Roma 11:1 - Nouveau Testament en Ngienboum

¹ Á gwɔ́ pú’u, mèŋ n zɛ́te ngie tà áa pá’ɔɔn, mbà Ssé gwǎ’ pʉ̀a pé keen? Ngǎŋ á té pú’u wɔ́, á nue mbàa mèŋ yɔ́ɔn mèŋ n gee nyìŋ Israel, ngẅɛ̀ Ábalam, éfóo ná tsìŋe ndá Mběnjameŋ.

Roma 11:1 ပူးပေါင်းရင်းမြစ်များ

Lukase 20:16

À ge tó gÿo mé zẅéte pɔɔn pànyɛte melù’, à cʉ́me nká’ mbwo pe mendyɛ̀’ɛ. Alá’ jú’ pá’ Yěsô cʉmé yɔɔn nò pú’u, ńgɔɔn ngie ngǎŋ ńgwɔ́ á le pɛ́’ɛ wɔ́!

Megàŋ ntúm 22:3

Mèŋ n gee mûɔ Yuda. Mé zyé wɔ̀ɔn tÿǒsoŋ Tarso, á tsɛ̀ɛ pàga ngwòŋ Silisia. Tà mbà n da gú’ pɔ́ Yerósalem wɔɔn; tà Gamaliel zɔ̌ gwɔ́ tsítsa wɔɔn. Á la nyɛte ńzí’i wɔ̀ɔn lepʉ̌ pàmangʉa njʉ’ pég. Mèŋ n daa nyìŋ, ńgáŋ nnɛ́ nà nò Ssé pɔ́ pá’ pi metsèm gÿo lyɛ̌’ɔɔn lɛ.

Megàŋ ntúm 26:4

Pà Yuda metsèm pú ne ńzsé pá’ mèŋ n gee ńnéŋe pú’u, tá fó pá’ n da lu ssé. Pɔ́ ée ssé ne ńzsé pá’ méŋ n dɔ̌ɔn ńnéŋe pú’u, tsɛ̀ɛ lá’a yégè mbɔɔ tsɛ̀ɛ tÿǒsoŋ Yerósalem.

Roma 11:11

Ngɔ̂ɔn ngiembɔɔn, pá’ pà Israel la gwɔ́ tà ńtúu kwò yɔ́b ná Kristo ḿbú ńgwe Ssé la, á laa pú’u, ńgwɔ́ pɔ́ ndà’ ndà’ la? Ngǎŋ á té pú’u wɔ́. Tá’ á la fó pɔ́ pá’ pɔ́ tǔ kwò yɔ́b, tá pʉ̀a pie é té pà Israel wɔ́ zẅɛ́’ ńtsẅɛ́. E Ssé lɔ̌ɔn ńgÿo pá’ɔɔn légwɔ́ gie pʉ̀a Israel ge záb lejÿɔ́g mǒ, é kwɔ́’ɔ lóŋ.

Roma 3:4

Ngǎŋ, ńgwɔ́ á le pú’u gÿo. Tà mbɔɔ pá’ pʉ̀a mesoŋ metsèm pú ńgwɔ́ pɔ́ ngàŋa cÿɔ̌ nò, yé Ssé à tè gɔɔn nò ḿbiŋ ńkúbe wɔ́. Áa ndʉŋ ndʉŋ pá’ mé la ŋwe’e tsɛ̀ɛ ŋwà’ne Ssé ngie: Gù Ssé gwɔ̌ tà ńgɔɔn nò mé gẅiin lézsé ngie ashwóŋè jú àa ndʉŋ ndʉŋ, Ńgwɔ́ gie nyìŋ ŋaga gú á le gú jÿó.

Roma 9:3

Pega pɔ̌ ee tà’ ngẅɛ̀. Á laa gie ńgwɔ́ mánzsè gwɔ́ wó légwɔ́ gie Ssé ge gwá’a wɔ̀ɔn peg Kristo piŋ fege, tà á gwɔ́ gie mefɛ́ pɔ́ɔn pà Yuda ge cʉa mǒ é zsé nyìŋ gẅie Kristo aa wɛ̌, mbà à lɔɔn ńgwɔ́ n de lʉ’.

2 Korento 11:22

Pɔ́ lɔgɔ pɔ́ pá’ pɔ́ ée pʉ̀a Heber ńka’te keen? Mbɔɔ mèŋ yɔ́ɔn n gwɔ́ pɔ́ tsɔ̌. Kà pɔ́ pá’ pɔ́ ée pʉ̀a Israel? Mbà mèŋ n tyě pá’ɔɔn ńgwɔ́ pɔ́ tsɔ̌. Kà pɔ́ pá’ pɔ́ ée pʉ̀a ná ngẅɛ̀ Ábalam? Mbɔɔ mèŋ yɔɔn n gwɔ́ pɔ́ tsɔ̌.

Filipo 3:5

Mé la zye wɔ̀ɔn, é cʉa lyɛ̌’ lefɔ̌ɔn, mé pú’u wɔ̀ɔn. Mèŋ n gee nyìŋ ná ngẅɛ̀ Israel, á nà tsìŋe ndá Mběnjameŋ, ńgwɔ́ nyìŋ Heber tà metá pɔ́ɔn gwɔ́ pɔ́ pà Héber, ńgʉa ná *lepʉ̌ pà Yuda, n gwɔ́ nyìŋ ná nùɔ pà *farisay.