Roma 11:6 - Nouveau Testament en Ngienboum

⁶ Á lɔɔn ńgwɔ́ gie e Ssé ka cÿó gem yɔ́b ńtsɔ́’ɔ wɔ́b, mbà á té ńdɔgɔ ńgwɔ́ ngie pɔ́ ka gÿo tsɔ́ mmó mbòŋo wɔ́. E Ssé ka gwé’e éfó pɔ́ nà mmó mbòŋo gie pɔ́ gÿǒ tá ńtsɔ́’ɔ wɔ́b, mbà ńgwɔ́ mé le gíŋe ngie à kɔ̌ɔn ńdɔgɔ ńcÿó gem yɔ́b wɔ́.

Roma 11:6 ပူးပေါင်းရင်းမြစ်များ

Lukase 6:13

Njÿó lʉ́a, á tóŋ *ngàŋa nkwò yé, ńgʉa tsetsɛ̀ɛ pɔ́b, ńtsɔ́’ pʉ̀a ntsɔ̀b pʉ́a nê legém, ńtsẅi lezíŋ sɔ́b lê ngàŋ ntúm wé.

1 Korento 15:10

Á la ké ńcʉa pɔ́ ná pá’ e Ssé cÿǒ gem yɔ́ɔn, ńnéŋe ńkẅéte wɔ̀ɔn tá mèŋ n cʉ́’ʉ mmó gie mèŋ n gee yɛ̌ lɔɔn. Yɛ̌ ntí lecÿó gem yɔ́ɔn e la tè cʉa sẅɛ̀ɛ wɔ́, mèŋ fa’a fà’ ńcʉa petsɔ́ megàŋ ntúm, tá mèŋ n zɔ tě ńdɔgɔ mɔ́ɔn metʉ̀ fa’a wɔ́. E Ssé zɔ kẅéte wɔ̀ɔn ńnáa metʉ̀ n dɔgɔ fa’a.

Galatia 2:21

N tě ge zẅíŋ, ànò mbòŋo gie e Ssé la lɔg ńcÿó gʉm yɔ́ɔn à cʉa sẅɛ̀ɛ wɔ́. N gɔɔn ńtí, mélà’mie à lɔɔn ńgwɔ́ gie ńgwɔ́ nyìŋ cʉa ná nò *lepʉ̌ tá e Ssé cʉ́’ ńdíe yé pɔ́ pá’ nyìŋ gẅie aa ndʉŋ ndʉŋ, mbà á lɔgɔ ńgwɔ́ ngie Kristo la kwé sẅɛ̀ɛ sẅɛ̀ɛ.

Galatia 5:4

Pi pie pi ne fa’a légÿo shúm sie *lepʉ̌ ŋwɛ́ ne ńzɛ́te tá lɔg ku’ pʉ̀a pie ée mvfò Ssé ńgwɔ́ ndʉŋ ndʉŋ, pi ee pɛ́’ɛ̀ ńdɔgɔ ńgwɔ́ pʉ̀a pie pi fǎg nnɛ́ ná Kristo. Á gwɔ́ pú’u pi lɔgɔ sɔ́ɔn nò gie e Ssé kɔ’ɔ́ lɔg cÿó gʉm gí cÿó.

2 Timote 1:9

À la gÿo pege tsẅɛ́, éfaga wégè ńdɔg ńgÿo pʉ̀a pé. À lɔ̌ɔn těen ńgÿo pú’u, éfóo pɔ́ nà mefà’ mbòŋo mie pege fǎ’ wɔ́, à la cÿó pɔ́ gʉme yégè. Pú’u, mbà njÿó la nyé pɔ́ tè gwɔ̌ wó, kwà’ yé zɔ̌ záb ngie à ge gÿo lɔgɔ Yěsô Kristo, é gÿo pú’u, ná pege.

Titus 3:5

á gÿo pege tsẅɛ́. Pege těen ńtsẅɛ́ɛ á gwɔ́ pɔ́ ngie pege gÿǒ menò mie é tyé ndʉŋ ndʉŋ wɔ́, pege tsẅɛ́ɛ á gwɔ́ pɔ́ ngie à tsɔ́ɔn mezìŋe mégè. À la sɔgɔ wégè, ńdɔg ńgÿo mé zyé wégè lezyé se sẅé, à Zẅìge Ndʉalʉ̌a náa le gwɔ́ we sẅé né pege.