Roma 10:9 - Nouveau Testament en Ngienboum

⁹ Á lɔgɔ ńgwɔ́ ngie ɔ̀ lɔɔn ńtyé mvfò lá’, éshʉa shʉa ńtsɔ́’ ncwò gú ńgɔɔn ngie Yěsô aa Cʉ̀apʉ̀a, ńgwɔ́ tsɛ̀ɛ ntʉ́m gù ńne ńzẅíŋe ngie e Ssé la gÿo á zíme ná legwé, mbà e Ssé ge gÿo gÿo ɔ̀ tsẅɛ́.

Roma 10:9 ပူးပေါင်းရင်းမြစ်များ

Lukase 12:8

Tà mèŋ n gíŋe shwóŋó gẅi yɔɔn nò, nyìŋ tyé mvfò lá’ ńgɔɔn ngie: Mèŋ, n gee nyìŋ Yěsô, mbà *Míŋ Nyìŋ ge lá’ gíŋe tyé yé mvfò *mecÿɔ́’ Ssé é gɔɔn ngie: Nyìŋ wɛ aa wɔ̀ɔn nyìŋ.

Ŋwà’ne Jâŋ 9:22

Tá we pɔ́ má we, gwɔ́ gɔɔn pú’u, á nue pɔ́ la ne ḿbɔ́gɔ pàsá’a lá’ pà Yuda. Á gwaa gwɔ́, mbà pà Yuda ka zǎb ngie nyìŋ lɔɔn ńzẅíŋ ngie Yěsô aa *Nzà’nkÿo, mé fóo ndá cú’tè ńjwoŋo ngàŋ.

Megàŋ ntúm 16:31

Pɔ́ tsɔ́’ɔ mbwo yé ngie: Záb ntʉ́m gú ná Cʉ̀apʉ̀a Yěsô. À gÿo pia ngẅɛ̀ ndá jù tsẅɛ́.

Megàŋ ntúm 2:24

Tá e Ssé la kyɛ́’te menkÿo legwé nà yé, ńzíme yé mélà’ mie, á la zɔɔn ńtʉ́ pà’ à lɔɔn ńgwɔ́ legwé ńnéŋe yé ndá tsǎŋ.

Megàŋ ntúm 2:32

*Nzà’nkÿo aa Yěsô. E Ssé ka zíme yé nà legwé, peg pɔɔn metsèm ne shwóŋó yɔɔn nò, á gwɔ́ nò gie peg ka gyá.

Megàŋ ntúm 8:36

Pɔ́ yé la nyé ńgiŋe giŋ, ńkẅɛɛ nà tsɔ́ jʉ’, ntse gwɔ́ wó. Nyìŋ Etiopia ŋwɛ́ gɔɔn né Filib ngie: Ntse wɛ, à lɔɔn ńgwɔ́ kɔ́ táte tà mé le wɔ̀ɔn ntse nu’u?

Roma 10:10

Á nue nyìŋ záb ntʉ́m wé ná Kristo, e Ssé cʉ́’ ńdíe ngàŋ á gwɔ́ pɔ́ ndʉŋ ndʉŋ mvfò yé. Nyìŋ piŋ ńtyé tsetsɛ̀ɛ lá’ ńtsɔ́’ ncwò wé, éshʉa shʉa ńgɔɔn ngie aa nyìŋ Yěsô, e Ssé gÿo á tsẅɛ́.

Roma 14:11

Á nue áa tsɛ̀ɛ ŋwà’ne Ssé, ńgwɔ́ ngie: Mèŋ Cʉ̀apʉ̀a gẅie aa ntentʉ́ n gɔ̌ɔn ngie: Pʉ̀a mesoŋ tà ḿmag ge lá’ kẅí’te mvfò mèŋ. Wɔ́ɔwɔ́ɔ tsɔ́’ ncwò we, éshʉashʉa ńzẅíŋ ngie mèŋ n gee Ssé.

Roma 14:9

Kristo la zɔɔn ńkwé ḿbiŋ ńzím légwɔ́ gie à ge gwɔ́ Cʉ̀apʉ̀a mepfó mbɔɔ we pʉ̀a pie pɔ́ ée ntentʉ́.

Roma 4:24

Mé lɔ́ɔn sáŋa mbɔɔ wégè yégè, pie e Ssé lɔ̌ɔn ńge gÿo líe wégè, pege gwɔ́ ndʉŋ ndʉŋ mvfò yé, á wégè pie pege zába ntʉ́m ná yé Ssé gẅie à la gÿo Ndè wege Yěsô Kristo fó lá’ mepfó ńzím.

Roma 8:34

ńgwɔ́ wɔ́ ku’u légɔɔn ngie ntsaŋ jÿǒ wɔ́b? Angàŋ tè wó wɔ́, á nue Yěsô Kristo la kwé nà twó sɔ́b á té zso pú’u wɔ́ á gÿo ńzím. À ńnéŋe nà gwoŋó pwó Ssé ye tʉ̀, ńne sẅíŋte yé nà twó ségè.

1 Korento 12:3

Áa yɛ̌ tá mèŋ n ne ńkwoŋo ngie pi zsé ngie: A Zẅìge Ssé zɔ̌ lɔɔn ńtsóte nyìŋ légɔɔn nò, mbà ńgwɔ́ ngàŋ á le néŋ ndòon twó Yěsô wɔ́. A Zẅìge Ndʉalʉ̌a lɔɔn ḿbiŋ tè ne ńtsóte nyìŋ légɔɔn nò wɔ́, mbà ńgwɔ́ ngàŋ á le gɔɔn ngie Yěsô aa Cʉ̀apʉ̀a wɔ́.

Filipo 2:11

Á piŋ ne ńzɛ́te ngie mbàa wɔ̌wɔ́ɔ sá’ ngie Yěsô Kristo aa Cʉ̀apʉ̀a. Mé ge gɔ́ɔn pú’u, é lɔg ná mekù’ á mbwo Ssé Tá.

1 Piɛ 1:21

Pi zẅɛ́’ɛ pɔ́ yé tá ńzába ntʉ́m nà Ssé gẅie à la zíme yé nà legwé, mbɔɔ pá’ à la náa yé legú’, tà pi gwaa záb ntʉ́m nà Ssé, é piŋ ne pyɛ́bɛ mmó gie Ssé ka’a, yé zɔ̌ gÿo.

1 Jâŋ 4:15

Nyìŋ lɔɔn ńzẅíŋ ngie Yěsô aa Míŋ Ssé, mbà Ssé lǎ nnɛ́ nà ngàŋ, angàŋ gíŋe ńda yé nnɛ́ nà Ssé.

2 Jâŋ 1:7

Pàcÿɔ nò kéen sa njÿó tà ńgyɔ́ɔn. Pɔ́ té ńne ńzẅíŋe ngie Yěsô Kristo la kwà’ sele ńcʉ́’ʉ nyìŋ mesoŋ wɔ́, pɔ́ ée kwà’ megàŋa cÿɔ̌ nò, ńgwɔ́ megàŋ mbù Kristo.