e ssé yé yɔɔn njÿó kéen ńjÿɔ́’ legyè sɔ́b ńdɔg ńtɔ́’ɔ wɔ́b légyá kyɛ̀’ gie á fóo ná nkʉ̀ mbòŋo, pú’u, pɔ́ té zsé pá’ shʉ́shÿɔ́g Kristo aa pú’u wɔ́. Yé Kristo aa pá’ e Ssé gwɔ̌.

Efeso 1:4

mbà à la cʉa ná Kristo ńtsɔ́’ɔ wégè, ńdɔg ńgÿo pʉ̀a pé tà fó ńnyé pɔ́ tè nyɛte njÿó pá’ pege ge gwɔ́ mvfò yé é gwɔ́ pʉ̀a ndʉalʉ̌a, é gwɔ́ pàtèfʉa. Á la lɔg pá’ à kwoŋo wégè,

Efeso 4:18

Menkwaŋá mɔ́b gwɔ́ pɔ́ me tsɛ̀ɛ nzěm. Pɔ́ gʉa nà leńnéŋe we sẅé gẅie Ssé ne náa, ńgwɔ́ pɔ́ megʉ̀, ńtí nue pɔ́ té mánzsè Ssé zsé. Mbà ntʉ́m wɔ́b léen shÿɔg.

Filipo 1:18

Á nò ge gyáŋa wɔ̀ɔn mǒ mélà’a kɔ́? Nyìŋ lɔɔn ńgwɔ́ shwóŋó nò Kristo, ńdɔg nkwaŋá mbòŋo kà nkwaŋá tepòŋ wɔ́, mbà á té *lɔ̌’ wɔ́, anò gwɔ́ pɔ́ ngie à shwóŋó nò Kristo. Ntʉ́m wɔ̀ɔn ge kág kág, é ké lá’a zɔ́gɔ kága kág mǒ.

Heber 12:17

Pi cwoŋo ńne ńzsé ngie afʉ̀’ gie tá we lɔ̌ɔn ńge ńnéŋ mbʉ́lè ná yé la gÿo ńku’, tá we cʉ́’ ḿbe’e yé pe’e. Á lɔgɔ lélʉa, éfa’ shÿó pá’ tá we ge kúbe nkwaŋá wé, á tè mǒ ku’.

1 Piɛ 1:2

E Ssé Tá la tsɔ́’ɔ gẅí, á gwɔ́ pá’ à la lá’ ńtʉ́ njÿó ńzáb, ḿbiŋ ńcʉa nà Zẅìge yé ńgÿo pi cʉ́’ pʉ̀a pé, légwɔ́ gie pi ge jú’ ncwò Yěsô Kristo, à lɔg metse mé é sɔgɔ gẅí. E Ssé ne ńgwɔ́ né pi, ńnáa sẅétè né pi tà à gyɔ́ɔn gyɔ́ɔn.