Roma 10:4 - Nouveau Testament en Ngienboum

⁴ Kristo la zɔɔn ńtó, nkẅɛ̌ ndá *lepʉ̌ lɔg ḿbumte. Pú’u, nyìŋ záb ntʉ́m ná Kristo tá e Ssé cʉ́’ ńdíe yé á gwɔ́ pɔ́ ndʉŋ ndʉŋ mvfò yé.

Roma 10:4 ပူးပေါင်းရင်းမြစ်များ

Matio 3:15

Tá Yěsô tsɔ́’ɔ mbwo yé ngie: Zẅíŋ ngie á gwɔ́ pú’u, fʉ̀’ɔɔn, mélà’mie pɔ́gɔ lɔɔn ńgÿo pú’u, tá á lɔgɔ ńgwɔ́ mmó gie e Ssé né ńzɛ́te. Jâŋ leen ńké ńzẅíŋ,

Ŋwà’ne Jâŋ 1:17

E Ssé la cʉa ná Mǒsê, ńná *lepʉ̌, anò nénʉ́ pɔ́ nò lécÿó gʉm yégè piŋ ńcʉa pɔ́ nà Yěsô Kristo.

Roma 3:22

Á gwɔ́ pá’ nyìŋ lɔɔn ńzáb ntʉ́m ná Yěsô Kristo, mbà e Ssé ge cʉ́’ líe ngàŋ, à gwɔ́ mvfò yé ńgwɔ́ ndʉŋ ndʉŋ. Ee ndà’ nzsè mbwo mânyìŋ ntsèm. Pɔ́ ée mvfò Ssé ḿbú ńgwɔ́ pɔ́ tà’a mmó,

1 Korento 1:30

Yé Ssé zɔ la temte gẅia Yěsô Kristo, ńdɔgɔ yé ńgÿo yégè zsé nò. E Ssé fó ná ye ńgyá wégè pá’ pà tè fʉa, ńdɔgɔ wégè ńgÿo pʉ̀a pé, ńzá’ nkÿo pù’ nò tepòŋ ná pege.

Galatia 3:24

*Lepʉ̌ lâ pá’ɔɔn ńdɔgɔ ńgwɔ́ pá’ nyìŋ gẅie e Ssé la túm á ně ńdíe wég tà ńkú fʉ̀’ gie Kristo ka tó légwɔ́ gie peg ge záb ntʉ́m ná ye; é lɔg pú’u, e Ssé cʉ́’ ńdíe wég pɔ́ pá’ pʉ̀a pie ée ndʉŋ ndʉŋ mvfò ye.

Galatia 4:5

À la tó pú’u, lécu’ pʉ̀a pie *lepʉ̌ Mǒsê la ne ńdɔgɔ wɔ́b ńgÿo menkwɔɔn, mbɔɔ pá’ à ge gÿo pege metsèm cʉ́’ púɔ Ssé.

Kolosia 2:10

Pia Kristo kéen ńtemte, e Ssé fó mǒ ńnáa gẅi fù’ ntí ntí. Kristo ŋwɛ́ pǔ ńcʉa kɔ̀ɔkɔ́ɔ gie á gẅiin tʉ̀, ésá’a njÿó.

Kolosia 2:17

Sɛ̌ shúm lɔgɔ ńgwɔ́ pɔ́ jʉ́jʉ́ŋ shúm sie é ne ńtóo. Mé ge gÿo gyá Kristo, é zsé ngie mé gyǎ kwà’ sɛ̌ shúm.

Heber 10:14

Wɔɔn aa pá’ à la lɔg pɔ́ tà’a mmó wémɔ’ɔ́ gẅie à nǎ mbwo Ssé, ńgÿo pʉ̀a pie pɔ́ zẅɛ́’ɛ yé, ńku’ pʉ̀a Ssé, é gwɔ́ pà tè *lɔ̌’ pɔ́ ndà’ ndà’.