Roma 10:3 - Nouveau Testament en Ngienboum

³ Á gwɔ́ nue pɔ́ té ne ńkwoŋo lézẅíŋ ntí gie e Ssé lɔg ńgÿo pʉ̀a gwɔ́ ndʉŋ ndʉŋ mvfò yé wɔ́ mbɔɔ nue pɔ́ fa’a pɔ́ wɔb mánzsè. Pɔ́ té zẅíŋe mánzsè gẅie e Ssé fó mǒ ngie epʉ̀a ée ndʉŋ ndʉŋ mvfò yé wɔ́.

Roma 10:3 ပူးပေါင်းရင်းမြစ်များ

Lukase 10:29

Nyìŋ ŋwɛ́ gwɔ́ zoŋo twó yé, ńgɔɔn ngie: Ayɛ̀ tà ḿboŋ, tà fɛ́ wɔ̀ɔn nyìŋ mesoŋ aa pá’ɔɔn ńgwɔ́ wɔ́?

Lukase 16:15

Á gɔɔn mbwo pɔ́b ngie: Pi pɛ̂, pi zɔ̌g ḿbab pʉ̀a ngie pi ee pʉ̀a mbòŋo, tá’, e Ssé ké ńne ńzsé pá’ letʉ́m sí ée pú’u. Pi zsé ngie: Anò gie pʉ̀a mesoŋ gyá ngie áa nò tɛ’, áa mvfò Ssé ńgwɔ́ nò shʉ́.

Roma 1:17

Á zɔɔn ńgwaa gwɔ́, nkʉ̀ mbòŋo ne ńgÿo mé zsé pá’ á cʉa pú’u, tá Ssé lɔg pʉ̀a mésoŋ ńtóŋ pʉ̀a pie pɔ́ ée ndʉŋ ndʉŋ mvfò yé á cʉa pɔ́ ndà’ nà pá’ pɔ́ záb ntʉ́m nà yé. E tsɔ̌ nzsè ndyɛ̀’ɛ è tè wó wɔ́. Áa mmó gie mé la ŋwe’e tsɛ̀ɛ ŋwà’ne Ssé ngie: Nyìŋ gẅie aa mvfò Ssé ńgwɔ́ ndʉŋ ndʉŋ ńtí nue à záb ntʉ́m nà yé zɔ ge lá’ gwɔ́ wó.

Roma 10:2

Mèŋ n cwoŋo ne ńzsé ngie, pɔ́ kwa’ ne ńkwoŋo léfa’a fà’ Ssé pɔ́ lê zeŋe nnɛ́, tá pɔ́ té ne ńjú’u kwà’ mánzsè wɔ́.

Roma 10:20

*Ntsẅì nkʉ̀ Ssé Esǎya la fó shʉa shʉa ńgíŋe ńgɔɔn ngie e Ssé gɔ̌ɔn ngie: E pʉ̀a pie pɔ́ la zɔɔn fó tè ne fa’a wɔ̀ɔn mɔ́ Kéen ńzsé wɔ̀ɔn Mèŋ n ka piŋ ńnyɛ mbùm yɔɔn mbʉ̀a pʉ̀a pie Pɔ́ ka tè ne ńdúɔ tsɔ́ mmó mbwo mèŋ wɔ́.

Roma 11:7

Áa pú’u, ńdɔgɔ ńgwɔ́ lêkɔ́? Á lɔgɔ ńgwɔ́ ngie ammó gie pà Israel la ne fa’a pɔ́ la tè gyá métsèm wɔ́. Etsɔ̌ ntá’ pʉ̀a tsetsɛ̀ɛ pɔ́b pie e Ssé la tsɔ́’ zɔ̌ la gyá. Á cʉ́’ʉ pfwɔ’ e Ssé nyé wɔ́b pɔ́ tiŋ ndʉ̀’.

Roma 3:22

Á gwɔ́ pá’ nyìŋ lɔɔn ńzáb ntʉ́m ná Yěsô Kristo, mbà e Ssé ge cʉ́’ líe ngàŋ, à gwɔ́ mvfò yé ńgwɔ́ ndʉŋ ndʉŋ. Ee ndà’ nzsè mbwo mânyìŋ ntsèm. Pɔ́ ée mvfò Ssé ḿbú ńgwɔ́ pɔ́ tà’a mmó,

Roma 3:26

À kaa fʉ̀’ó ne shÿɔgɔ shÿɔg ńzẅí’te, tá’ áa fʉ̀’ɔɔn, á ne ńnyɛɛ ngie àa ndʉŋ ndʉŋ, ńgíŋe ńnyɛɛ ngie à líe nyìŋ gẅie à záb ntʉ́m wé ná Kristo á gwɔ́ pɔ́ ndʉŋ ndʉŋ mvfò yé.

Roma 5:19

Ndʉŋ ndʉŋ pá’ tà’ nyìŋ mesoŋ la lʉ’ʉ lé jú’ ncwò Ssé, anùɔ lá’ fó mǒ ńcʉ́’ ngàŋ mefʉa la, tà’ nyìŋ wémɔ’ɔ́ la jú’ ncwò Ssé, á fó mǒ anùɔ lá’ lá’ ńcʉ́’ pʉ̀a pie e Ssé líe wɔ́b pɔ́ gwɔ́ ndʉŋ ndʉŋ mvfò yé.

2 Korento 5:21

Pá’ ndòon laa twó pege la, e Ssé la kaa menò tepòŋ mégè, ńzába twó Kristo, mbà à la tè tsɔ́ nò tepòŋ gẅiin. À la gÿo pú’u, pá’ pege ge lɔgɔ léla nnɛ́ ná Kristo, é gwɔ́ pʉ̀a pie ée mbwo Ssé ńgwɔ́ ndʉŋ ndʉŋ.

Filipo 3:9

légwɔ́ gie mèŋ n ge cʉ́’ gwɔ́ pɔ́ nà mbwo mé, ńgwɔ́ n de gíŋ ngie n gee tè fʉa mvfò Ssé, mélà’mie mèŋ n zsé *lepʉ̌ pà Yuda wɔ́. Mèŋ n gee mvfò yé ńgwɔ́ tè fʉa ńtí pɔ́ nò gie mèŋ n záb ntʉ́m wɔ̀ɔn ná Kristo, e Ssé zɔ gÿo ngie mèŋ n gwɔ́ nyìŋ nénʉ́ pá’ wɛ̌ nyìŋ wɔ́ gẅie à zǎb ntʉ́m wé ná Kristo.

2 Piɛ 1:1

Aa mèŋ Símo Piɛ, nyìŋ gẅie à fa’a fà’ Yěsô Kristo, ńgíŋ ńgwɔ́ ngàŋ ntúm we. Mèŋ n náa yɔɔn ŋwà’ne mbwo pi pie pi la záb ntʉ́m ná Yěsô Kristo pá’ peg yég. Lezǎb ntʉ́m ná Yěsô Kristo áa mmó tʉ̀ nzẅìŋ mbwo pi mbɔɔ mbwo peg yég. Yěsô Kristo yé maŋwɛ́ zɔ la gÿo pú’u, né pege, á nue à gÿo mmó nà wɔ̌ɔwɔɔ pɔ́ ndʉŋ ndʉŋ. Aa Ssé yege, ńgwɔ́ nyìŋ gẅie á gÿo pege tsẅɛ́ɛ.