Roma 11:2 - Nouveau Testament en Ngienboum

² E Ssé kaa gwá’ pʉ̀a pé pie à la tʉ́ njÿó ńtsɔ́’ɔ wɔ́b gwɔ́. Á ge gǎ wɔ́ pi ne ńzsé jʉ’ʉ ŋwà’ne Ssé gie áa mǒ *Elîɛ ne shwóŋó Ssé mmó gie pà Israel gÿǒ,

Roma 11:2 ပူးပေါင်းရင်းမြစ်များ

Malékuse 12:26

Á gʉa nà mepfó pie é zimé nà legwé, mbà pi laa fó ńtóŋo mmó gie Mǒsê la ŋwe’e, ńda’te mmó gie e Ssé la gɔɔn né yé, á jʉ’ gie tsɔ̌ mûɔ métÿǒ laa wó, mmɔ̌g gwɔ́ mǒ wɔ́ kà? E Ssé la ne ńgɔɔn ngie: «Mèŋ, n gee Ssé Ábalam, ńgwɔ́ Ssé Esâg, ńgwɔ́ Ssé Yakwɔ́b»

Lukase 4:1

Jâŋ la gwɔ́ tà ńnu’u Yěsô ntse, á fó nkʉ̀ŋ ntse Jurdeŋ ńgʉa. A Zẅìge Ndʉalʉ̌a pú ńjÿó yé, ńgÿo á gʉa lê nkwòŋo tsẅɛ,

Ŋwà’ne Jâŋ 4:11

Manzwě ŋwɛ́ gɔɔn né Yěsô ngie, andè, ɔ̀ zɔɔn fó tè loŋgá gẅiin, ńtse piŋ ńgwɔ́ tsɛ̀ɛ ssé tɛ̀’ pɛ́’ɛ̀, wɛ̌ ntse gẅie é fóo lesá’a piŋ fó pɔ́ nzɔ̌?

Megàŋ ntúm 13:48

Pʉ̀a pie é té pà Yuda wɔ́ jú’u yɔɔn nò, ḿbú ńkág tɛ’, ńgu’te shwóŋè Cʉ̀apʉ̀a. Pʉ̀a pie ée tsetsɛ̀ɛ pɔ́b, mbà Ssé tsɔ’ɔ́ wɔ́b pá’ pâ pɔ̌ ge gẅiin le gwɔ́ tèmì, záb ntʉ́m wɔ́b ná Yěsô.

Megàŋ ntúm 15:18

É gwɔ́ menò mie aa ńzsé zsě.

Megàŋ ntúm 3:17

Mefɛ́ pɔ́ɔn, mèŋ n cwoŋo ne ńzsé mboŋó ngie pi lâ mefùɔ pí ka lɔg pɔ́ gʉ̀gʉ̀ tá ńgÿo yɔɔn ntí nò nà Yěsô.

Megàŋ ntúm 7:40

ńgɔɔn né Aroŋ ngie: Peg tè ne ńzsé mmó gie á kéen ńgÿo Mǒsê gẅie à ka kẅile weg tsɛ̀ɛ ngwòŋ Egipto wɔ́. Nyɛte tsɔ́ messé, é gwɔ́ mvfò peg ńnyɛɛ wég nzsè.

Roma 6:16

Tà pi ké ńdege ngie nyìŋ lɔɔn ńzẅíŋ nkwɔɔn nyìŋ pá’ à ge ne jú’u ncwò ngàŋ, mbà à cʉ̌’ nkwɔɔn ngàŋ. Á lɔgɔ ńgwɔ́ ngie pi lɔɔn ne ńjú’u ncwò nò tepòŋ, mbà pi cʉ̌’ nkwɔɔn nò tepòŋ, á gÿo pi kwé, ńké ńgwɔ́ gie pi lɔɔn ne ńjú’u ncwò Ssé, mbà pi ge cʉ́’ nkwɔɔn Ssé, à gÿo pi gÿo mmó gie áa ndʉŋ ndʉŋ mvfò yé.

Roma 9:23

Tá e Ssé lɔ̌ɔn ńgíŋe ńkwoŋo lényɛ nzẅìŋ fù’ gie áa tsɛ̀ɛ legú’ we, ńgwɔ́ gie à náa mbwo pʉ̀a pie à tsɔ̌ɔn mezìŋe mɔ́b, é pʉ̀a pie à la lá’ ntʉ́ njÿó ńcwoŋo wɔ́b ńtÿɔ́g, á légẅiin legú’ we ŋwɛ́.

Roma 9:6

Pɔ́ tsɛ ne ḿmoŋe Kristo, tá ńgwɔ́ n de gɔɔn ngie anò gie e Ssé la ka’a mbwo pʉ̀a Israel la tè kẅɛɛ nò wɔ́ wɔ́. Á nue á zɔɔn ńgwaa gwɔ́, pʉ̀a pie ée nà ngẅɛ̀ Israel, lelÿò tè kwà’ pʉ̀a Israel wɔ́,

1 Korento 6:2

Pi tè ne ńzsé ngie pʉ̀a Ssé ge lá’a lyɛ̌’ ŋag pʉ̀a njÿó wɔ́ ka? À lɔɔn ńgwɔ́ gie pi ge lá’ ŋag pʉ̀a njÿó, mbà kɔ́ piŋ ńgÿo pi tè ku’u léŋag menò mie é zɔɔn fó tè tsɔ́ mmó ku’?

1 Korento 8:3

Tá ńgwɔ́ gie nyìŋ lɔɔn ne ńkwoŋo Ssé, mbà ngàŋ aa nyìŋ gẅie e Ssé ně ńdá’ ńzsé yé.

Filipo 1:22

Tà áa pú’u, pá’ɔɔn ńgwɔ́ gie n dɔɔn ńnyé ńgẅiin léńnéŋe ndùmo ssé tsetsá’, éfa’ mefà’ mbòŋo, mbà mèŋ n ge kaŋ pɔ́ lékwé kà leńnéŋe? N kaa zsé gie mèŋ n ge kaŋ wɔ́.

Heber 1:1

Á laa tsɔ́ fʉ̀’, e Ssé gɔɔn nò mbwo pà mangʉa njʉ̀’ pégè, á nà mekwò tà ńgyɔ́ɔn, mbɔɔ ná mentí tà ńgyɔ́ɔn. Pú’u, ńcʉa ná pàntsẅì nkʉ̀ pé.

1 Piɛ 1:2

E Ssé Tá la tsɔ́’ɔ gẅí, á gwɔ́ pá’ à la lá’ ńtʉ́ njÿó ńzáb, ḿbiŋ ńcʉa nà Zẅìge yé ńgÿo pi cʉ́’ pʉ̀a pé, légwɔ́ gie pi ge jú’ ncwò Yěsô Kristo, à lɔg metse mé é sɔgɔ gẅí. E Ssé ne ńgwɔ́ né pi, ńnáa sẅétè né pi tà à gyɔ́ɔn gyɔ́ɔn.